Sarvaturi Camilleri

Dâ Wikipedia, la nciclupidìa lìbbira.

Sarvaturi Camilleri è nu scritturi sicilianu chi havi scrittu tanti òpiri pi sicilianu, cuntannu puisìi e cummedîtiatru. Veni cunziddiratu comu n'ammastratu dâ lingua siciliana, avennu scrittu na grammàtica acclamata e lu Vocabolario Italiano Siciliano, facirmenti lu megghiu vucabbulariu sicilianu muternu, certamenti lu cchiù cumpretu.

Asempiu dâ sò puisìa[cancia | cancia la surgenti]

di Luna Catanisa[cancia | cancia la surgenti]

Diciottu Jaròfuli

Chianciulina a punenti
la luna, jancu crisantemu,
e chiovi.
Nuvèmmiru, accantu di lu focu, campa
di li ricordi di la primavera.
Ju nun aju ricordi,
a li mè spaddi rina senza màcula,
nta lu celu canceddi sbarriati.
Ntuttuna, dintra l'ànima, diciottu
jaròfuli gintili,
sirinata a li stiddi
e prufumu d'aprili.
Diciottu e tu mi guardi, e tu mi chiami...
Centumila chitarri nta la notti.
Lu celu di blu turcu, trapungiutu
di matraperli e nàcchiri, e la luna
ncantisimata supra di lu mènnulu.
Diciottu, e mi si posa nta li manu
la primavera.