Giacuminu Pugliesi
(Rinnirizzata di Giacomino Pugliese)
Pinzamu ca Giacuminu Pugliesi è lu stissu Giàcumu di Mozza chi fu addicchiaratu comu sìnnacu di Trevisu di Fidiricu II (Fidiricu I di Sicilia), e appoi Capitanu-Ginirali di Spoletu. Appoi fici parti nta na rivurtura contra lu mpiraturi pi cui pirdìu tutti li soi beni doppu èssiri cunnunnatu. [1]
Fici parti dâ Scola Siciliana (ntô seculu XIII) n cui purtau la puisìa siciliana ôn liveddu novu, parrannu di novi custioni prufunni. Câ sò puisìa, la littiratura taliana (zoè dî lingui latini vulgari itàlichi) vidi pâ prima vota na capacitati d'esprìmiri cu na cuscenza seria ma mmagginativa, câ vuluntati d'assirvari largamenti la cunnizzioni umana.
Scrissi Elegia e Isplendïente.
Asempiu
[cancia | cancia lu còdici]N'asempiu tìpicu, trascrittu pi sicilianu[2]:
- Donna, di vui mi lamentu;
- bedda, di vui mi richiamu
- di sì granni fallimentu:
- dunàstimi oru cu ramu.
- Vostru amuri pinzai tèniri
- fermu, senza sùspicu;
- ora mi pari d'àutru vuliri
- e trùbbulu 'n fausu casciolu,
- Amuri.
Rifirimenti
[cancia | cancia lu còdici]- ↑ Arba Sicula, Volumi XVI, Numira 1 & 2, Primavera & Autunnu, 1995.
- ↑ Dieli, Art, Sicilian Poetry, Sicily Page, taliatu lu 8 di giugnu, 2008
