Ibn Hamdis

Dâ Wikipedia, la nciclupidìa lìbbira.
Jump to navigation Jump to search

Ibn Hamdis (Notu 1056 ca. - Maiorca 1133 ca.) fu lu massimu pueta sicilianu di ebbica arabba.

La vita[cancia | cancia la surgenti]

Cummattìu contru a la 'nvasioni nurmanna, e cu la fini di l'èbbica àrabba 'n Sicilia, appi a asiliàrisi 'ntâ Spagna e Algiria. Li sò puesìi di caràttiri autubbiugràficu, canusciuti oggi grazzî â traduzzioni comu a chidda di Micheli Amari, sunnu chini di nustargìa pi la terra chi appi a abbannunari, e forsi pi n'amuri chi avìa vissutu 'n Sicilia.

Fu auturi di nu Canzuneri, òpira chi si cumponi di quarchi 6000 versi.

Poetica[cancia | cancia la surgenti]

Di Ibn Ḥamdīs nni è pirvinutu nu dīwān, zoè nu canzuneri di cumpunimenti puetici, cumpostu di 360 qasāʾid (puisii), pi nu tutali di cchiù di 6.089 versi. Li temi trattati sunnu varii, di la discrizziuni di particulari di la vita di tutti li jorna, a lu paniggiricu pi l'unuri di li principi a la corti di li quali era spitatu. Tanti qaside sunnu addidicati a la Sicilia pirduta di la so juvinizza. Tanti sunnu addidicati a la biddizza fimminili e a lu vinu, 'nta nu stili ca arricorda chiddu di lu so famosu cuntimpuraniu pirsianu Omar Khayyam.

La 'nfruenza di Ibn Hamdis nni la curtùra di oi[cancia | cancia la surgenti]

Scurdatu pi na granni parti di lu XX seculu, Ibn Hamdis fu citatu di Leonardo Sciascia 'nta l'articulu di lu 1969 Sicilia e sicilitudine, cumprisu 'nta la raccolta La corda pazza. Di li anni nuvanta si assisti nta la Talia a na rivalutazzioni di l'opira di Ibn Ḥamdīs puru fora di l'arabistica, e cchiù 'n ginirali di la cultura araba 'n Sicilia. Zò ispirau macari pueti e musicisti taliani. 'Nta l'opira di lu pueta sicilianu Sebastiano Burgaretta la 'infruenza di Ibn Ḥamdīs è chiara. E a lu granni pueta arabo-siculu, Burgaretta havi didicatu na 'ntenza lirica 'n lingua siciliana, poi vincitrici di lu Premio Vann'antò Saitta.

'Nta lu 2007, 'n Sicilia, li manifistazziuni Zagara e Rais e, cu lu patruciniu di la Regione Siciliana a cura di Antonino Reitano, Poesia araba siciliana hannu 'ntesu unurari li pueti arabi di Sicilia.

L'ensemble musicali Milagro acustico havi didicatu tri album a la puisia di li pueti arabi di Sicilia e 'n particulari a Ibn Hamdis: Poeti Arabi di Sicilia (2005 Compagnia Nuove Indye), SIQILIAH terra d'Islam - Viaggiatori e poeti arabi di Sicilia (2007 Compagnia Nuove Indye) e SICILIA ARABA (2013 Cultural Bridge Indie Label).

'Nta lu 2008, la cantanti catanisi Etta Scollo, cu la cullabburazziuni di la prufissurissa Corrao, curatrici di la raccolta Poeti Arabi di Sicilia e 'nzemmula cu àutri artisti di lu gruppu Ensamble, havi urganizzatu supra la puetica di Ibn Ḥamdīs, e di àutri pueti arabi di Sicilia, lu spittaculu Il Fiore Splendente, ca havi avutu tantu successu cacari 'n Girmania, e di cui hannu fattu nu cd musicali.

Nni lu 2011, lu musicista sicilianu Franco Battiato havi misu 'n musica quarchi opiri di Ibn Hamdis 'nta nu prujettu musicali 'ntitulatu Diwan: L'essenza del reale, a lu fini di fistijiari li 150 anni di l'Unità d'Italia cu n'umaggiu a la ricchizza di li so radici curturali.

Pi sapirini cchiossai[cancia | cancia la surgenti]