Giuvanni Formisano
Di Wikipedia, la nciclupidìa lìbbira.
Giuvanni Formisano nascìu a Catania nta lu 1879 e murìu ntô 1962. Fu pueta e cummediògrafu; lassau assai òpiri scrivuti 'n lingua siciliana, unni si senti l'amuri forti c'avìa pri Catania, pri la Sicilia e la sicilianitati.
Ìndici |
[cancia] Òpiri
- Mènnula amara.
- Carizzi e Tula.
- Jurnata senza suli.
- Canti di terra bruciata.
- Canzuni senza Matri e senza Patri.
- Sette lacrimi.
- Vecchi cicatrici.
- Campani di la Virmaria.
- Quattru vampugghi.
- Malati senza frevi.
- Poesie scelte.
- Frevi a quaranta.
Chiossai di tutti, veni arriurdatu pri la raccorta "E vui durmiti ancora" dô 1910 e pri aviri pubbricatu la rivista di puisìi "Torcia a ventu".
La puisìa E vui durmiti ancora , vinni musicata di Gaetano Emmanuele Calì (Catania 1882-1932) e addivintau una di li cchiù rapprisintativi canzuni siciliani.
[cancia] Curiusità
Si cunta ca ntô frunti dâ Carnia ntô 1916, c'èranu, unu ' facci a l'àutru, l'austriaci e dui riggimenti di surdati taliani, furmati tutti di catanisi. Sparàvanu e s'ammazzàvanu. Na sira, mentri la luna splinnìa ntô celu, un surdatu talianu pigghiau la chitarra e si misi a cantari na canzuna. Ntô mentri ca chistu cantava, li spari si firmaru e quannu finìu di cantari, l'austriaci c'abbatteru li manu. Ssa canzuna era "E vui durniti ancora" .
[cancia] Testu di "E vui durmiti ancora"
- Lu suli è già spuntatu di lu mari
- E vui bidduzza mia durmiti ancora
- L'aceddi sunnu stanchi di cantari
- Affriddateddi aspettanu ccà fora
- Supra ssu barcuneddu su pusati
- E aspettanu quann'è ca v'affacciati
- Lassati stari nun durmiti cchiui
- Ca 'nzemi a iddi dintra sta vanedda
- Ci sugnu puru iu c'aspettu a vui
- Ppi viriri ssa facci accussì bedda
- Passu cca fora tutti li nuttati
- E aspettu sulu quannu v'affacciati
- Li ciuri senza i vui nun vonnu stari
- Su tutti ccu li testi a pinnuluni
- Ognunu d'iddi nun voli sbucciari
- Se prima nun si rapi ssu barconi
- Intra li buttuneddi su ammucchiati
- E aspettanu quann'è ca v'affacciati
- Lassati stari nun durmiti cchiui
- Ca 'nzemi a iddi dintra sta vanedda
- Ci sugnu puru iu c'aspettu a vui
- Ppi viriri ssa facci accussì bedda
- Passu cca fora tutti li nuttati
- E aspettu sulu quannu v'affacciati
[cancia] Lijami di fora
E vui durmiti ancora sùpira YouTbe
