Don Chisciotti e Sanciu Panza
| « ...un omu ca non sapìa cunzari na nzalata e pritinnìa di cunzari lu munnu. - (unni Sanciu Panza sta discrivennu l'eroi, Don Chisciotti.) » |
Don Chisciotti e Sanciu Panza (scrittu 1785 e 1786), è nu puema èpicu-umurìsticu di Giuvanni Meli, unu dî cchiù cèlibbri scrittura siciliani.
La basa di stu puema è lu rumanzu famusu di Cervantes, El ingenioso hidalgo Don Quijote de la Mancha, ma cu sta basa, e li pirsunaggi sìmili di Don Chisciotti e Sanciu Panza, Meli pigghia na strata cumpritamenti diversa, e va arriscidennu nu tema chi è urigginali pi na manu, ma pi l'àutra assai custanti chî soi temi usuali.
Cchiù di qualunchi dî soi òpiri, Don Chisciotti e Sanciu Panza rifletti la pirsunalitati di Meli e macari li cunflitti dû sò tempu. Si pò studiàricci di nu certu nùmiru di diminsioni: comu nu ducumentu stòricu chi cumprenni lu rapportu dinàmicu tra l'idei d'Illuminismu e li normi di na sucitati limitata di tradizzioni; comu na nutanna chi cunteni assirvazzioni sìmprici di l'abbitudini suciali; e comu nu travagghiu littirariu di prufunnitati cunzidiràbbili.
Li dui pirsunaggi sunnu sìmmuli viventi dî forzi rivali dintra l'omu (na diffirenza granni chî pirsunaggi paragunàbbili di Cervantes). Lu Sanciu Panza di Meli si trasforma 'n caràttiri quantu mpurtanti ca Chisciotti, ritinennu sempri lu sò pruspittivu ncrèdulu. L'idiali di Chisciotti si manifèstanu comu li sogni di nu babbu pigghiatu di fanaticarìa.
Don Chisciotti e Sanciu Panza è nu puema umurìsticu ntô senzu pirandillianu, riflittennu lu sintimentu dû cuntrariu. Li dui eroi tèninu li carattirìstici cuntrari. Nfini putemu cunchiùdiri ca Chisciotti nun rapprisenta n'eroi cumpretu picchì li soi ntinzioni boni vennu sempri aganati dâ rialitati. Sanciu addiventa n'omu saggiu e prudenti, trasfurmànnusi 'n filòsufu, nzignànnusi dâ sò spirienza e la sò pena naturali. Si cancia di nu viddanu analfabbetu a na pirsuna stimata.
Ntra stu puema èpicu putemu vidiri la pirsunalitati di Meli stissu picchì iddu cumprenni Chisciotti e Sanciu, ssennu quantu idialista ca scètticu. Facirmenti chissa rapprisenta macari na visioni dâ sucitati siciliana e lu caràttiri dû veru sicilianu.
Ispirau 'na commedia omonima. [1]
Asempiu
[cancia | cancia u còdici]Parti Prima, Cantu Primu
[cancia | cancia u còdici]Argumentu
- (li prima e secunna strofi)
- Don Chisciotti spirdutu ntra timpesti;
- Sanciu si agghiummarìa 'mmenzu 'a nivi.
- l'Eroi tira a li Fati e spacca testi,
- e lu sceccu li colpi si ricivi,
- 'Ncantissimu armaliscu, in cui si vesti
- di li spogghi 'ncantati, si descrivi;
- Sanciu, attirritu di st'adornu stranu,
- lu seguita scantatu da luntanu.
- Musa, canta l'Eroi già l'umbra audaci
- di don Chisciotti mi circunna tuttu;
- ardi di sdegnu chi Scervantes taci,
- di tant'àutri prodizzi 'un ni fa muttu:
- cerca l'Omeru so, nè trova paci;
- si raccumanna a nui chi voli ruttu
- lu vecchiu muru, unni lu cecu obliu,
- nzoccu chiddu nun scrissi, sipillìu.
Àutri òpiri di Meli
[cancia | cancia u còdici]Rifirimenti
[cancia | cancia u còdici]- Meli, Giuvanni (1995) Moral Fables and Other Poems: A Bilingual Anthology (Sicilian/English), Legas (antoluggìa bilinguali, traduciuta di Prof. Gaitanu Cipolla)
