Giuseppi Tomasi di Lampedusa

Dâ Wikipedia, la nciclupidìa lìbbira.
Giuseppe Tomasi di Lampedusa

Giuseppe Tomasi di Lampedusa, scritturi sicilianu, nascìu lu 23 di dicèmmiru 1896 n Palermu di n'antica famigghia di l'aristucrazzia siciliana e murìu a Roma lu 23 di giugnettu di lu 1957. È canusciutu pi lu sò rumanzu, Il Gattopardo, ca niscìu postumu ntô 1958. Nta nu stili eleganti, discrivi la dicadenza di lu regnu borbònicu e di la situazzioni aristucràtica sicilian e la vinuta di l'italiani n Sicilia a capu di Garibbaldi. La storia d'ispirazzioni autobbiugrafica, cunta di don Fabrizziu, di sò niputi Tancredi e di l'ntusiasmu dî giovani ginirazzioni; Tancredi si junci ê Garibbaldini e addiventa na pirsuna mpurtanti. Nunustanti l'origgini nobbili si marita cu Angelica, la figghia di nu burgisi.

Lu romanzu fu misu n scena di Luchino Visconti, nta nu film, cu Burt Lancaster, Alain Delon e Claudia Cardinale ca àppi nu successu ntirnazziunali.

Giuseppe Tomasi di Lampedusa era na pirsuna assai risirvata e a parti picca participazzioni a avvinimenti littirari, prifirìa arristari tranquillu n casa a leggiri e a vìviri la sò vita cu sirinitati. Murìu ntô 1957. Ntô 1959 fu lu vincituri postumu dû Premiu Strega.