Giàcumu di Lintini

Dâ Wikipedia, la nciclupidìa lìbbira.
(Rinnirizzata di Giàcumu da Lintini)

Giàcumu da Lintini (o Giacomo da Lentini o Jacopo da Lentini) nascìu a Lintini, Sicilia ntâ prima parti dû ducentu. Comu a Pier della Vigna fici lu nutaru a la curti di Fidiricu II di Hohenstaufen (Fidiricu I di Sicilia) a Palermu ntra lu 1233 e lu 1240. Veni ammuntuatu ntâ Cummedia e puru ntô De Vulgari eloquentia di Dante Alighieri. Giàcumu da Lintini è cunziddiratu lu cchiù cèlibbri e nfluenti dî pueti dâ Scola Siciliana. Secunnu ê studiusi fu iddu lu nvinturi dû sunettu. Scrivìu Amor è un sol desio che ven da core e Meravigliosamente un amor mi distringi [1].

Murìu ntô 1246.

Asempiu

St'asempiu è trascrittu pi sicilianu[2]:

Dû cori mi veni
ca l'occhi mi teni,
rusata.
Spissu m'adiveni
ca la cera hè beni
bagnata,
quannu mi suveni
di mia bona spemi
c'ha data
'n vui, amurusa
bonavinturusa.

Rifirimenti

  1. ^ Arba Sicula, Volumi XVI, Numira 1 & 2, Primavera & Autunnu, 1995.
  2. ^ Dieli, Art, Jacopo da Lentini SicilyPage, taliatu lu 6 di giugnu, 2008.