Claudiu Rinaudu
Claudiu Rinaudu (Palermu, 1932 - ) è nu scritturi sicilianu chi scrivi n sicilianu e pi napulitanu.[1]
Era unu di funnatura dû cìrculu culturali: Giacomo Giardina, di Bagarìa. È macari nu membru di l'ANCIS Assuciazzioni Ntirnazziunali.
Havi vinciutu premi pî soi puisìi. Scrivi canzuni, drammi e puisìi umurìstici, comu si vidi dî dui asempi ccasutta. Tra li soi òpiri pubbricati, s'attròvanu: Pinsannu Pinsannu (1997); U Lampiuni (1998); e 2000 Risate (2000).
Sti dui asempi siquenti n'ammùstranu la sò dirizzioni còmica.
Asempi
[cancia | cancia la surgenti]Anonima[2]
- Di li sirici a li vinti va circannu sticchi tinti
- di li vinti a li trenta, sempri tisa, mai lenta
- di li trenta a li quaranta, pari 'n jaddu, sempri canta
- di li quaranta a li cinquanta, fissa l'omu ca sâ vanta
- di li cinquanta a li sissanta, si l'annaculìi, tranta
- di li sissanta a li sittanta, s'arritira a vita santa
- di li sittanta a l'uttantina, pari u coddu dâ jaddina
- si a novanta po' arrivari, servi sulu pi pisciari
- e si poi arriva a centu, è na ciaramedda senza ventu.
Scenza Sicula[3]
- La midicina pi campari a longu,
- si chiama parra picca ntà stu munnu;
- stu farmacu va priparatu ncasa,
- senza bisognu di la cassa mutua.
- Si pigghia anticchia di nun ti ntricari,
- una sbrizzidda di cu ti ci mmisca,
- una manata di nun sacciu nenti,
- si metti nta la tazza, s'arrimina.
- E l'hai a pigghiari sempri ogni matina,
- cu stu dicottu nni canusciu a unu,
- nenti di menu ca campò cent'anni.
- -Ma comu potti fari? Zu Giuvanni?
- arrè vi l'haju a diri? Don Totò?
- stetti mutu e si fici i cazzi sò.
Rifirimenti
[cancia | cancia la surgenti]- ↑ Dieli, Art, Sicilian Poetry, Sicily Page, nfurmazzioni supra Claudiu Rinaudu, taliatu lu 8 di giugnu, 2008
- ↑ Sicilia Parra, volumi XVII, No. 2, Mmernu 2005
- ↑ Dieli, Art, Sicilian Poetry, Sicily Page, di U Lampiuni, 1998, taliatu lu 8 di giugnu, 2008
