Santu Calì
Santu Calì (Santo Calì), natu a Linguarossa, ntâ pruvincia siciliana di Catania, lu 21 di uttùviru dû 1918 e mortu lu 16 di dicèmmiru dû 1972 quannu era ancora ntô chinu dâ sô attivitati di studiusu e di pueta.
Doppu aviri studiatu a Giarri e a Roma cunziquìu la làuria ‘n littri pressu l'Univirsitati di Catania discutennu na tesi di Storia dî tradizzioni pupulari. Nzignau pressu la scola media parificata “San Tommaso” ("S. Tomasi") di Linguaglossa, pressu lu Liceu-Ginnasiu "M. Amari" di Giarri; pressu la Scola media L. Pirandello di Ripostu e di novu, comu titulari di Littri ô Ginnasiu, pressu lu "M. Amari" di Giarri. Duranti lu pirìudu dâ cuntistazzioni (1968) Santu Calì si fici purtavuci dâ prutesta juvanili ntrasennu spissu ‘n cuntrastu cu l'auturitati sculàstica.
Ducenti di littri, pueta, saggista, culturi di studî clàssici ma videmma appassiunatu canuscituri di tradizzioni pupulari siciliani, fu unu dî tanti pirsunaggî di granni cultura ca dèttiru nu vàlidu e forti “input” culturali â Sicilia, e nun sulu.
Santu Calì fu videmma unu dî dui funnatura, cu Rulannu Certa (Rolando Certa), di lu famusu Antigruppu puèticu sicilianu.
Comu succidìu a tantìssimi pueti taliani, Calì murìu mentri era ‘n cursu di pubbricazzioni quarchi travagghiu littrariu sô.
La sò puisìa
[cancia | cancia la surgenti]La puisìa di Santu Calì nun è assai canusciuta, facirmenti picchì è cunziddirata diffìcili a capìrila. Sempri circau a riscupriri palori antichi e abbirsari mmàggini strani e vaghi, comu li ricordi distanti di picciriddu. Li sò puisìi sunnu pubbricati nta n'edizzioni ntitulata La notti longa ca prividi 4 vulumi di cui sulu li primi dui sunnu 'n stampa. Lu primu si chiama Canti Siciliani e lu secunnu La paci (1972). N'asempiu dâ sò puisia (astrattu):
Lamentu cubbu pi Rocca Ciravula
[cancia | cancia la surgenti]- Matri, dda notti ca prujisti càlici
- d'amuri, nta li manu d'alabbastru,
- a la siti sprivera di me patri
- ca turnava fuddettu di li boscura,
- chi pinzavi di mia?
- Era d'austu
- e nta la vasca di l'acqua ramata
- la carancella allegra cracitava
- satannu arreri a stiddi ca ciurevanu
- spinguli d'oru a trapungiri mantu
- di celu vunchiu di ventu marinu.
- Iddu ti dissi palori di pàssiru,
- di spunzuni, di merru, di curvacchiu,
- tu cci sciugghisti vuci di carannula,
- sparmasti l'ala tennira di svolu
- e pirdisti nta l'ariu sirenu
- di lu to jorna virgini, cchiù pura
- di na Madonna, ...
Vuci currilati
[cancia | cancia la surgenti]Lijami di fora
[cancia | cancia la surgenti]Fonti
[cancia | cancia la surgenti]- Arba Sicula, Vulumi XXV, Nùmira 1 & 2, 2004.
