Santi Correnti

Dâ Wikipedia, la nciclupidìa lìbbira.

Santi Correnti (Ripostu, 1924 - Catania 27 di austu 2009) è nu stòricu sicilianu.

Chiossai di tuttu, s'addidicatu a la Storia dâ Sicilia, ca diffunnìu cu li sò 92 òpiri storiogràfichi. Hà statu prufissuri a la "Nurmali di Pisa", diritturi di lu Stitutu Sicilianu di Cultura Riggiunali e di la Rivista Stòrica Siciliana. Hà statu macari prufissuri dô 1970 ô 1996 a l'universitati di Catania, unni criau la cattitra 'n Storia dâ Sicilia.

Ntô 1991 vinni ammuntuatu "Sicilianu di l'annu". Pri li sò studî sùpira la stòria di l'alimintazzioni nta l'Italia, ntô 1993 vinni titulata a iddu na sala dô Musèu Nazzionali di li "Pasti Alimintari" di Roma.

Santi Correnti ntô campu storiugràficu, mmintau li novi cuncetti di "bievo" , di "storia interriggiunali di l'ltalia", lu vucàbbulu di "Guerra dê Novant'anni" e la "liggi di univucità dô fattu stòricu".