Lina La Mattina

Dâ Wikipedia, la nciclupidìa lìbbira.

Lina La Mattina (Palermu, 13 di frivaru – ) è na scrittrici siciliana chi scrivi pâ majuranza pi sicilianu.

Lu sò primu libbru dî soi puisìi era ntitulatu: Chiddu Ca Nun Si Vidi; lu secunnu: Na Vuci A La Scurata. [1]

Asempi[cancia | cancia la surgenti]

Lu primu asempiu dâ puisìa di La Mattina renni omaggiu ô sò amicu littirariu, Gnazziu Buttitta, chi la scrissi dui jorna doppu ca murìu. Si chiama simpricimenti: A 'Gnaziu Buttita.[2] Lu primu versu:

'Gnaziu, ti vitti ajeri
e mentri chiancennu ti vasava li manu
'ntisi 'na vuci:
eri tu, assittatu sutta lu cèvusu
e mi parravi, mi cuntavi, m'insignavi,
eri tu, abbrazzatu a l'amanti
ca ti rideva dintra l'occhi,
eri tu, mentri acchianavi la scala
arrampicata a lu muru e t'appuiavi
a lu cori d'Ancilina pri nun cadiri.

Stu secunnu asempiu, Lu suli, n'ammustra nu trattamentu mmagginativu di na cosa ca videmu ogni jornu. [3] Li primi tri righi:

Lu suli 'ntricanti comu l'occhi
ma cchiù di 'na fimmina
senza chiavi trasi d'ogni porta.

Rifirimenti[cancia | cancia la surgenti]

  1. ^ Dieli, Art, Sicilian Poetry, SicilyPage, taliatu lu 14 di giugnu, 2008
  2. ^ Dieli, Art, Sicilian Poetry, SicilyPage, taliatu lu 14 di giugnu, 2008
  3. ^ Dieli, Art, Sicilian Poetry, SicilyPage, taliatu lu 14 di giugnu, 2008