Guidu delle Colonne

Dâ Wikipedia, la nciclupidìa lìbbira.

Guidu delle Colonne nascìu ammeri lu 1210, nun si sapi si a Roma o a Missina, e murìu sicuramenti doppu lu 1287; fu un puetascola siciliana e di misteri facìa lu jùdici a Missina.
Zoccu arresta d'iddu sunnu cincu canzuni e di chissi chidda cchiù canusciuta è Ancor che l'aigua per lo foco lassi, sarvata ntô "manuscritto Vaticanu-Latinu 3793" , e muntuata di Danti ntô "De Vulgari Eloquentia" II, vi, 6.

Biografìa[cancia | cancia la surgenti]

Di la sò vita, accussì comu pri tanti àutri cumpunenti dâ scola siciliana, aristaru picca nutizzî e ducumenti ca ni tistimònianu l'attivitati dû 1243 nzinu ô 1280. Sapemu ca prubbabbirmenti scrivìu la Història Trojana (ca traducìu libbiramenti dô Roman de Troie e ca finiù di traducìrila ntô 1287), cummissiunàtacci di Matteu della Porta, vìscuvu di Salernu. Partìu pri la Nglaterra pri fàricci visita ô re Eduardu I e fu jùdici a Missina dô 1257 ô 1280.