Vitalianu Brancati

Dâ Wikipedia, la nciclupidìa lìbbira.
Jump to navigation Jump to search


Vitalianu Brancati

Vitalianu Brancati, scritturi siclianu, nascìu a Pachinu lu 24 di giugnettu1907. Sò patri era avvucatu e, quannu era picciriddu, Vitalianu appi a seguiri a sò patri a Spaccafurnu, a Muorica e a Puzzaddu. La sò carrera littiraria cunta òpiri di na certa mpurtanza pi la narrativa, la saggìstica, lu cìnima, e lu tiatru. Murìu a Torinu lu 25 di sittèmmiru1954.

Narrativa[cancia | cancia la surgenti]

Vitalianu Brancati è canusciutu pi la manera satìrica rilativa a l'anàlisi dâ burghisia siciliana e lu sò umurismu è lu specchiu di na visioni amara dâ rialità. Ricurdamu Don Giovanni in Sicilia (1943) e Il Bell'Antonio (1949).

Tiatru[cancia | cancia la surgenti]

Ntra li sò òpiri tiatrali ricurdamu l'attu ùnicu Everest, lu dramma Piave (1932), la farsa Questo matrimonio si deve fare, Le trombe di Eustachio, Don Giovanni involontario, ma forsi la sò òpira tiatrali cchiù canusciuta fu La governante. La censuraru, ma poi na realizzazioni di Turi Ferru fu misa in scena nta l'anni '60.