Ciullu d'Àlcamu
Villa Giulia (Palermo)
Ciullu d'Àlcamu (o Cielo d'Alcamo) è un pirsunaggiu dâ storia littiraria siciliana abbastanti mistiriusu. Nun sapemu pricisamenti siddu fici parti dâ Scola Siciliana pi dui raggiuni:
- è pussìbili ca nfatti rapprisintava l'antìtisi dâ Scola Siciliana, cummattennu contra li stiriùtipi dâ puisìa pruvinzali; ma puru siddu fici parti dâ Scola Siciliana
- nun semu certi ca era iddu o nàutru pirsunaggiu, p'asempiu, Ciullu (diminutivu di Vincenzullu), o Cheli (diminutivu di Micheli, nomu assai diffusu in Sicilia), da cui poi avissi vinutu Celi e in secutu, in Tuscana, Cielo. Ncertu puru lu secunnu nomu, d'Alcamo (di Àrcamu cittadina siciliana), Dal Camo, Dalcamo.
In ogni casu, lu puema scrittu di l'unu o l'àutra, Cuntrastu tra l'amanti e la so donna (canusciutu puru comu Rosa fresca aulentissima), veni ammintuata di Danti ntô De Vulgari Eloquentia. Li versi 21-25 (pû tuscanu). Stu puema veni ntâ forma assai cumuni di ddù tempu, lu cuntrastu amurusu, voldiri ca lu pueta n'ammustra pi nu latu zoccu dici l'amanti â fìmmina, e 'n turnu comu cci arrispunni la fìmmina:
- "Se i tuoi parenti trova[n]mi, e che mi pozzon fare?
- Una difensa mèt[t]oci di dumili' agostari;
- non mi toc[c]ara pàdreto per quanto avere ha 'n Bari.
- Viva lo 'mperadore, graz[i'] a Deo!
- intendi, bella, quel che ti dico eo?"
Di l'anàlisi dû testu si pò cunchiùdiri d'elimenti linguìstici, ca l'auturi fussi sicilianu e nun mancanti di cultura.
Putemu sulu mmagginari siddu era quarchidunu nòbbili ca rifiutau li cumminzioni puètichi dû sò tempu, o siddu fu simpricimenti un truvaturi chi scrissi a modu sò.
Rifirimenti
[cancia | cancia u còdici]- Arba Sicula, Volumi XVI, Numira 1 & 2, Primavera & Autunnu, 1995.
Lijami di fora
[cancia | cancia u còdici]- SicilyPage nfurmazzioni e n'asempiu di na puisìa
