Gaitanu Cipolla

Dâ Wikipedia, la nciclupidìa lìbbira.
Jump to navigation Jump to search

Gaitanu Cipolla è nu littiratu e scritturi sìculu-miricanu. Scrivi dî littiraturi taliana e siciliana. È prisidenti d'assuciazzioni sìculu-miricana: Arba Sìcula chi pùbbrica libbra, jurnaleddi e rivisti pi sicilianu.

Pruf. Cipolla stissu hà fattu assai pi difùnniri la littiratura siciliana. Fu lu primu a tradùciri (ntô ngrisi) e pubbricari l'òpiri di Giuvanni Meli (ntra cui si cùntanu li puemi cchiù canusciuti comu L'Origini di lu Munnu; Favuli Morali; Diatrammu:Sarudda; La Buccolica; Elegii; e Don Chisciotti e Sanciu Panza), e Ninu Martogliu (p'asempiu: Centona).

L'assuciazzioni Arba Sicula stissa pruduci nu jurnaleddu chi veni pubbricatu ogni annu, chiamatu Arba Sicula, e macari na rivista chi veni stampata dui voti ogni annu, chiamata Sicilia Parra. Ntra ssi pubbricazzioni s'attròvanu tanti materi o scritti dû prufissuri stissu e/o scritti d'àutri traduciuti ntô ngrisi d'iddu. Fici macari l'edituri di la gràmmatica dâ lingua siciliana di J.Kirk Bonner (pubbricata ntô 2001); la prima grammàtica dâ lingua siciliana scritta pi ngrisi, e facirmenti la prima pubbricata di quannu chidda di Giuseppi Pitrè niscìu â fini dû sèculu XIX.

Lu prufissuri scrissi nu dramma pi sicilianu chiamatu A Lupa e hà scritti tanti àutri libbra e òpiri chi si tràttanu dâ littiratura e/o la cultura siciliana. Hà vinciutu premi littirari pì soi studi e scrittura.


Vuci currilati[cancia | cancia la surgenti]