Enzu di Sardegna

Dâ Wikipedia, la nciclupidìa lìbbira.

Enzu di Sardegna (1224-1272), natu a Palermu, era lu figghiu nun ligìttimu di Fidiricu II di Hohenstaufen (Fidiricu I di Sicilia) e di Adelaidi Enziu. Vinni puru canusciutu simplicimenti comu Re Enzu. Re Enzu nascìu a Palermu unni, quannu era carusu, sintìu e canuscìu li pueti e li truvatura ca eranu ntâ curti di sò patri e chi facìanu parti dâ Scola Siciliana. Fu fattu Rè dâ Sardegna e Vicariu Mpiriali dâ Lumbardia. Fu pigghiatu priciuneru dî Bulugnisi ntâ battagghia di Fossalta quannu avìa vinticincu anni. E dunca passau lu restu dâ sò vita ntâ priciuni.

La sò puisìa porta tanticchia di malincunìa chi tanti voti nun rapprisenta li sintimenti usuali dâ puisìa pruvinzali e siciliana di ddu tempu, p'asempiu (na virsioni tuscanizzata):

S'eo trovasse Pietanza
d'incarnata figura,
merzè li chereria,
c'a lo meo male desse alleggiamento; ...

'n Sicilianu:

S'iu truvassi Pietati
di ncarnata figura,
mercè cci addimannassi,
c'a lu mè mali dassi alliggiatamentu; ...

Rifirimenti[cancia | cancia la surgenti]

  • Arba Sicula, Volumi XVI, Numira 1 & 2, Primavera & Autunnu, 1995.