Giuvanni Verga
| « Faciti lu misteri chi sapiti ca siddu nun v'arricchiti, armenu campàssivu. » | |
(Giuvanni Verga)
|
Giuvanni Verga (Catania, 2 di sittemmiru 1840 - Catania, 27 di jinnaru 1922) fu unu dî scrittura siciliani cchiù mpurtanti dû sèculu XIX.
Biografìa
[cancia | cancia la surgenti]Lu paisi di Vizzini hà circatu tanti voti di attribbuìrisi la nàscita dô scritturi nta ssu paisi, di unni la famigghia Verga avìa appartinenza a la nobbirtà antica e unni era prupritaria di tirreni n cuntrata Tébidi, ma nta nu ducumentu di l'8 di sittèmmiru 1840 di l'archiviu arciviscuvili di Catania, veni attistatu ca la nasciuta di Giuvanni Verga avìa stata "rivilata" nta ddu stissu jornu nzèmmula ô vattìu ntâ cresia dî Santi Apòstuli, n prisenza di dui patrini, li zii don Giuseppi e donna Dumìnica Verga; pi cuntra, pi sustiniri la nasciuta di Verga n Vizzini, n nuddu ducumentu arrisurta ca s'hà ammustratu nzinu a òi. La famigghia Verga, ô tempu dâ nasciuta di Giuvanni, stava di casa n Catania, ntâ strata Sant'Anna n.8, unni ora cc'è lu museu Riggiunali "Giovanni Verga".
Narrativa
[cancia | cancia la surgenti]Si fici canùsciri comu nu littiratu vicinu â currenti dâ scapigghiatura e appoi comu scritturi verista ca discrissi abbilimènti la vita dî cuntadini e dî piscatura siciliani, puru siddu fu nfruenzatu dû romanticismu. Li sò ùpiri spissu hannu statu utilizzati pi lu cìnima. Arricurdamu I Malavoglia e Mastro don Gesualdo. Lu film La terra trema di Luchino Visconti, di spirazzioni verghiana, fu lu primu film giratu cumplitamènti n lingua siciliana.
Tiatru
[cancia | cancia la surgenti]La sô attivitati littiraria granni cumprenni videmma na fasi tiatrali carattirizzata di na dicina di ùpiri ntra li quali Vita dei Campi (1880), La lupa dû 1884 e Dal tuo al mio dû 1903. Digna di èssiri arricurdata è la "Cavalleria Rusticana": Verga la scrivìu nt'accuminzaggia comu n'episodiu dû rumanzu "I Malavoglia" ma doppu la pubblicò dintra "Vita dei Campi" e nni fici nu dramma tiatrali nta n'attu ùnicu (1884). Ntô 1890 Pietru Mascagni la musicò e addivintò na famusa òpira lìrica.
