Ditirammu: Sarudda
| « ...nudu, mortu di fami, tintu e liccu; e notti e jornu facia lu sbirlaccu. » |
Ditirammu: Sarudda è nu puema scrittu di Giuvanni Meli, unu dî cchiù cèlibbri scrittura siciliani. Vinni pubbricatu ntô 1787. Stu puema veni cunzidiratu comu la canzuna di vìviri cchiù famusa dâ Sicilia, quantu ca macari oi la canzuna si pò sintiri ntê festi di Palermu.
Nta stu puema nun attruvamu l'argumentu filusòficu o l'eròtica d'àutri puisìi di Meli, mmeci Meli si st'arricriànnusi, mmintari noma assurdi e/o chi ni fannu richiamari pinzeri di rìdiri. Ncuntramu pirsunaggi comu Ninazzu lu sciancatu, Peppi lu foddi e Masi l'orvu. Ma puru ntra stu cuntu di mbriachi, Meli attrova lu spazziu e l'oppurtunitati pi fari lu sàtrapu contra l'amministratura di Palermu.
Ditirammu s'abballarìa tra rari assirvazzioni pricisi e seri, e lu jucari cu noma, pinzeri e frasi assurdi e còmichi. Lu puema havi nu ritmu assai strammu e usa na rima a li voti sì, e a li voti no. Dunca, cu ssi pirsunaggi còmichi, e na struttura di versi strammata, nzèmmula attruvamu nu burdellu chi nfini è assai custanti cû suggettu.
Asempiu
[cancia | cancia la surgenti]- (li prima e secunna strofi)
- Sarudda, Andria lu sdatu e Masi l'orvu
- Ninazzu lu sciancatu
- Peppi lu foddi e Brasi galiotu
- ficiru ranciu tutti a taci maci,
- ntra la reggia taverna di Bravascu,
- purtannu tirrimotu ad ogni ciascu.
- E doppu aviri sculatu li vutti,
- allegri tutti misriu a sotari
- ed abballari pri li strati strati,
- rumpennu 'nvitriati
- ntra l'acqua e la rimarra, sbrizziannu
- tutti ddi genti chi jìanu 'ncuntrannu
- E intantu appressu d'iddi
- picciotti e picciriddi,
- vastasi e siggitteri,
- cuccieri cu stafferi,
- decani cu lacchè
- ci jìanu appressu, faccennuci olè.
Àutri òpiri di Meli
[cancia | cancia la surgenti]Rifirimenti
[cancia | cancia la surgenti]- Meli, Giuvanni (1995) Moral Fables and Other Poems: A Bilingual Anthology (Sicilian/English), Legas (antoluggìa bilinguali, traduciuta di Prof. Gaitanu Cipolla)
