Petru Carrera

Dâ Wikipedia, la nciclupidìa lìbbira.
Jump to navigation Jump to search

Petru Carrera, littiratu sicilianu, nasciu a Militeddu in Val di Catania ntô 1571 e muriu a Missina ntô 1647.

Fatti li primi studî a Militeddu, vinni distinatu a lu statu acclisiasticu, unni, mentri svurgìa li duveri dû sò statu, si desi a la littiratura e a lu stùdiu. Campau a Palermu, appoi pi longu tempu a Catania e a Missina, unni muriu. Dopu aviri puitatu 'n latinu e 'n talianu, si desi a lu stùdiu di l'Archiologgìa littiraria siciliana e addivintò assai spertu ntâ littura di vecchi testi e di antichi manuscritti.

L'òpiri[cancia | cancia la surgenti]

Li sò puisij foru stampati ntô 1610 'n Sicilia e ntô 1612 a Venezzia:

  • "Variorum Epigrammatum libros tres"
  • "Panormi typis Erasmi de Simeone"

Ntâ lu 1617 pubbricau n'òpira curiusa: "Del gioco degli scacchi", spartuta 'n ottu libbri, unni si nzignanu li principi dû jocu, li nisciuti, li stratiggij e s'arriscuri sùpira la vera urìggini di iddu.

Ma l'òpira granni dû Carrera sunnu "li mimorij historichi di la cità di Catania", fatta 'n dui vulumi. Ntô primu tomu, stampatu 'n Catania a lu 1639 e spartutu 'n quattru libbra, si parra di l'antica urìggini dâ cità e di lu situ di idda, di l'edificj, pirtinenzi, scrizzioni, midagghi. Ntô secunnu vulumi, stampatu 'n Catania a lu 1641 e spartutu macari chistu 'n quattru libbra, si parra dâ vita, traslazzioni, miràculi e àutri pirtinenzi dâ gluriusa Sant'Àgata.