Usu dû dinamismu funèticu
Lu "dinamismu funèticu" è lu nzemi di li mudìfichi funètichi ca succèdinu ntô sicilianu parratu.
Diffusioni
[cancia | cancia lu còdici]Sti mudìfichi funètichi ca attruvamu a l'urali sunnu diffusi nta tutta la Sicilia ma sunnu diversi secunnu li zoni di l'ìsula. Sapennu chistu, la maiuranza di li littirati siciliani nun usaru lu dinamismu funèticu pi lu sicilianu scrittu.
Asempi
[cancia | cancia lu còdici]- cu-ttìa (cu tìa)
- a-fFabbiu (a Fabbiu)
- comu si-ghjò unn fussi (comu si jò nun fussi)
- e-vvoli (e voli)
- pi-gghiri a-cCatania (pi jiri a Catania)
- pi-fforza (pi forza)
- e-ddi ciuri (e di ciuri)
- pi-bberu (pi veru)
- u-gnornu (un jornu)
- cu-mme frati (cu mè frati)
- mPalermu (n Palermu)
- ki-vvoi (chi voi)
- e-ssulu (e sulu)
- all'àutra (a l'àutra)
- puntu pi-ppuntu (puntu pi puntu)
- Sam-Petru (San Petru)
- 'u-gniri (nun jiri)
- com'attia (com'a tìa)
- mi susu mpedi (mi susu n pedi)
- mmanu (n manu)
- e-ppuru (e puru)
- n-zishilianu (n sicilianu)
- piddaveru (pi daveru)
- Sam-Pàulu (San Pàulu)
- N-Zishilia (N Sicilia)
- unn-zugnu (nun sugnu)
- nun-zugnu stancu (nun sugnu stancu)
- Dom-Micheli (Don Micheli)
- ma a-mmia (ma a mìa)
- affaricuntu (a fari cuntu)
- unn-mulissi chi (nun vulissi chi)
- pi-cchissu (pi chissu)
- unn-zunnu (nun sunnu)
- San-Numìnicu (San Dumìnicu)
- ammia mi piacissi (a mìa mi piacissi)
- quarchi-gghiornu (quarchi jornu)
- avissum'affari (avìssum'a fari)
- ron-miulinu (dôn viulinu)
- m-particulari (n particulari)
- un-zimmulu (un sìmmulu)
- a-mmenu chi (a menu chi)
- am'a-ddiri (âm'a diri)
- jornu pi-ghiornu (jornu pi jornu)
- ddà-gghiusu (ddà jusu)
- ccà-bbanna (ccà banna)
- ogni-ttantu (ogni tantu)
- cchiummegghiu (cchiù mmegghiu)
- quarki-kkosa (quarchi cosa)
- cchiù-bbeddu (cchiù beddu)
- è-pp'iddu (è p'iddu)
- ma ch'è-bbeddu (ma ch'è beddu)
- si-bbedda (sî bedda)
- sù-bbeddi (sù beddi)
- tri-ppicciotti (tri picciotti)
- dù-ccristiani (dù cristiani)
ecc.
Nu finòminu prisenti nta àutri lingui
[cancia | cancia lu còdici]Ci voli nutari ca stu finòminu funèticu nun è tìpicu sulu dû sicilianu, pirchì asisti (n misura minuri) nta àutri lingui latini, comu p'asempiu la lingua corsa ca havi la forma:
sammartinu (zoè 'n sicilianu: "babbaluci") ca veni dâ sprissioni corsa "San Martinu" (prununzata "Sam-Martinu").
ecc.
Rifirimenti ca nun ùsanu lu dinamismu funèticu
[cancia | cancia lu còdici]Rifirimenti ca ùsanu lu dinamismu funèticu
[cancia | cancia lu còdici]Sicilianu standard usatu ntâ wikipedia
[cancia | cancia lu còdici]E' ovviu ca usari lu dinamismu funèticu sicilianu ntâ lingua siciliana scritta nun nni facìlita la liggiuta, e n'àutra cosa mpurtanti è ca lu dinamismu funèticu cancia nta arcuni zoni (si pò diri "tri-vvoti" o "tri-bboti", si pò diri "m-barca" o "m-marca", e si pò diri "un-n-jornu" o "un-ciuornu"). Raccumannamu di nun usari lu dinamismu funèticu, e dunca cunzigghiamu di scrìviri "cu tìa", "a Fabbiu", "tri voti", "n varca", "un jornu", ecc. mmeci di scrìviri "cu-ttìa", "a-fFabbiu", "tri-vvoti", "mmarca", "un-n-jornu", ecc.