Queen (gruppu)

Dâ Wikipedia, la nciclupidìa lìbbira.
Queen
I Queen 'n cuncertu nto 1984
I Queen 'n cuncertu nto 1984
 Paisi d'origini:  Bannera dû Regnu Unitu Regnu Unitu
 Gèniri:  Glam rock
Rock prugrissivu
Hard rock
Art rock
Heavy metal
Dance rock
Pop rock
Arena rock
 Piriodu d'attivitati:  1970 – 'n attivitati
 Casa discùgrafica:  EMI
Parlophone
Elektra Records
Capitol
Hollywood
Island
 Album:  35:   15 studiu;   8 live;   12 raccolti
 Situ Web:  Queenonline.com
U simmuli de Queen
U simmuli de Queen
Si mmita a siquiri stu mudellu

I Queen sunnu nu gruppu musicali rock ngrisi, furmatusi a Londra nto 1971, cumpostu originariamenti da lu cantanti Freddie Mercury, da lu chitarrista Brian May, da lu batterista Roger Taylor e da lu bassista John Deacon.

U gruppu, canusciutu comu unu tra i cchiù mpurtanti ra scena musicali munniali, vinnìu tra i 150 e li 300 miliuna ri dischi; tra i cchiù mpurtanti canzuni ru gruppu ci sunnu Bohemian Rhapsody, misa sia da li critici sia da sundaggi pupulari tra i megghiu canzuni ri tutti i tìempi, We Are the Champions e Somebody to Love ri Mercury, We Will Rock You, Who Wants to Live Forever e The Show Must Go On ri May, Radio Ga Ga e A Kind of Magic ri Taylor e Another One Bites the Dust e I Want to Break Free ri Deacon. A prima raccolta ru gruppu, Greatest Hits I (1981), risulta l'album cchiù vinnutu 'n assolutu 'n Nglaterra, cu oltri 6 miliuna ri copie vinnuti, pricirennu Sgt. Pepper's Lonely Hearts Club Band ri Beatles.

U gruppu appi nu granni successu ri pubbricu nto corso ri l'anni e appi na forti influenza ncapu i ginirazzioni e li musicisti succissivi. Nto 2001 u gruppu fu misu nnà Rock and Roll Hall of Fame ri Cleveland e, nto 2004, nta UK Music Hall of Fame. Nu sondaggiu r'opinioni, fattu nto Regnu Unitu ra BBC nto 2007, elessi i Queen comu u “megghiu gruppu ngrisi ri tutti i tempi”, davanzi a Beatles e Rolling Stones; intoltre, i quattru cumpunenti ru gruppu foru stati misi nta Songwriters Hall of Fame. U gruppu, ca pigghiò spuntu principalmenti da lu rock prugrissivu e da lu glam rock, fu capaci ri adattarisi a gèniri musicali assai divìersi e innovativi, comu heavy metal, gospel, blues rock, musica elettronica, funky e rock psichedelicu.

Caratteristica ru gruppu eranu i cuncerti, (707 'n 26 nazziuni da lu 1971 a lu 1986) ca, animati ra Mercury, cunsidiratu unu ri cchiù carismatici frontman ri sempri, si trasfurmavanu 'n spittaculu tiatrali; pi stu mutivu, a lu gruppu fu spissu attribuitu u titulu ri "megghìu gruppu-live ra storia". L'esibizzioni o Live Aid fu vutata ra nu vastu nummaru ri critici nun sulu comu a migliori ri l'eventu, ma una ri megghìu 'n assolutu ra storia da mùsica muderna. A morti ri Mercury, leader ru gruppu, avvenuta u 24 di nuvèmmiru 1991, e u ritìru ri John Deacon nto 1997 frinarunu a produzzioni musicali ru gruppu; May e Taylor continuarunu a sunari nzemi, furmannu cu Paul Rodgers, a partìri da lu 2005, i Queen + Paul Rodgers, esperienza finuta nto 2009.

Storia du gruppu[cancia | cancia la surgenti]

A formazzioni (1968-1971)[cancia | cancia la surgenti]

Nto 1964, u chitarrista Brian May funnò nzemi a Tim Staffell i 1984; u gruppu, cumpostu da avutri quattru membri, appi nu bonu successu, arrivannu nto 1967 a aprirì nu cuncertu ri Jimi Hendrix e a partecipari a nu granni cuncertu ri natali cu T. Rex e Pink Floyd. Dopu u scìugghimentu ru gruppu nto 1968, May e Staffel addicideru ri furmaru n'avutru gruppu, inzerennu accussì na bacheca ri l'Imperial College, runni studiavanu, nu annunciu: “Cercasi batterista stili Ginger Baker / Mitch Mitchell. A stu annunciu arrispunniu Roger Taylor, ca cunvinsi ca propri prufessionalità May e Staffel, arriniscennu a trasirì no gruppu chiamatu Smile. A prima apparizioni pubbrica du novu gruppu fu u 26 di uttuviru 1968, quannu ràpieru nu cuncertu ri Pink Floyd; nto maiu 1969, u gruppu firma nu cuntrattu ca Mercury Records pa pubbricazzioni di nu singulu.

Na stu piriodu Staffel prisintò a li cumpagni ru gruppu nu picciotto ca si chiamav Farrokh Bulsara dittu “Freddie”, ca facìa parti ri na blues band, l'Ibex (poi Wreckage), ca rava assai cunsigghi a li Smile su comu sunari e prisintarisi 'n pubbricu. U singulu “Earth”, registratu a li Trident Studios, vinni pubbricatu na li Stati Uniti dâ Mèrica sìenza arrinesciri ad aviri successu; pi stu mutivu, Staffel decisi ri abbannunari i dui cumpagni, trasennu a fari parti di li Humpy Bong.

I ristanti cumpunenti ri Smile, cunsigghiati ra Bulsara, ca si era junciutu a iddi, continuarunu a travagghiari e, nto l'aprili 1970, canciarunu u nomu ru gruppu 'n “Queen”, cuminciannu a circari nu bassista; u 27 di giugnu 1970, i tri, cumplitati ra Mike Grose, si esibirunu pa prima vota 'n pubbricu, a Truro, 'n nu cuncertu ri benificenza pa Cruci russa. U nomu “Queen” vinni pinzatu ra Bulsara, ca accuminciò a farisi chiamati “Mercury”. U stili aduttatu da lu gruppu cumprenneva abiti ri seta 'n jancu e nivuru, bracciali, anelli e cullari. Dopu pocu tempu Grose abbannùnò u gruppu, accussì comu fici u so sostitutu Barry Mitchell. Dopu aviri pruvatu Doug Ewood Bogie, Taylor e May incuntrarunu nto jinnaru 1971 John Deacon, proponendogli u postu ri bassista ne Queen; a fini frivaru, Deacon, pa so tranquillità e a so cunuscenza ri l'elettronica, addivintò u quartu cumpunenti ru gruppu.

« Queen è nu nomu curtu, semplici e facili d'arrìcurdari ed esprimi poi chiddu a vulemmu essìri, granni e rigali. U glam è parti ri nuavutri e vulemmu essìri dandy. »

I primi anni (1972-1975)[cancia | cancia la surgenti]

Nunustanti fussiru impignati a finìri u loru percorso universitariu, i Queen accùminciaru nu tour 'n Curnuvagghia, pi accuminciari a pruvari quarchi canzuni e acquisire cunfirenza cu palcoscenicu; nto sittèmmiru 1971, Terry Yeadon, nu amicu ri Brian May, offriu a lu gruppu a possibilità di registrati gratis ne novi studi “De Lane Lea Studios, pi collaudari l'attrezzaturi. U gruppu accettò, registrannu quarchi canzuni originali comu Liar, Keep Yourself Alive e Stone Cold Crazy, ca attiraru l'attenzioni ri John Anthony, discugraficu ra Mercury Records, e ri Roy Thomas Baker, cullabburaturi ra Trident Studios, agenzia ri management ca misi sutta cuntrattu i Queen, ca supervisioni ru manager Jack Nelson.

U chitarrista dê Queen Brian May, ca scrissi u primu singulu pubbricatu da lu gruppu, Keep Yourself Alive.

Na l'astati 1972, Mercury e l'avutri iniziarunu atravagghiari o primu album, ca finirunu nto jinnaru 1973; a marzu, I Queen firmarunu u primu cuntrattu d'incisioni pu mircatu britannicu e europeo cu EMI; na li Stati Uniti dâ Mèrica e 'n Giappuni u gruppu era inveca sutta cuntrattu ri Elektra Records. U 9 di aprili, Nelson organizzò a prisintazzioni ufficiali ru gruppu o Marquee Club ri Londra, ca si rivelò nu successu, nunustanti a scarsa affluenza ri pubbricu. U primu singulu, Keep Yourself Alive, vinni pubbricatu u 6 di giugnettu, arricivennu ricinsioni favorevoli da la critica, sìenza però riciviri quarchi promozioni radiufonica. Nu misi prima du loro debuttu discugraficu, i Queen, cu nomu ri “Larry Lurex”, avevanu incisu a reinterpretazioni ri I Can Hear Music.

L'album r'esoridu, Queen I, ca niscìu u 13 di giugnettu 1973 e cumprinneva canzuni scritte quarchi annu prima, avi comu prerogative “aggressività” e a nitidizza ra vuci ri Freddie Mercury e l'assuli ri Brian May, juncennu hard rock (Liar), rock prugrissivu (My Fairy King) e ballati melodiche (The Night Comes Down) o glam rock e a ambientazioni fantasy, tratti principalmenti ra opire ri John Ronald Reuel Tolkien (Great King Rat). Na li Stati Uniti dâ Mèrica u gruppu arrivò a l'83° postu na classifca. Na stu piriodu, u tema ru jancu e nivuru, inventatu da nu gruppu ri fan ri Liverpool, crisciu ri impurtanza; sta peculiarità era prisenti puru ne cuncerti, ca prevedevanu nu strittu cuntattu cu pubbricu, duranti i quali era vistuti 'n modu eccentricu cu abiti criati ra stilista Zandra Rhodes.

Da lu 13 di sittèmmiru o 2 di frivaru 1974, u gruppu ngrisi accuminciò u so primu tour, u Queen I Tour, ca i vitti esibirisi comu gruppu ri supporty ri Mott the Hoople 'n 35 cuncerti, principalmenti 'n Nglaterra; duranti i spittaculi ri sti anni u gruppu inziriu ne scalette, oltri a i propri canzuni, brevi medley rock and roll ri canzuni di l'anni cinquanta, comu Jailhous Rock e Big Spender. U 21 di frivaru, u gruppu sunò live a Top of the Pops nu branu ineditu (Seven Seas of Rhye) c'addivintò l'unicu singulu ru seccunnu discu ru gruppu; avennu nu granni successu cummirciali, venennu trasmessu 'n continuazioni ne stazzioni radiofoniche e arrivannu o 45° postu ne classifiche ngrisi.

U cantanti de Queen Freddie Mercury, duranti nu cuncertu a New Haven nto nuvèmmiru 1978.

Queen II, nisciu l'8 di marzu 1974, risulta nu “concept album”, ca sviluppa l'idea ra battagghia tra beni e mali, cuncetti esemplificati principalmenti ra nu punti ri vista crumatica; u stissu discu risulta divisu 'n “White Side” e “Black Side”, “latu jancu” e “latu nivuru”, dui parti caratterizzati ra diffirenti approcci sunori. U primu, curatu principalmenti ra May, cumprenni ballati e prugressioni melodiche, comu “White Queen (As It Began), “Someday One Day” e “Father To Son”, mentri a parti ri Mercury è caratterizzata ra suoni cchiù ruri, caotici e barocchi, inzeriti 'n testi enigmatici e cuntorti, comu “The March of the Black Queen” e “The Fairy Fellers Masterstroke”. Tra l'elementi cchiù innovativi ri Queen II, c'è l'utilizzu ri nuovi gèniri musicali, comu u rock and roll (The Loser In The End, scritta ra Taylor) e u pop (Funny How Love Is). L'album arrivò o 35° postu na classifica ngrisi.

L'1 di marzu 1974, u gruppu accuminciò u Queen II Tour, duranti u quali u loro secunnu album scalò velocimenti i classifiche ngrisi, piazzannusi o 5° postu e superannu i 100.000 copie vinnute, addivintannu discu r'argentu, mentri Seven Seas of Rhye arrivò na “top ten” ra classifica ri singuli; no stissu misi, Elektra Records pubbricò Queen I 'n Giappuni, runni trasiu 'n classifica nto giru ri picca jorni. U tour nazziunali finiu cu un tuttu esaurite o Rainbow Theatre ri Londra, subbutu prima ri partiri pi Stati Uniti dâ Mèrica, cantannu cu i Mott the Hoople e Aerosmith; dopu l'esordio o Regis College ri Denver u 16 di aprili, na gravi forma ri epatiti colpì Brian May, custriggennu u gruppu a cancillari i rimanenti dati. U restu ru gruppu aspittò u chitarrista, ca utilizzò u tempu 'n cunvaliscenza scrivennu novi pezzi pu futuru album, registratu a giugnettu ne Rockfield Studios 'n Galles e, poi, a li Trident Studios ri Londra.

U terzu singulu ru gruppu, Killer Queen / “Flick of the Wrist”, esempiu ru stili glam rockart rock, appi nu granni successu, trasennu 'n classifica direttamenti o 5° postu, arrivannu poi o 2° postu; na li Stati Uniti dâ Mèrica sta produzioni, pi la quali Mercury vinciu nto 1974 l'Ivor Novello Awards, addivintò discu d'oru. Sti risultati spinserù u gruppu ad affrittari i preparativi pi nu novu tour ngrisi, 'n attesa ra pubbricazioni ru terzu album ufficiali, Sheer Heart Attack. Nisciutu l'8 di nuvèmmiru 1974, u discu cunteni mpurtanti cuntributi, oltri ca ri May e Mercury, ri Taylor e Deacon. Nto discu si nota novamenti l'equlibriu tra li vari stili musicali assai diffirenti, passannu da li voci angeliche ri “In the Lap of the Gods” a l'heavy metal ri Stone Cold Crazy, da lu “boogie-woogie” ri Now I'm Here o chiantu ri “Lily of the Valley e ri “Dear Friends”. Cunsidiratu nu classicu du rock è funti r'ispirazioni pi numerosi gruppi comu Metallica e Extreme, Sheer Heart Attack arrivò o 2° postu nto Regnu Unitu e o 12° postu na li Stati Uniti dâ Mèrica.

U 30 di uttuviru cuminciò a Manchester u Sheer Heart Attack Tour, registrannu na lùonga serie ri “tuttu esauritu”; ra sta tournée accuminciò a consuetudini ri sunari o termini ri ogni cuncertu, a eccezzioni ri chiddi tenuti 'n Irlanda, na virsioni acustica ri God Save the Queen, utilizzannu a sula chitarra elettrica ri Brian May, arripigghiannu ciò ca Jimi Hendrix avia fattu cu l'innu nazziunali mèricanu. Mercury, subbutu prima ri l'innu, lanciava rosi e brindaa cu coppi ri champagne. U 15 di jinnaru 1975, u tour si spustò na li Stati Uniti dâ Mèrica; chistu vinni tuttavia parzialmenti annullatu pi problemi a ula ca colpì u cantanti Freddie Mercury. 'N aprili, i tappi ra tournée si spustarunu 'n Giappuni, runni i Queen vinniru accolti ra 3.000 fan a l'aeroportu ri Tokyo.

A cunsacrazioni (1975-1978)[cancia | cancia la surgenti]

Na l'astati ru 1975, dopu aviri firmatu nu novu cuntrattu cu la EMI e aviri abbannunatu a Trident Studios e Jack Nelson pi raggiuni economiche, u gruppu accuminciò a travagghiari a nu novu albu, passannu assai tempu 'n sala di registrazzioni, guidati ro novu manager John Reid; u principali risultatu ri stu travagghiu fu Bohemian Rhapsody, na canzuni ri circa 6 minuti scritta ra Freddie Mercury c'addivintò a “canzuni simmulu ru prugettu musicali e artisticu chiamatu Queen”, pi la quali ci vosiru tri simani ri registrazzioni, di rui una sula pi parti vucali; Reid pruvò a cunvinciri i Queen, sìenza successu, ca a canzuni era troppu lùonga pi essiri pubbricata.

I Queen nto 1976.

Nu amicu ru gruppu, Kenny Everett, deejay ri Capital Radio, a cui vinni cunsignata na copia ru vinili ru branu, piaciu tantu a canzuni e addicidiu ri trasmetterla a radio. U successu ri sta canzuni cunvinciu la EMI a pubbricari a canzuni; nisciuta u 31 di uttuviru 1975, u singulu vinnìu 'n dui simani 150.000 copie. A causa ri numersi impegni ru gruppu, ca nun putia partecipari a li trasmissioni TV, vinni cummissiunatu a Bruc Gowers nu videoclip ra canzuni, tra i primi na storia ra musica, u primu nto gèniri rock, trasmessu u 20 di nuvèmmiru ra Top of the Pops. A canzuni rimasi pi 9 simani consecutivi o 1° postu ra classifica ngrisi, anticipannu cu successu a nisciuta ru novu discu.

A Night at the Opera, u cui titulu è ispiratu a l'omonimu film ri frati Marx, addìvintò unu ri dischi cchiù custusi mai realizzati ra l'epuca, oltri ca u cchiù granni successu ru gruppu. L'unioni ri rock e opira lirica, prisenti 'n quarchi branu pricirenti comu Killer Queen, è prisenti nto novu album. Oltri a Bohemian Rhapsody, o chiantu romanticu ri Love of My Life e a li atmosfere retrò ri “Seaside Rendezvous” e ri “Lazing on a Sunday Afternoon”, tutte scritte ra Mercury, nutevoli sunnu puru i canzuni scritte ra avutri cumpunenti, comu “I'm in Love with My Car”, scritta e cantata ra Roger Taylor, The Prophet's Song e “Sweet Lady” ri Brian May e You're My Best Friend ri John Deacon, sua secunna cumposizzioni pu gruppu, arrivata o 7° postu ne classifiche ri singuli ngrisi. Stu album fu u primu successu na li Stati Uniti dâ Mèrica, runni arrivò o 4° postu ne classifiche ri l'album, addìvintannu discu ri platinu e arrìstannu pi 56 simani 'n classifica. U granni travagghìu ca fu necessariu pi finìri stu LP purtò però ca rottura cu Roy Thomas Baker.

I Queen duranti u cuncertu a New Haven nto 1978.

Fra u 29 di nuvèmmiru e u 2 di dicèmmiru, quattru sirati ri tuttu esauritu a l'Hammersmith Odeon ri Londra cunsacrarunu definitivamenti u gruppu. Ta la fini du 1975 e i primi misi du 1976, u gruppuni tìnni oltri 75 cuncerti pi l'A Night at the Opera Tour, ca tuccò Europa, Giappuni, Stati Uniti dâ Mèrica e Australia; u 18 di sittèmmiru 1976, pi ringraziari i fan, u gruppu organizzò nu spittaculu gratuitu a l'Hyde Park, runni foru prisenti circa 176.000 pirsuni. U primu singulu ru novu travagghiù ru gruppu fu a ballata Somebody to Love, trasmessa ancùora na vota ri continuo ra Kenny Everett, sta canzuni vinni pubbricata u 12 di nuvèmmiru, accumpagnata ra nu novu video prumozzionali ri Bruce Gowers, preannunciannu a nisciuta ru novu album.

A Day at the Races nisciu u 10 di dicèmmiru 1976, utilizzannu nu titulu novamenti ispiratu a nu fim ri frati Marx. Assai, oltri i riferimenti cinematugrafici, sunni l'elementi ca l'avvicinanu o pricirenti discu, coma a quasi identica cupertina e l'inserimentu du dramma liricu e ra canzunetta. Sunnu sempri prisenti però sia l'hard rock cu Tie Your Mother Down, sia a pop ballad cu “You Take My Breath Away”, sìenza truvari però, ne l'nzemi ri tracci, “l'ironia sinsazzionali ri A Night at the Opera”, ca supravvivi sulu cu “The Millionaire Walt” e Good Old-Fashioned Lover Boy; tra i particularità ru discu c'è Teo Torriatte (Let Us Cling Together)‎, canzuni omaggiu a li fans giappunisi cuntinenti dui versi 'n lingua giappunisi. Somebody to Love rimani u branu cchiù significativu ri A Day at the Races, vinennu cunsidirata “na scalata melodica ri na perfetta architattura gospel ca vuci ri Merucyr ca sali nto celu ra musica poprock; u singulu acchiànò subbutu a li vertici ri classifiche. L'album, nunustanti l'indubbia qualità e a china maturità ri cumpunenti ru gruppu, vinni giudicatu inferiori o pricirenti album, uttinennu comunque nu discu ri platinu na li Stati Uniti dâ Mèrica cu 1.500.000 ri copie vinnute e dui dischi ri platinu nto Regnu Unitu.

I successi ri l'ebbìca rock (1977-1979)[cancia | cancia la surgenti]

U 14 di jinnaru 1977, dopu a pubbricazioni ri nu EP cu “Death On Two Legs”, u gruppu partiu pa tournée A Day at the Races Tour, ca cunfirmò, cu numerosi “tuttu esauritu”, u successu ru gruppu 'n USA; A fini ru tour, cuminciarunu a travagghiari o nove album, ca registrarunu 'n dui misi e mìenzu; nto stissu tempu Roger Taylor pubbricò ra solista l'EP “(I Wanna) Testify”.

U bassista John Deacon duranti nu cuncertu a Dublinu, Irlanda, nto 1979.

U 7 di uttuviru 'n quasi tuttu u munnu vinni pubbricatu 'n singulu cu duppiu latu A We Are the Champions/We Will Rock You, dui inni ra stadiu, scritti ra Mercury e May, ca rapprisentarunu nu omaggiu a li spittaculi ri l'ultimu tour, piazzannusi o 2° postu sia na classifica ngrisi sia 'n chidda mèricana, cu nu tutali ri oltri 2 miliuna ri copie vinnute e 27 simani ri prisenze 'n classifica. U settimu album ru gruppu, News of the World, si contraddistingue pi sunorità cchiù immediati e grezze, utilizzannu assai rock e blues e risultannu unu ri prudotti musicali cchiù arrìnisciuti de Queen. U stili pumpusu e melodicu ru gruppu è prisenti puru nnà stu travagghiù, ca ballata ri Deacon Spread Your Wings, a sunata o chianuforti “All Dead All Dead”, u pre-thrash metal ri Sheer Heart Attack e l'hard rock-pop ri It's Late.

L'11 di nuvèmmiru 1977 accuminciò u News of the World Tour, ca esordì a Portland, na li Stati Uniti dâ Mèrica, runni News of the World vinciu 4 dischi ri platinu cu 4.600.000 copie vinnute; 'n patria i Queen inceci vinceru 2 dischi ri platinu. I canzuni ri stu ultimu travagghiu alimentarunu l'affettu ri fan e incrementarunu a popolarità ru gruppu, ca ampliò u repertorio ri canzuni dei live puru cu ballate cchiù duci comu Love of My Life, c'addivintò nu cavaddu ri battagghia ri futuri spittaculi. Dopu na pausa ri circa quattru misi a inizziu 1978, Mercury e l'avutri cumpunenti ru gruppu turnarunu ncapu i spalti pi ripigghiari u tour 'n Europa, ripartennu u 9 di aprili ra Stoccolma, Svezia; o termini ra serie ri cuncerti, finuti a Londra a giugnettu, i lettori ru jurnali Daily Mail votaru i Queen comu “megghiu gruppu rock”. U gruppu si misi arrieri a travagghiari, trasferennusi, pi mutivi fiscali, a li Mountain Studios ri Montreux, 'n Svìzzira, e a li Super Bear Studios ri Berre-les-Alpes. Ccà na tappa ru Tour de France ispirò Mercury a scriviri Bicycle Race, ca vinni pubbricata a uttuviru nzemi a Fat Bottomed Girls, scritta ra May; u singulu, prumossu ra nu video c'ammustra na gara ri ciclismu o stadiu ri Wimbledon tra 65 fimmìni nuri, arrivannu a l'11° postu na classifica ngrisi. U 28 di uttuviru 1978 u gruppu accumincò u Jazz Tour, duranti u quali prisintarunu i canzuni di lu loru ultimu travagghiu.

Jazz, prisintatu a la stampa munniali cu nu party a New Orleans, cu prestigiaturi e spogliareliste, nisciu u 14 di nuvèmmiru 1978 e vitti u ritornu ri Roy Thomas Baker nto ruolu ri manager ru gruppu. I Queen abbannunanu 'n parti l'ironia di li album pricirenti, cùosa ca fici risultari u loru travagghiu inferiori a li pricirenti, probabilmenti custretti ra volontà ri pubbricari nu discu a l'annu, sìenza permettere loro na scelta cchiù ponderata su li canzuni ra prisintari. Ri Jazz fannu comunque parti alcuni tra l'elemeti ca rapprisentanu u stili musicali de Queen, comu l'assolutu impegnu na l'intrattenimentu ru pubblicu e a padrunanza ri gèniri musicali assai divìersi, coma a ballata o chianuforti ri Jealousy, u vaudeville ri “Dreamers Ball” e u rock ri Don't Stop Me Now e ri "Let Me Entertain You". U discu vinni criticatu sia ra stampa sia ra na parti ru pubblicu, pa sua eccessiva pumposità; Jazza arrivò o 2° postu ra classifica ngrisi, runnì arristò pi 27 simani.

I Queen a Hannover, Girmania, duranti u Live Killers Tour.

A partirì ra jinnaru 1979, ca fu u primu annu runni u gruppu nun pubbricò alcun album, i quattru cumpunenti ru gruppu accuminciò unu ri cchiù impurtanti tour europei da loro storia, u Live Killers Tour, pubblicizzatu ra nisciuta du singulu Don't Stop Me Now, duranti a quali u gruppu arrìnisciu a offrirì nu spittaculu cumpletu e unicu ra nu punti ri vista musicali oltre ca scenicu. U successu ru tour cunvinsi u gruppu a pubbricari u loru primu album live, puru pi placari i numerosi pubblicazioni bootleg ri l'epoca; Live Killers nisciu nto giugnu 1979, uttinennu ottime vinnìti e l'apprezzamentu ra critica. Stu album esemplificò puru a svolta sustanziali nto sound ru gruppu, ca accuminciò a pigghiari spuntu ra l'elettronica; u duppiu discu risultò “u testamentu ultimu ri tutta a so produzzioni na l'anni sittanta”. Live Killers, ca arrivò o 3° postu ne classifiche ngrisi, ammustrò puru l'eccezzionalità ri performance musicali de Queen, cu Freddie Mercury, cunsidiratu nu “showman”, ca accumpagnava i fan nto cantu ri canzuni cchiù famusi.

U gruppu finiu nta primavera 1979 a secunna parti du Live Killers Tour, ca i vitti prutagonisti ri eccentrici spittaculi o Nippon Budokan ri Tokyo. U 18 di austu, u gruppu partecipò o mega-cuncertu ri Saarbrucken cu Ten Years After e Rory Gallagher, ravanzi a 30.000 pirsuni; chistu spinsi ancùora i vinniti ru novu singulu, Crazy Little Thing Called Love ca arrivò o 1° postu 'n divìersi nazziuni nto munnu. A nuvèmmiru u gruppu cuminciò u Crazy Tour, runni i sirati si svolsero 'n nichi spazzi pi aviri nu cuntattu cchiù strittu cu pubblicu; u tour finiu cu na sirata natalizia a l'Hammersmith Odeon, runni, nzemi a The Who, Wings e The Clash, si celebrò Rock for Kampuchea, nu cuncertu beneficu pa pupolazzioni ra Cambogia.

L'èbbica ru sintetizzaturi (1980-1983)[cancia | cancia la surgenti]

Subbutu dopu u Crazy Tour, nto jinnaru 1980 nisciu Save Me, ca appi bonu successu; nto stissu misi, i Queen, accumpagnati da lu novu prudutturi Reinhold Mack, fineru ri registrati a lu Musicland Studios ri Mònacu u loru novu discu e li musiche pi nu film, cummissiunata da lu prudutturi talianu Dino De Laurentiis, basatu su Flash Gordon, prutagonista di l'umonimu fumettu. Cu The Game, anticipatu ra Play the Game, u gruppu appi na svolta da lu puntu ri vista musicali, 'n quantu cuminciarunu a usari u sintetizzaturi, la cui assenza era espressamenti rimarcata ne cririti ri l'album pricirenti; a testimonianza ri stu canciamentu ci fa puru u novu “look” ri quattru cumpunenti ru gurppu. I Cumposizzioni ru discu risultanu brevi e menu elabburati, cu suoni cchiù asciutti e diretti, passannu ra melodia ri Save Me o dance rock ri Another One Bites the Dust; Play the Game risulta a canzuni caratteristica ru discu, ca affianca a classica ballata pop a li suoni elettronici ra nova avventura, mentri u rockabilly ri Crazy Little Thing Called Love ammustra ancùora l'ironia ri travagghi pricirenti. U discu arrivò o 1° postu ne classifiche ngrisi e mèricane.

U nove singulu scrittu ra John Deacon, Another One Bites the Dust, vinni pubbricatu ad austu, uttinennu nu notevoli successu cummericali, cu 5 simani ri prisenza o 1° postu ne classifiche mèricani; addivintannu discu ri platinu, arrìcivennu nu premiu ra Billboard comu “megghiu singulu crossover”, addìvintannu u discu cchiù vìnnutu nnà storia ru gruppu. U 30 di giugnu, spinti da lu successu ri sta canzuni, vinni inauguratu a Vancouver u The Game Tour, ca purtò u gruppu na li stadi ri tuttu u Nord Amèrica, registrannu 'n tutti i 46 dati u “tuttu esauritu”. A uttuviru, May e l'avutri turnarunu 'n Nglaterra pi perfezzionari u materiali destinatu a la culonna sunora du film Flash Gordon ri Mike Hodges. U 24 di nuvèmmiru nisciu u singulu Flash, mentri l'8 di dicèmmiru vinni pubbricatu l'omonimu album, Flash Gordon, c'arrivò o 10° postu 'n classifica. Nto discu sunnu prisenti assai frammenti ri dialugu tratti da lu film, cu dui suli tracci cantati “Flash” e “The Hero”, lassànnu spazziu a brani musicali ca esaltarunu, attraversu u diffusu usu ru sintetizzaturi, l'avvenirismu spazziali ra pellicola. Puru se u film fu nu flop cummirciali, a critica fu bona ca compilation; u gruppu ottenni pi li musiche ri Flash Gordon na nomination o BAFTA comu megghiu culonna sunora. A la fini du 1980, i quattru cumpunenti ru gruppu avianu vinnutu 'n tuttu u munnu nu tutali ri 45 miliuna ri album e 25 miliuna ri singuli.

A fini uttuviru accuminciò a parti europe ru The Game Tour; dopu assai difficoltà r'organizzazioni, partìu nto marzu 1981 South America Bites the Dust, arrivannu 'n paisi ca nun avianu ancùora tuccatu, comu Argentina e Brasili. Nto piriodu successivu a loru visita, ci foru 10 album “ngrisi” nta classifica argentina ri 10 album cchiù vinnuti. U 20 di marzu, ncapu u palcu ru stadiu Morumbi ri San Paulu, i Queen furunu ascoltati ra oltri 131.000 spittaturi, record assolutu ri paganti pi nu cuncertu rock. Nto stissu misi, Roger Taylor pubbricò ra sulista Fun in Space, primu LP fora da lu gruppu ri unu ri cumpunenti; u discu, ca u vitti cantari e sunari tutti i strumenti, appi nu bonu risultatu cummirciali, addìcidennu però ri nun lassari u gruppu.

David Bowie, autori, nzemi a Freddie Mercury, dù singulu dù 1981 Under Pressure.

Dopu u successu sudamericanu, u gruppu s'arrìtruvò ne Mountain Studios, p'accùminciari a travagghiari na nova opira; David Bowie, ca frequentava i stissi sali ri registrazioni, strinsi amicizia cu Brian May e Freddie Mercury, da la quali nisciu na jam session ca purtò a nascita ri Under Pressure, u cui singulu nisciu u 25 di uttuviru, piazzannusi o 1° postu na classifica ngrisi; nto Nord Amèrica arrivò o 29° postu. A mìtà sittèmmiru, u quartettu sunò ancùora 'n Sud America nto Gluttors for Punishment Tour, prosecuzzioni ru The Game Tour; a causa ri assai prubblemi organizzativi e ri sicurezza, u gruppu addìcidiu ri terminari a serie ri spittaculi, finennu u tour a l'Estadio Cuauhtémoc ri Puebla de Zaragoza, 'n Messicu. U 3 di nuvèmmiru 1981 nisciu a prima raccolta ufficiali ru gruppu, Greatest Hits I, nzemi a “Greatest Flix]], antologia ri tutti i video realizzati finu a ddù mumento. Furmatu ra 17 singuli ca percorrono i primi deci anni ru gruppu, l'album trasiu 'n classifica direttamenti o 2° postu e, cu 300.000 copie vinnute, vinciu subbutu u discu ri platinu.

A dicèmmiru, i Queen s'arritruvarunu na li Musicland Studios ri Mònacu, runni, a causa ra stanchizza dovuta a li numerosi tappi 'n giru pu munnu e a li numerosi impegni musicali, e cunnizziunati ra vita notturna ra citati bavaresi, nun arrìnisciu a travagghiari “quasi mai 'n cunnissioni psicologiche perfette”. U loru dudicesime discu, Hot Space, nisciu u 21 di maiu 1982, pricirutu da lu singulu Body Language, ca vinni apprizzatu ra critica, arrivannu o 25° postu 'n Nglaterra, risultannu 'n parti dovutu a la censura ru video ra parti ri MTV picchì ritenutu “spintu” e all'11° postu na li Stati Uniti dâ Mèrica. L'8 di aprili i Queen accùminciaru l'Hot Space Tour; a prima tappa fu Gotenborg, runni, pi l'impurtanza ri l'elettronica na loru mùsica e pi precisa vuluntà ri Mercury, ca vulia occuparisi 'n minori misura ru chianuforti duranti i cuncerti, nzemi a i quattru cumpunenti ru gruppu fu prisenti puru l'ex cumpunenti ri Mott the Hoople, Morgan Fisher, c'accuminciò a occuparisi ri tastiere. Da lu 1984 a lu 1991, u tastierista ufficiali fu inveci Spike Edney.

A copertina dù singulu Back Chat.

L'ultimu travagghiu discugraficu ru gruppu, Hot Space, continuò ciò ca era cuminciatu cu Queen, pruseguennu nto sound dance rock e pop, abbannunannu ulteriormenti i sunorità hard rock ri primi anni ru gruppu. L'album, ca deluse i fan ra vecchia guardia, caratterizzatu puru ra quarchi branu 'n stili black music, comu l'R&B ri Back Chat, nisciutu comu singulu u 9 di austu arrivò o 40° postu nto Regnu Unitu, e u soul ri “Cool Cat”, fu u risultatu ru sregulatu stili ri vita ri l'epoca ri Queen, pruvucannu na genìrata incompletezza e frettolosità ri canzuni, talvolta ra l'ottimu putinziali. Under Pressure, cumposta nzemi a Bowie, risultò a canzuni simmulu ri l'album, nonché a cchiù apprizzata. U discu appi nu discretu successu, arrivannu o 4° postu ne classifiche ngrisi, aumintannu a stima ra stampa ne cunfronti ru gruppu. Hot Space vinni tuttavia praticamenti ignoratu da li stazzioni rock mèricani, scumparennu quasi subbutu da li classifiche ri Billboard e minannu a fama ru gruppu na li Stati Uniti dâ Mèrica. A secunna parti ri Hot Space Tour risultò infattu l'ultima tournée ru gruppu nto Nord Amèrica.

Na vota finuta a seire ri cuncerti, a la fini ru 1982 i Queen dicisiru ri comuni accordo ri separarisi; chistu fu dovutu sia pi l'insoddisfazioni ri fan, accussì comu pu gruppu, ra qualità ri l'ultimu travagghiu fattu, nto la quali nun si arricanuscevanu, sia pi lu deterioramentu prugrissivu di rapporti personali all'internu ru gruppu. Pi l'interu 1983 nun vinnìru organizzati né pubbricazzioni né tour; nuddu ri cumpunenti giudicava chistu nu lassamentu definitivu, ma semplicementi na lùonga pausa di riflessioni. I quattru cuminciarunu a dedicarisi a prugetti sulistici; Mercury cullabborò cu Giorgio Moroder, registrannu Love Kills, canzuni misa na virsioni riculurata e riduppiata ri Metropolis. U cantanti cuminciò puru a travagghiari a Mr. Bad Guy, c'addivintò 'n futuru u so unicu album ra sulista. Brian May produssi Lettin Loose ri Heavy Pettin e pubbricò, nzemi a Eddie Van Halen e Alan Gratzer, Star Fleet Project, nu EP cumpostu ra tri lùonghi canzuni, mentri Roger Taylor, dopu aviri cullaburate a Vinyl Confessions ri Kansas, travagghiò cu Rick Parfitt pi Strange Frontier, so secunnu album ra sulista, pubbricatu nto 1984. John Deacon nun ficci nuddu prugettu musicali, addicidennu ri dedicarisi a propria famigghia.

U ritornu a l'hard rock e li granni cuncerti (1984-1987)[cancia | cancia la surgenti]

Nto l'austu 1983, u gruppu s'arritruvò na li Record Plant Studios ri Los Angeles, runni accuminciò a travagghìari a nu novu prugettu; u 23 di jinnaru 1984, i Queen turnarunu ufficialmenti cu singulu Radio Ga Ga, ca vinni pubblicizzatu cu nu custusu video ri David Mallet, cuntinenti pizzuddicchi du film du 1927 Metropolis, piazzannusi subbutu o 4° postu na classifica ngrisi. U 27 di frivaru nisciu The Works, album ca vitti nu nettu canciu ri stili ra chiddu ca sunnu stati i travagghi pricirenti; nunustanti a cunfirmata prisenza du sintetizzaturi, u sound ri sta compilation cerca ri turnari a la fini ri l'anni sittanta, abbannunannu parialmenti a dance rock e pigghiannu spuntu o pop e rock; sunnu comunque prisenti sia l'hard rock (“Tear It Up” e Hammer to Fall), sia u gustu ri l'ironia (“Man On The Prowl”), sia a ballata melodica (It's a Hard Life e Is This the World We Created...?).

Pa prima vota, i testi riguardanu puru alcuni tematiche suciali e politiche, nun direttamenti trattati 'n passatu, comu l'antinucleari Hammer to Fall e u branu contru u suicidiu “Keep Passing The Open Windows”. Tra i canzuni ri maggiori pupularità du video c'è I Want to Break Free, u video, ideatu ra Taylor, fu bullatu comu “ri cattivu gustu” na li Stati Uniti dâ Mèrica e banditu da li TV. The Works, ca prudussi 4 singuli, arrivò o secunnu postu nto Regnu Unitu, runni però addivintò u loru album ri maggiori successu discugraficu dopu Greatest Hits I, guidannu inveci a classifica 'n avutri 19 paisi, tra cui Stati Uniti dâ Mèrica, sutta la tichitta Capitol Records, ca avia sostituitu l'Elektra Records da lu 1983, e Italia, runni u gruppu era ospiti du Festival di Sanremu (1984).

Nto l'austu, dopu u successu ri Hammer to Fall, partiu u The Works Tour. Cu coreografie futuriste ispirati a Metropolis, i cui biglietti pi cuncerti ngrisi vinnìru esauriti subbutu; u tour tuccò puru u Sudafrica, runni u gruppu accittò ri fari 12 sirati a Sun City, cunsidirata a città simmulu ri l'apartheid, 'n quantu pupulata ra ricchi omini janchi; 'n passatu i Nazziuni Uniti avianu vietatu a li artisti ri esibirisi nnà stu statu, pi la soa discriminazioni ne cunfronti di li pirsuni ri culuri. Pi l'idea ri sunari comunque a Sun City, u gruppu vinni assai criticatu 'n tuttu u munnu, puru ra stissa Unioni ri Musicisti, e accusati ri essiri “approfittaturi”, poiché avianu legittimatu l'apartheid o sulu scupu ri guadagnari u cchiù possibbili. May arrìspunnia ca, dopu n'attenta riflessioni, vi eranu annati picchì 'n funnu nun eranu nu gruppu politicizzatu, precisannu ca u pubbricu era cumpostu ra omini ri tutti i razzi. Pi circari ri risollevari l'immagini de Queen, u gruppu fici assai iniziativi benefiche a favuri ri picciriddi ri culuri. A la fini ru tour, pi cui u gruppu arrìciviu u premiu “Silver Clef” pu successu ri 4 cuncerti londinesi, i quattru cumpunenti registrarunu a li Sarm Studios ri Londra a canzuni ri natali Thank God It's Christmas, ca nun appi nu granni successu cummerciali.

I Queen ò Rock in Rio.

A cunsidirazziuni pubbrica ne cunfronti ru gruppu calò assai, però, dui granni eventi musicali aiutarunu u gruppu a ripigghiarisi a livellu munniali. Ne primi simani du 1985, Gerry Stickells, tour manager ri Queen, organizzò a partecipazioni ru gruppu a nu festival a Riu de Janeiru, chiamati pu successu avutu ne pricirenti cuncerti sudamericani; Rock in Rio, ca vinni trasmessu 'n diretta televisiva 'n tuttu u Sud America, si svolsi da lu 12 di jinnaru a lu 19 di jinnaru e vitti a partecipazzioni ri AC/DC, George Benson, Iron Maiden e Yes; u gruppu rapiu e chiuiu l'eventu rock; acchianarunu pa prima vota ncapu u palcu e dui ru matinu, davanzi a circa 250.000 pirsuni, u cchiù granni pubbricu paganti pi nu singulu cuncertu. A Picture Music pubbricò poi Live in Rio, raccolta ri l'esibizzioni ru gruppu duranti l'ultimu cuncertu na citati brasiliana. Subbutu dopu i dui sirati, i quattru arrìpigghiarunu u The Works Tour, ca arrivò 'n Nova Zilanna e Australia. U 29 di aprili nisciu u primu discu sulista ri Freddie Mercury, Mr. Bad Guy; nunustanti i recensioni negative ra parti ra stampa spicializzata, pi via ri l'unioni mali cumminata ri canzuni d'amuri e ballati funky, u discu si piazzò o 6° postu na classifica ngrisi.


I Queen parteciparunu, u 13 di giugnettu 1985, o Live Aid, nu cuncertu umanitariu organizzatu ra Bob Geldof ca vitti a partecipazzioni ri cchiù mpurtanti artisti munniali, o scopu ri ricavari funni 'n favuri ri pupulazzioni ri l'Etiopia, colpite ra na gravi carestia. Geldof cunsidirava assia mpurtanti a partecipazzioni de Queen a l'eventu pi la loru pupularità 'n Giappuni e Sud America; u gruppu, nunustanti quarchi esitazzioni nnò pigghiari na decisioni definitiva, dovuti sopratuttu a l'esigua rurata ri l'esibizzioni, addcidiu ri partecipari e si esibiu o Wembley Stadium ri Londra. Ne 20 minuti a disposizzioni, i Queen sunarunu Bohemian Rhapsody, Radio Ga Ga, Hammer to Fall, Crazy Little Thing Called Love, We Will Rock You e We Are the Champions; sia a stampa, sia i 72.000 spittaturi ri Wembley, sia l'artisti cunsidiraru a loru interpretazzioni memorabbili, una ri megghiù ri tutti i tempi; Mercury costruì 'n sta esibizzioni “u mitu ri insuperabbili frontman”.

« Nuavutri sunammu bene, ma Freddie era oltre e purtò tuttu a n'avutru livellu. »

A partecipazzioni o Live Aid retti novu entusiasmu o gruppu, ca grazzi a stu successu turnarunu a essìri nu gruppu unitu; se prima ri l'eventu John Deacon dissi “I Queen nun sunnu cchiù nu gruppu realmenti unitu ma quattru individualità ca travagghia nzemi.” dopu u 13 di giugnettu dissi “U Live Aid ci retti nova vita, restituennuci l'entusiasmu ri un tempu”. Subbutu dopu u cuncertu ri Londra, cuminciarunu a pruggittari nu novu album; u 4 di nuvèmmiru u gruppu pubbricò u singulu One Vision, ispiratu o famusu discursu ri Martin Luther King. Nta primavera 1986, Mercury e Deacon parteciparu o musical Time ri Dave Clark. Duranti i primi sissioni ri provi, u gruppu vinni cuntattatu do regista Russel Mulcahy, pi cummissiunari loru na culonna sunaro pu so primu film. Dopu aviri accettatu l'incaricu, cuminciarunu a registrari i canzuni adatti a trama, oltre ca quarchi videoclip, rigistrati ro stissu Mulcahy, ri tracci comu A Kind of Magic, u cui singulu arrivò o 1° postu 'n 35 paisi.

U batterista de Queen, Roger Taylor, autori ri A Kind of Magic, singulu d'esordio di l'omonimu album.

L'album A Kind of Magic nisciu u 2 di giugnu 1986, pusizziunannusi subbutu o 1° postu ri classifiche ngrisi, pusizzioni ca occupò pi 13 simani cunsecutivi, vincennu dui dischi ri platinu. U discu si prisenta comu na culonna sunora ri Highlander – L'ultimu immortali, rapprisintannu o stissu tempu nu travagghiu autonomo e svinculatu da lu film: i Queen cuntinuarunu ciò ca avianu intrapresu cu The Works, basannusi su li caratteristiche glam rock ru gruppu e attingennu novamenti o pop (A Kind of Magic]] a l'hard rock (Princes of the Universe, One Vision e “Gimme the Prize”), utilizzannu puru n'orchestra sinfonica 'n Who Wants to Live Forever. A Kind of Magic risulta nu album intensu, putenti, creativu e cumpletu, 'n cui ciascunu cumpunenti ru gruppu scrivi u testu ri unu ri 4 singulu (A Kind of Magic, One Vision, Friends Will Be Friends e Who Wants to Live Forever).

U 6 di giugnu u gruppu cuminciò a Stoccolma u Magic Tour; chistu fu u tour cchiù granni e spittaculari, assai cchiù avanzatu e sfarzusu ri pricirenti, cu palcu cchiù granni mai custruitu e nu impiantu luci assai computerizzatu. U tour, ne o 26 dati, raccolse circa 1 miliuni ri spittaturi; nto Regnu Unitu, oltri 400.000 fan accàttarunu i biglietti pi suli 6 dati dispunibbili, stabilennu nu ulteriori record assolutu. L'11 di giugnettu e 12 di giugnettu turnarunu a sunari o Wembley Stadium, davanzi a 70.000 pirsuni; chisti addivintarunu dui ri cuncerti cchiù famusi ru gruppu. Ccà Freddie finiu u spittaculu, cu God Save the Queen]], vistuta da re, cu pelliccia e curona.

U 27 di giugnettu sunarunu a Budapest, risultannu u primu gruppu rock a esibirisi oltre a cortina ri ferru. L'ultimu spittaculu du tour era fissatu pi Marbella, 'n Spagna; 'n seguitu u prudutturi Harvey Goldsmith arrìnisciu a organizzari na data nto parcu ri Knebworth, pu 9 di austu 1986. Ccà Freddie Mercury si esibiu pa prima vota cu i Queen 'n una ri so prestazioni vucali cchiù apprizzati, cu 120.000 fan prisenti. Chista risultò essiri una ri l'esibizzioni cchiù spittaculari e granniusi; alcuni brani sunati live furunu ripurtati nta raccolta Live Magic. Nto party successivu a l'esibizzioni, Mercury fici capiri ca chiddu sarebbe statu l'ultimu cuncertu, alimentannu i vuci ri nu lassamentu ru gruppu.

A fini du 1986, propriu mentri la EMI addìcidiu ri pubbricari Live Magic, selezziunannu e rimuntannu quarchi mumentu ri l'ultimu tour, u gruppu decisi ri darisi na secunna pausa di riflessioni, firmannusi pi tuttu u 1987; John Deacon, a causa ru stressi pi continui spustamenti dovuti a li variu tappe ri tour, arrivò su l'orlo di nu collassu nervoso. Nnà stu lassu ri tempu, Mercury accuminciò a parrari ri AIDS, dichiarannusi pubblicamenti scantatu ri sta malatia; tuttavia iddu avia già cuntrattu u virsu, nunustanti i test ri l'ebbica fussiru negativi. Freddie, dopu aviri incisu na cover ri The Great Pretender ri The Platters, cullabborò ca cantanti lirica Montserrat Caballè pi registrari l'album Barcelona, a canzuni omonima addìvintò l'innu ri Jocura olimpici ri Barcelona 1992. Roger Taylor funnò i The Cross, prugettu parallelu a li Queen, ca pubblicarunu u primu album, Shove It, nto jinnaru 1988, mentri Brian May produssi u primu album ri Bad News. U 15 di aprili 1987, u gruppu arrìciviu u premiu Ivor Novello Awards pi lu “funnamentali cuntribbutu a la mùsica ngrisi”.

L'ultimi album e la morti ri Freddie Mercury (1988-1991)[cancia | cancia la surgenti]

Nto 1988, u gruppu s'arritruvò 'n studiu, accuminciannu a travagghiari a nu novu discu; i quattru aduttarunu novi regoli pi la registrazioni du materiali, pi cui ognu branu vinni accreditatu cu la dicitura “paroli e mùsica de Queen”, evitannu accussì i dissidi ca eranu sorti tra i quattru soprattuttu na scelta ri singuli; tutti i nuovi tracci vinniru discussi e realizzati 'n comuni. A copertina ri The Miracle, anticipatu da lu singulu I Want It All, esemplificò a ritruvata coesioni ru gruppu. L'ultimu travagghiu ru gruppu, ca cuntenni cinqu singuli , si piazzò o 1° postu 'n Nglaterra, runni vinsi 'n una simana u discu ri platinu, e 'n avutri nazziuni, ammustrannu ulteriormenti a varietà ri gèniri musicali prisenti nto loro repertorio, personalizzati cu li sunorità tipiche de Queen, da lu [pop rock]] ri Breakthru o pop ri The Miracle, ra l'hard rock ri Scandal e I Want It All o funky ri The Invisible Man.

Freddie Mercury duranti nu cuncertu nto 1984.

A la fini ri nuvèmmiru, u gruppu, galvanizzatu ro successu ri The Miracle, ca risollevò dopu quarchi annu i loro quotazioni na li Stati Uniti dâ Mèrica, dichiarannu a stampa ri essiri novamenti pronti a trasiri 'n studiu. Però l'assenza ri nu tour e i sempri cchiù rari apparizzioni ri Freddi 'n pubbricu alimentarunu i speculazzioni ri media ncapu a saluti du cantanti; Mercury, decidennu ri mantiniri a nutizzia segreta, pi proteggiri a propria privacy da la stampa scadalistica ngrisi, si limitò a diri ca a dicisioni ri nun fari avutri tour era dovuta a la voglia di rumpiri u binomio album/tour ri l'anni passati.

Nto 1989, May e Taylor parteciparunu o Rock Aid Armenia, prugettu a favuri ri vittimi du terremotu du 1988. U 4 di dicèmmiru nisciu At the Beeb, nu album live cumprinnenti ottu canzuni registrati du quartettu 'n 2 sissioni na li studi ra BBC nto 1973. Nto 1970, annu 'n cui si festeggò u 20° anniversariu ru gruppu cu na festa monumentali a basi ri luci laser, i vuci su Mercaru malatu ri AIDS addìvintarunu sempri cchiù insistenti, 'n seguitu a n'apparizzioni 'n pubbricu du cantanti u 18 di frivaru, pi na premiazioni pu contribbutu data a la mùsica britannica a li BRIT Awards, 'n cui appari assai malatu, e a la morti pi AIDS ri Nicolai Grishanovitch, nu amicu du cantanti; pi circari di ridurri sti vuci, u cantanti ammustrl nu test negativu a l'AIDS. Sempri nto 1990, u gruppu decisi ri lassari a Capitol Records e ri canciari casa discugrafica pi quantu riguarda a distribuzzioni 'n Nord Amèrica; a scelta carìu ncapu a l'Hollywood Records. A marzu ru stissu annu, nisciu u secunnu album ri The Cross, Mad, Bad and Dangerous to Know.

Nunustanti fussi assai debilitatu ra malatia, Mercury nun abbànnunò a so attività cu gruppu e u 14 di jinnaru 1991, vinni pubbricatu Innuendo. Sia l'omonima canzuni nto Regnu Unitu sia Headlong na li Stati Uniti dâ Mèrica, primi singuli du discu, ebbiru nu nutevoli successu; u primu, c'arrivò a vinnìri 'n na simana oltri 100.000 copie, rapprisenta na nica opera rock, cumposta ri varie parti tra cui nu assulu ri flamencu eseguitu ra Steve Howe e Brian May e culligata direttamenti a Bohemian Rhapsody. U discu, pubbricatu u 4 di frivaru, signa nu parziali ritorno de Queen a li origini, “chiudennu idealmenti u cerchiu artisticu ru gruppu” e abbannunannu l'anima pop-dance ri l'anni pricirenti; “u stili musicali ri l'anni sittanta vinni recuperatu e rinnuvatu, funnennusi cu novi sunorità, rapprisintannu na raggiunta maturità cumpositiva e musicali”. Headlong e “The Hitman” ripresentanu l'anima hard rock ru gruppu, unite a lu valzer ra tiatru I'm Going Slightly Mad, a lu pop rock ri “I Can't Live with You” e a lu soft rock ri These Are the Days of Our Lives.

A inizziu maiu, u gruppu turnò a Montreux pi riturnari subbutu o travagghiu ri nu novu album. May iniziò nu tour radiufonicu 'n Nord Amèrica, pi promuoviri u nove sound ru gruppu; u chitarrista appi n'ottima accoglienza, dimustrannu i prugressi di rapporti cu pubblicu mèricanu, dovuti puru a la mediazioni ra nova casa discugrafica. A uttuviru vinni pubbricatu Greatest Hits II, na sorta ri cuntinazzioni ru pricirenti Greatest Hits I, cumprinnenti 17 canzuni ri l'anni uttanta de Queen e pusizziunannusi o 1° postu 'n classifica. Pi promuoviri sta compilation, nisciu nu novu singulu The Show Must Go On, trattu ra l'album Innuendo. St'analogia vinni novamenti accumpagnata ra na raccolta ri video, u Greatest Flix II.

Elton John, assai amicu di Mercury, sunò ò Freddie Mercury Tribute Concert.

Nto corsu ri l'utlimi misi du 1991, i vuci riguardanti na gravi malatia ri Merucyr si ficiru cchiù prissanti, cunfirmati puru da l'aspettu suffirenti du cantanti ne rari occasioni 'n cui appari 'n pubbricu. U 23 di nuvèmmiru 1991, Freddie Mercury decisi ri annunciari ufficialmenti, attraversu nu comunicatu, ri essiri risultatu positivu o testi ri l'HIV e ri essiri malatu ri AIDS. U jornu dopu Freddie Mercury muriu prematuramenti a l'età ri 45 anni, a causa ri na purmunìa causata ra l'AIDS, na so casa ri Earls Court.

Tributi e mìssaggi ri cordoglio cuminciarunu ad arrivari ra tuttu u munnu, cu numerosi fan ca si radunarunu pi tutta a notti davanzi a so abbitazzioni; tra l'ultimi volontà, Mercury dichiarò ri vuliri contribbuiri o sostegnu du Terence Higgins Trust, una ri cchiù mpurtanti associazzioni impegnati na battagghia contru l'AIDS. Pi cummemorari u cantanti, Brian May decisi ri pubbricari nu singulu cuntinenti Bohemian Rhapsody e These Are the Days of Our Lives‎, i cui pruventi foru dunati a l'associazzioni; chistu, ca vinni stampatu nto giru ri na simana, vinnìu oltri 100.000 copie 'n suli 7 jorni, arrivannu o 1° postu na classifica ngrisi e risultannu u singulu cchiù vinnutu nto natali ri ddù annu. U videoclip ri These Are the Days of Our Lives fu l'ultimu giratu ra Freddie Mercury, u 31 di maiu 1991, ma rimastu ineditu finu ad allora.

U Freddie Mercury Tribute Concert e li album postumi (1992-2003)[cancia | cancia la surgenti]

I ristanti cumpunenti ru gruppu, dopu a nutizzia ra morti di lu amicu, vinnìru colpiti ra nu intensu duluri; tra a fini ri l'annu e l'inizzi du 1992, i tri addìcideru ri pigghìarisi na pausa, pi riflettiri su propriu futuru. Nto l'aprili, Brian May, Roger Taylor e John Deacon organizzaru nu granni cuncertu dedicatu a la memoria ri Freddie Mercury nto stadiu ri Wembley, cu assai artisti munniali tra cui Tony Iommi, Metallica, Guns N' Roses, David Bowie, Roger Daltrey, Robert Plant, George Michael, Elton John, Annie Lennox, Liza Minnelli, Extreme, Def Leppard e Zucchero; i biglietti pi stu eventu terminarunu 'n menu ri sei uri. U mega-cuncertu 'n stili glam, chiamatu “Freddie Mercury Tribute Concert”, fu svoltu u 20 di aprili 1992 e vinni vistu 'n televisioni ra oltri 1 miliardu ri pirsunu. U cuncertu, oltri ca pi l'eccezzionalità ri l'eventu musicali, si segnalò pi aviri rihiamatu u munnu nto dramma ri l'AIDS.

Na statua dedicata a Freddie Mercury.

L'anni dopu a morti ri Mercury sunnu stati l'anni cchiù duri ru gruppu; infatti, nunustanti i numerosi crisi ca li avevanu visti prutagonisti, nuddu avia mia cunsidiratu pussibili l'idea ri nu lassamentu definitivu. May e Taylor circarunu ri fari riacquistari o gruppu na propria identitati; u chitarrista pubbricò Back to the Light nto sittèmmiru 1992, cuminciannu na serie ri tour ri bonu successu. Testimoniati ra l'album Live at the Brixton Academy du 1994. U batterista inveci cumposi quarchu canzuni, pubbricati poi 'n Happiness? nto 1994. Na l'astati 1992, la EMI pubbricò Live at Wembley '86, l'edizioni integrali du cuncerto ri Wembley du 1986, ca fu parti ru Magic Tour. Quannu u gruppu superò u shock ra morti ri Freddie Mercury, i tri cumpunenti ristanti ru gruppu s'arritruvarunu, valutannu a possibbilitati di realizzari nu ultimu album cu u nomu “Queen”, utilizzannu quarchi parti vucali ca Mercury avia già registratu, quannu, assai malatu, putia cantari sulu picca uri o jornu.

Nto 1995, nisciu Made in Heaven, ca ripurtò i Queen a li primi posti ne classifiche ri vinnìta. U discu cunetini l'ultimi tracci vucali ri Freddie mercury rigistrati pocu prima ri morìri, comu A Winter's Tale, You Don't Fool Me e “Mother Love”, ca pari u cantanti fu custrettu a registrari assìttatu a casua ri so cunnizzioni ri saluti a causa ra malatia, e quarchi vecchia canzuni rielabburata nun pubblicata na li album pricirenti, comu “My Life Has Been Saved”; a stissi title track era cuncipita pi The Works. A traccia r'apertura è “It's A Beautiful Day”, nu assulu ri chianuforti accumpagnatu ra sula vuci ri Mercury, è u branu cchiù esemplificativu ri l'album, cuncipitu comu discu celebrativu ri l'anni passati de Queen; Let Me Live fu inveci a prima canzuni 'n cui Mercury, May e Taylor cantarunu nzemi.

Nto 1997, fu pubbricatu Queen Rocks, na compilation c'arrìcuogghi i cchiù granni successi rock ru gruppu, tra cui Stone Cold Crazy, One Vision, Hammer to Fall e I Want It All. Tra i canzuni ri stu discu c'è No-One but You (Only the Good Die Young)‎, primu e unicu branu ineditu criatu da i tri cumpunenti ru gruppu sìenza Freddie Mercury, 'n memoria du cantanti e ri Lady Diana, scumparsa na ddù annu; chistu fu l'ultimu branu 'n cui John Deacon sunò u bassu pi Queen. A so ultima apparizzioni cu gruppu risali o 17 di jinnaru 1997, o “Ballet for Life – Music by Queen & Mozart” a Parigi. Ra allura, Deacon vivi 'n Nglaterra ca so famigghia e travagghia comu nicu imprennituri.

Nto 1999, nisciu u Greatest Hits III, na raccolta “pi mantiniri avutu u nomu Queen”. Stu discu cunteni tracci suliste ri Freddie Mercury, comu Living on My Own e Barcelona, e ri Brian May, comu Driven by you. Na virsioni remixata ri Under Pressure (unicu singulu da raccolta) e vari duetti spiega u motivu ru “+” prisenti nnà copertina ri l'album accantu o nomu “Queen”; Another One Bites the Dust è 'n chista occasioni arrìpigghiata ra Wyclef Jean, mentri The Show Must Go On e Somebody to Love vinnìru cantati rispettivamenti ra Elton John e George Michael. U 3 di giugnu 2002 Brian May e Roger Taylor vinnìru ospitati o Party at the Palace a Londra, runni sunaru cu Phil Collins, Will Young e u cast du musical We Will Rock You. Nto 2003 inveci foru stati ospitati o Pavarotti & Friends.

Queen + Paul Rodgers e u 40° anniversariu (2004-2012)[cancia | cancia la surgenti]

Exquisite-kfind.png Pi sapìrinni cchiossai, vidi puru la vuci Queen + Paul Rodgers.


Nto 2004, Roger Taylor ipotizzò l'organizzazzioni ri nu tour 'n Europa e na li Stati Uniti dâ Mèrica nzemi a Brian May e a l'ex cantanti ri Free e ri Bad Company, Paul Rodgers. U tour vinni criticatu pi aviri circatu ri riesumari u gruppu, puru sìenza a prisenza ri dui cumpunenti originali ra band. Pi na pricisa scelta ri dui cumpunenti ru gruppu, l'esperienza fu chiamata “Queen + Paul Rodgers”, pi specificari comu nun si trattassi ri nu canciu ri formazzioni. Ra chistu comu ra avutri prugetti ru gruppu sìenza Freddie Mercury, u bassista John Deacon si dissòciò sempri.

Nta primavera du 2005, i Queen + Paul Rodgers partirunu pi na tourée, u successu ri stu toru, indussi May, Taylor e Rodgers a cuntinuari l'avventura puru 'n Giappuni e 'n Nord America, runni appìru granni successu. U 19 di sittèmmiru 2005, u tour europe Queen + Paul Rodgers purtò a la pubbricazioni du doppiu CD live Return of the Champions, raccolta ri canzuni prisenti 'n scaletta ne cuncerti du tour, cumprinnenti puru quarchi branu ri Free e ri Bad Company. U 15 di austu 2006, Brian May annunciò u ritornu de Queen ca registrazioni di nu novu album ri studiu, dopu 12 anni ri silenziu discugraficu. May ustenni ca fussi statu tuttu materiali novu ra nun cunfruntari cu chiddu ri l'anni pricirenti; nto marzu 2008 vinnìru annunciati da parti ru gruppu sia u lanciu du novu album The Cosmos Rocks, pubbricatu successivamenti u 15 di sittèmmiru 2008 'n Europa e u 14 di uttuviru 'n USA, sia u novu tour, ca partìu u 16 di sittèmmiru 2008 e tuccò 25 citati. Nto maiu 2009 Rodgers e May annunciarunu a fini ra cullabburazzioni.

Nto nuvèmmiru ru stissu annu, nisciu na nova raccolta ri brani de Queen, chiamata Absolute Greatest, c'arrivò o 3° postu na classifica ngrisi. U 7 di maiu 2010, i dui musicisti annunciarunu l'abbannunu ri EMI, loru casa discùgrafica pi 40 anni. May e Taylor dicisiru ri passari a Island Records, na succursali di la Universal Music cu nu cuntrattu ra 10 milianu ri sterline. Na rimasterizzazioni ri Teo Torriatte (Let Us Cling Together) vinni poi misa 'n Songs for Japan, na raccolta ri canzuni ri assai artisti munniali, pubbricata nto marzu 2011 pi arricuogghìri funni a favuri ri vittimi du terremotu e maremotu du Tōhoku du stissu annu. U 14 di marzu 2011, sempri 'n occasioni du 40° anniversariu ru gruppu, vinnìru novamenti pubbricati nto Regnu Unitu i primi cinqu album de Queen, mentri nto restu ru minnu foru rimasterizzati alcuni edizioni deluxe. L'avutri dischi ra discùgrafia ru gruppu sunnu stati pubbricati tra u 27 di giugnu e u 5 di sittèmmiru Sempri pi festeggiari i 40 anni de Queen, Taylor organizzò Queen Extravaganza, nu cuncorsu voltu pi criari na tribute band ufficiali de Queen.

A li Broadcast Music Incorporated (BMI) Awards du 2011 svoltisi a Londra u 4 di uttuviru, i Queen arricivettiru u BMI Icon Award comu ricunuscimentu du loru successu airplay na li Stati Uniti dâ Mèrica. Nto l'uttuviru 2011 fu annunciatu ca i Queen vulevanu registrari nu novu album cuntinenti demu scumparsi ri Mercury. A li MTV Europe Music Awards 2011 du 6 di nuvèmmiru i Queen vinceru u Global Icon Award. I Queen chiueru a cerimonia ri premiazioni, cu Adam Lambert comu vuci, sunannu The Show Must Go On, We Will Rock You e We Are the Champions. A cullabburazzuoni arrìcivio nu responsu pusitivu ra parti ra critica e ri fan, facennu nasciri speculazzioni su futuri prugetti nzemi.

Queen + Adam Lambert e Queen Forever (2011-ùoggi)[cancia | cancia la surgenti]

Adam Lambert 'n nu cuncertu a Kiev nto 2013 cu i Queen.

Da lu 30 di giugnu u duo ricuminciò a cullaburari cu Adam Lambert: na ddù jornu i tri si sunnu esibiti a Kiev 'n nu cuncertu ri enificenza organizzatu da lu Elena Pinchuk ANTIAIDS Foundation, 'n occasioni ra finali ri UEFA Euro 2012. O cuncertu partecipò puru Elton John. U cuncertu du 30 di giugnu fu u primu di nu nicu tour europeo de “Queen + Adam Lambert”, ri cui avissi duvutu fari parti puru n'esibizzioni o Sonisphere o Knebworth u 7 di giugnettu 2012 prima ca u festival vinissi cancillatu. L'avutri esibizzioni du tour si sunnu svolti u 3 di giugnettu a Mosca, u 7 di giugnettu a Breslavia e 11 di giugnettu, 12 di giugnettu e 14 di giugnettu a Londra (sti ultimi dati 'n sostituzioni ri chidda o Sonisphere). U 12 di austu Brian May e Roger Taylor si sunnu esibiti a cerimonia ri chiusura di Jocura olimpici, nzemi a Jessie J; a performance si rapiu cu na rimasterizzazzioni spiciali du video ri Freddie Mercury ca duranti u cuncertu du 1986 o Wembley Stadium esegue a so routine ri chiamata e risposta.

U 20 di sittèmmiru 2013 i “Queen + Adam Lambert” sunarunu o l'IHeartRadio Music Festival pressu l'MGM Grand Hotel & Casino ri Las Vegas. U 6 di marzu 2014 u gruppu annunciò ca i Queen + Adam Lambert sarannu 'n tour 'n Nord America na l'astati du 2014.

Nto misi di uttuviru fu annunciatu ca u gruppu stava registrannu nu novu album cu demu scurdati ri Mercury. May cunfirmò ca iddu e Taylor stannu travagghiannu pi mettìri nzemi u materiali pi compilari na silizzioni ri canzuni inediti pu prossimu album. I dui ristanti cumpunenti du gruppu dissiru ca esistinu na seriu ri inediti cu [[Freddie Mercury] e Michael Jackson ca avia a essìri pubbricatu nto 2012. Nto 2014, May annunciò u titulu ri l'ultimu album du gruppu “Queen Forever”, c'avissi a essìri pubbricatu nto corsu ra fini du 2014.

Stili musicali[cancia | cancia la surgenti]

Aretha Franklin fu fonti r'ispirazzioni pi Freddie Mercury na scrittura ri Somebody to Love.

I Queen foru nfluinzati ra assai artisti rock ngrisi, comu Pink Floyd, The Beatles, The Rolling Stones, The Who e Led Zeppelin. Tra i cantanti cchiù apprizzati c'eranu Elvis Presley, Robert Plant e Jimi Hendrix, oltri a Liza Minnelli, Eric Clapton e Aretha Franklin. U stili glam ru gruppu, fattu ri vistita strani, occhi truccati e ugna pittati, nascìu a fini ri l'anni sissanta, e appi comu primi espunenti David Bowie e T. Rex.

Nto corsu da loru carriera, u gruppu tuccò assia forme ri mùsica rock giù cunsulidati nto panurama musicali; associati prevalentamenti a sound rock prugrissivu, art rock e glam rock, pigghìannu spuntu a li cchiù svariati gèniri musicali, passannu ra l'hard rock (Hammer to Fall) o pop rock (A Kind of Magic), da l'arena rock (We Will Rock You) a l'heavy metal (Stone Cold Crazy), da lu rock and roll (Man on the Prowl) o rock psichedelicu (Get Down Make Love). Sperimentarunu puru sunorità luntani da li rarici rock ri quattru cumpunenti ru gruppu, comu blues (See What a Fool I've Been), dance rock (Another One Bites the Dust), gospel (Let Me Live), ragtime (Bring Back That Leroy Brown), funk (Back Chat), folk ('39), mùsica classica (The Wedding March) e raramenti punk rock (Sheer Heart Attack), vaudiville (Seaside Rendezvous), rock sinfunicu (Who Wants to Live Forever), rockabilly (Crazy Little Thing Called Love), dixieland (Good Company) e calypso (Who Needs You).

Unu ri l'elementi distintivi ra mùsica ru gruppu sunnu l'armonie vucali, furmati giniralmenti da li vuci ri Brian May, Freddie Mercury e Roger Taylor e prisenti sopratuttu ne loru primi dischi comu A Night at the Opera e A Day at the Races. A sperimentazioni sunica caratterizzò pisantimenti i canzuni de Queen; ad esempio, eranu famusi puru pi loru canti multitraccia, o scopu ri imitari, attraversu i suvraincisioni, u sonu ri nu granni coru.

Assai canzuni scritti da lu gruppu ngrisi vittìru a partecipazzioni ri fan, comu 'n We Will Rock You e We Are the Champions. Quarchi criticu sottolineò a tiatralità, musicali oltri ca scenica, de Queen e di loru opìri; chistu è dovutu principalmenti a l'usu ra Red Special ri May, a li elabburati cori vucali, a la putenza espressiva da vuci ri Mercury e o ritmo scanditu ra Taylor, oltri ca all'armoniosa diversità ri canzuni ru gruppu.

I testi ri canzuni[cancia | cancia la surgenti]

Nto sviluppu ri canzuni, benché tutti i quattru i cumpunenti ru gruppu vinissìru cunsidirati o stissu modu, Freddie Mercury e Brian May sunnu i principali autori ri pezzi de Queen; infatti, su nu tutali ri 180 tracci, u cantanti scrissi 51 canzuni e u chitarrista 46, mentri Roger Taylor e John Deacon sunnu fermi rispettivamenti a 22 e 14 canzuni scritti. A partìri ri l'album The Miracle du 1989, tutti i canzuni ru gruppu vinnìru accreditati ca dicitura “paroli e mùsica de Queen” pi cui 35 canzuni nun annu nu autori ben definitu. 8 canzuni inveci nascìeru da la cullabburazzioni ri dui cumpunenti ru gruppu.

Tra i canzuni ca annu nu auturi esternu o gruppu ci sunnu;

Nfluenzi su avutri artisti[cancia | cancia la surgenti]

Mika, unu ri tanti artisti nfluinzati da la mùsica de Queen.

All'inizziu disprizzati ra assai critici, sopratuttu na li Stati Uniti dâ Mèrica, i Queen sunnu stati 'n seguitu rivalutati pi aviri nfluitu su vari artisti successivi ri vari gèniri, comu glam rock, hard rock, heavy metal, pop rock, rock prugrissivu e pop; assai musicisti, ri diffìrenti stili, nazziuni o ginirazzioni, annu dichiaratu ri ispirarisi 'n bona parti o gruppu ngrisi. Tra l'artisti ca annu citatu u gruppu pi la loru nfluenza ci sunnu: Ben Folds Five, Blind Guardian, Def Leppard, Dream Theater, Extreme, Foo Fighters, Frankie Goes to Hollywood, Guns N' Roses, Helloween, Judas Priest, Kansas, Katy Perry, Keane, Iron Maiden, Manic Street Preachers, Marilyn Manson, Metallica, George Michael, Mika, Muse, My Chemical Romance, Panic at the Disco, Queensrÿche, Radiohead, Robbie Williams, Steve Vai, Styx, Sweet, The Ark, The Darkness, The Smashing Pumpkins e Trivium.

Michael Jackson, amicu ri Freddie Mercury ne primi anni uttanta, citò l'album Hot Space comu funti r'ispirazzioni pi Thriller, a cui duvia partecipari puru Mercury stissu. U gruppu è statu puru cunsidiratu ispiraturi du metal neoclassicu du chitarrista Yngwie Malmsteen. Inoltre, Lady Gaga, nto 2009, dissi ca u so nomu d'arti è nu chiaru riferimentu a Radio Ga Ga de Queen.

Assai canzuni ru gruppu sunnu spisssu stati riprudutti comu cover ra avutri artisti; nto 1991 i Metallica realizzarunu na cover ri Stone Cold Crazy, ra Sheer Heart Attack du 1974, canzuni spissu citatu comu pridicissuri ru speed e du trash metal. Avutri artisti annu rigistratu 'n studiu novi virsioni ri canzuni du gruppu londinesi, comu “Weird Al” Yankovic (Another One Bites the Dust), The Braids (Bohemian Rhapsody), Laibach (One Vision), Nine Inch Nails (Get Down, Make Love), Lemmy Kilmister (Tie Your Mother Down), Yngwie Malmsteen (Keep Yourself Alive), Dwight Yoakam (Crazy Little Thing Called Love), Travis (Killer Queen), The Flaming Lips (Bohemian Rhapsody) e Keane (Under Pressure).

I cuncerti[cancia | cancia la surgenti]

U cuncertu ru gruppu a Drammenshallen, Norveggia, du 12 di aprili 1982.

Da lu 1970 a lu 1986, i Queen sunnu stati prutagunisti ri 707 cuncerti, addìvintannu unu ri gruppi ri maggìuri successu da lu vivu ri l'anni sittanta e uttanta. A prima esibizzioni 'n pubbricu si tinni a Truro, Nglaterra, u 27 di giugnu 1970, 'n nu cuncertu ri benificenza pa Cruci russa, quannu Mercury, Taylor e May eranu cumplitati ra Mike Grose. L'ultimu cuncertu de Queen o cumpletu, prima ca malatia facissi aggravari a saluti ri Mercury, fu chiddu ri Knebworth u 9 di austu 1986, davanzi a 120.000 pirsuni. Da lu 1973, ca niscìuta du primu album Queen I, finu a lu 1986 dopu A Kind of Magic, u gruppu organizzava nu tour dopu ogni album. St'abbitudini fu poi interrotta nto finiri ri l'anni uttanta, a causa ri primi sintumi ra malatia ri Mercury. I Queen tinnìru na li Stati Uniti dâ Mèrica quasi 250 cuncerti e nto Regnu Unitu circa 200; nnà sta classifica, ci sunnu 'n seguitu Girmania e Giappuni, rispettivamenti cu 55 e 51 spittaculi. L'esibizzioni cu cchiù granni pubbricu fu chiddu ca si tìnni nto 1985 a Riu de Janeiru pi Rock in Rio, cu circa 250.000 spittaturi. U cuncertu cu menu pirsuni fu chiddu du 28 di jinnaru 1972 nto Bedford College ri Londra, runni u gruppu si esibì davanzi a 6 pirsuni.

U gruppu, pi l'impurtanza ca davanu a li spittaculi live, dettìru assai enfasi a la costruzioni di loru cuncerti; a prima mità ra scaletta era caratterizzata ra canzuni hard rock e ra canzuni viluci, seguita ra pezzi cchiù tranquilli, oltri ca improvvisazzioni suliste ri May e Taylor, pi cuncediri brevi pause a lu spittaculu, pi poi turnaru a canzuni emotivamenti cchiù impegnative e a i loru cavaddi ri battagghìa. Freddie Mercury vulia ca ogni esibizzioni ru gruppu fussi nu spittaculu unicu e originali, avvicinannulu a n'opira tiatrali, grazzi puru a li so doti r'improvvisazzioni, oltri ca di l'avutri cumpunenti ru gruppu; assai costumi stravacanti accumpagnarunu nu catalugu ri canzuni granni e molto vari, utilizzannu sistemi audio multipli, granni apparecchi r'illuminazzioni e assai effetti spiciali, cu nutevoli jocura ri luci, nebia artificiali e jochi ri focu. Comu cantanti, Freddie Mercury era capaci ri criari nu strittu ligami cu pubbricu, caratteristica ammirata ra assai artisti comu Bob Geldof, David Bowie, George Michael, Kurt Cobain e Robbie Williams. Mercury sapìa interagiri cu pubbricu, facennulu realmenti partecipari o cuncertu, innipinnentimenti da li grannizzi ra manifestazioni, arrìniscennu, ca so dinamicitati e la so danza, ad affascinari e conquistari u pubbricu; u microfono, ca spustava pi tuttu u palcu, ca duvia essìri necessariamenti granni (talvolta era puru cumpostu ra scali e rampi), vinia usatu pi so coreografii e addìvintò parti integranti ra so prisenza scenica. Nto 2012 u New Musical Express i misi o 4° postu tra i megghiù gruppi pi esibizzioni live.

U tour[cancia | cancia la surgenti]

U simmùlu[cancia | cancia la surgenti]

U simmùlu de Queen, cunusciutu puru cu nomu ngrisi “Queen Crest”, vinni disignatu ra Freddie Mercury, ca si diplumò a l'Ealing Art College ri Londra, pocu prima da niscìuta du primu album du gruppu, Queen I; infatti a virsioni originali du logutipu de Queen, divenutu signu distintivu ri quattru cumpunenti du gruppu, è ripurtatu inoltre rarrìeri a copertina ri Queen. L'immagini, ca cumparvi pa prima vota 'n copertina cu A Day at the Races nto 1976, è inoltre prisenti, 'n divìerse virsioni, nnè copertine ri l'album A Night at the Opera, Greatest Hits II e Queen Rocks. Mercury avia disegnatu stu simmùlu picchì vulia pu so gruppu “nu simmùlu ri l'ebbica”, basannusi ncapu u stemma riali du Regnu Unitu, integrannu pi stu mutivu, eleganza, patriuttismu e rigalitati. Stu simmùlu, ri cui esistunu divìersi virsioni, era spissu visibbili nnà batteria ri Roger Taylor, duranti i primi cuncerti.

L'immaggini includi i signa zudiacali ri quattru cumpunenti ru gruppu; dui liuni rampanti, ca rapprisentanu Taylor e Deacon, 'n menzu è prisenti a curona da reggina o centru di na “Q” (Queen), cu supra nu granni granciu culur brunzu mitallicu ca innìca u segnu ri May, u cancru, supra a quali si libra nu aneddu ri fiammi ca ra l'impressioni ri na secunna curona. Dui fati janchi, a rapprisintari a vergini, ca identifica Mercury, cuntrapposti o culuri senapi ri liuna, osservanu da lu bassu a lettìra. Tutti l'elementi sunnu suvrastati ra na granni fenici cu li ali aperte, aceddu mitulogicu canusciutu pi la capacitati di riturnari 'n vita da li so stissi ciniri, scelta 'n signu ri immortalitati e spiranza. U giallu e l'aranciu sunnu i principali culuri ru simmùlu, cu na sfumatura di russu pi quantu riguarda a fascia ca forma a “Q”. Nnà parti inferiori, u nomu “Queen” appàri 'n stili latinu, cu curvaturi ben definiti.

I Queen nnè media[cancia | cancia la surgenti]

Film e TV[cancia | cancia la surgenti]

I Queen contribuirunu direttamenti a la culonna sunora du film Flash Gordon direttu ra Mike Hodges nto 1980, e Highlander – L'ultimu immortali, direttu ra Russell Mulcahy nto 1986; nnà stu ultimu film sunnu prisenti A Kind of Magic, One Year of Love, Who Wants to Live Forever, Hammer to Fall e Princes of the Universe. A Kind of Magic fa inveci parti ra scena iniziali ri Highlander II – U ritornu. Na li Stati Uniti dâ Mèrica, Bohemian Rhapsody fu pubbricatu comu singulu nto 1992, dopu essìri cumparsa nnò film Fusi ri tìesta. U singulu successivamenti arrivò o 2° postu na classifica mèricana e aiutò a addùmari arrìeri a pupularità ru gruppu 'n Nord America.

Sacha Baron Cohen è statu sceltu pi interpretari Freddie Mercury 'n nu film su i Queen.

Assai film utilizzàru i canzuni de Queen, ma cantati ra avutri artisti; na virsioni ri Somebody to Love fu cantata ra Anne Hataway nto film du 2004 Ella Enchanted – U magicu munnu ri Ella e ra Brittany Murphy pu film du 2006 Happy Feet. Nto 2001, na virsioni ri The Show Must Go On fu cantata ra Jim Broadbent e Nicole Kidman nto film musical Moulin Rouge!. Nto film U destinu ri nu cavalieri du 2001 ci sunnu dui virsioni ri We Are the Champions e ri We Will Rock You, cantati ra Robbie Williams e i Queen. Puru u film du 1992 I gladiaturi ra strata avi quarchi frammentu ri We Will Rock You. Nto 2004, Don't Stop Me Now fu usara comu culonna sunora na scena ra lotta o bar nto film cult L'alba ri morti dementi, mentri You're My Best Friend è prisenti ne titulu ri cura ru stissu film. Tra l'avutri film ca utilizzàru i travagghi de Queen ci sunnu Super Size Me, A rivincita ri nerds, Avuta fedeltà, Stoffa ra campiuni 2 sballati o colleg, U miu amicu scongelatu, L'aquila r'acciaiu, Nemiche amiche, L'amici ri Peter, Small Soldiers, Ti odio, ti lassu, ti..., Super Mario Bros., Io vi dichiaru maritu e... maritu, 40 jorni e 40 notti e Palle 'n canna.

Brian May annunciò 'n na intervista a la BBC ca Sacha Baron Cohen è statu sceltu pi rapprisintari Freddie Mercury 'n nu film, scrittu ra Peter Morgan, già numinatu a li Oscar pi la so sceneggiatura ri The Queen – A reggina e Frost/Nixon – U duellu. U film, ca è co-prudottu da la TriBeCa Productions ri Robert De Niro, si cuncentrerà su i primi anni de Queen e su piriodu pricirenti a performance nto Live Aid du 1985. I travagghi, iniziati nto 2011, avissìru a purtari a so niscìuta nto 2014.

Mantinennu a tradizioni, da la quinta staggiuni 'n poi, ri numinari l'episodi ri ogni staggiuni cu i canzuni ri nu famusu gruppu rock di l'anni sittanta, l'uttava e ultima staggiuni di la sitcom mèricana That '70s Show cunsisti 'n episodi denominati cu i vari canzuni de Queen; Bohemian Rhapsody è u titulu di la première di la staggiuni. Puru quarchi episodiu ri I Simpson virinu prisenti canzuni de Queen. Na l'autunnu 2009, na l'episodiu The Rhodes Not Taken ri Glee, u coru ra scola canta Somebody to Love.

L'11 di aprili 2006, May e Taylor sunnu apparsi o cuncorsu canoru televisivu American Idol. Ognu cuncurrenti cantò na canzuni de Queen duranti a simana du cuncorsu; i brani cantanti nto show sunnu Bohemian Rhapsody, Fat Bottomed Girls, The Show Must Go On, Who Wants to Live Forever e Innuendo. I dui foru arrìeri prisenti a finali di l'uttava staggiuni ri American Idol, nto maiu 2009, cantannu We Are the Champions cu i finalisti Kris Allen e Adam Lambert. U 15 di nuvèmmiru 2009 i dui musicisti sunnu apparsi puru 'n nu avutru show televisivu ri cuncorsu sunoru, X Factor.

A li MTV Europe Music Awards 2011, u 6 di nuvèmmiru, i Queen arrìciveru u premiu Global Icon, ca Katy Perry cunsignò a Brian May. I Queen chiueru a cerimonia ri cunsegna ri premi, cu Adam Lambert comu cantanti. 'N aprili u gruppu è turnatu a esibirisi a lu show “American Idol”: u 25 di aprili cantarunu Fat Bottomed Girls, Another One Bites the Dust, We Will Rock You e We Are the Champions cu i “Top 6”, mentri u 26 di aprili si sunnu esibiti cu la loru tribute band ufficiali “The Queen Extravaganza” (criata da lu stissu Roger Taylor) 'n Somebody to Love.

Tiatru e musical[cancia | cancia la surgenti]

Na statua ri Mercury pressu u Dominion Theatre ri Londra, runni si teni u musical We Will Rock You.

Nto 2002 vinni inauguratu ò Dominion Theatre ri Londra nu musical basatu su li canzuni de Queen, intitulatu We Will Rock You. U musical è statu scrittu da l'auturi e cummedianti ngrisi Ben Elton, 'n cullaburazzioni cu May e Taylor, e prudottu ra Robert De Niro. U lanciu du musical cuincisi cu giubileu d'oru da Regina Elisabetta II; comu parti di la celebrazioni, May sunò nu assulu di l'innu nazziunali ngrisi God Save the Queen da lu tittu ri Buckingham Palace, partecipannu a l'esibizioni finali ò fiancu ri Eric Clapton, Elton John, runni nzemi annu sunatu alcuni brani ri l'ex Beatles Paul McCartney. A registrazioni ri sta performance vinni usata pu video ra stissa canzuni pi l'edizioni DVD du 30° anniversariu ri A Night at the Opera

U musical, ca è apprudatu 'n assai citati 'n tuttu u munnu, avissi dovutu finiri i so rapprisentazzioni o Dominion Theatre u 7 di uttuviru 2006, tuttavia, a causa di li tanti richieste, u spittaculu fu prolungatu. We Will Rock You addìvintò u cchiù duraturu musical ne tiatri ri Londra, battennu u pricirenti record ri Grease. Brian May cunfirmò ca l'autori stannu cunsidirannu l'idea ri scriviri nu sequel du musical.

Sean Bovim criò u Queen at the Ballet, nu ballettu cuncipitu comu tributu a Freddie Mercury, nnà la quali sunnu usati i musiche de Queen comu culonni sunori pi li danzi, interpretannu a storia sulla basi ri canzuni comu Bohemian Rhapsody, Radio Ga Ga e Killer Queen. A mùsica de Queen appàri puru na produzioni “off-Broadway” Power Balladz.

I Queen 'n digitali[cancia | cancia la surgenti]

'N cullaborazzioni cu Electronic Arts, i Queen pubbricarunu nto 1998 u jocu pi computer Queen: The Eye, ca nun appi successu ri vinnìti a causa ra trama pocu avvincenti, a scarsa pubbricità e la grafica ri scarsu livellu. A culonna sunora du jocu, la cui trama si basa su musical We Will Rock You, è cumposta ra canzuni ru gruppu, cu remix elettronici 'n virsioni strumintali.

I Queen sunnu stati cchiù voti prisenti nto franchise Guitar Hero: na reinterpretazioni ri Killer Queen na l'originali Guitar Hero, We Are the Champions, Fat Bottomed Girls e C-elebrity ri Queen + Paul Rodgers 'n nu track pack pi Guitar Hero World Tour, Under Pressure cu David Bowie 'n Guitar Hero 5 e Bohemian Rhapsody ri Guitar Hero: Warriors of Rock. I quattru cumpunenti ru gruppu sunnu prisenti cchiù voti puru nto franchise Rock Band: nu tack pack ri 10 canzuni ca sunnu cumpatibbili cu Rock Band, Rock Band 2 e Rock Band 3. U gruppu inoltri è cumparsu nto jocu Lego Rock Band; u 13 di uttuviru 2009, May ha cunfirmatu l'idea ri nu capituli ri sta serie interamenti dedicatu a li Queen.

U 20 di marzu 2009, Sony Computer Entertainment pubbricò na virsioni ra serie SingStar cu prutagonisti i Queen; u jocu, ca è dispunibbili pi PlayStation 2 e PlayStation 3 si intitula SingStar Queen e dispuni ri 25 canzuni pi PS3 e 20 pi PS2. We Will Rock You a avutri canzuni ru gruppu ngrisi appàrinu puru 'n Dj Hero.

The Official International Queen Fan Club[cancia | cancia la surgenti]

The Official International Queen Fan Club è u fan club ufficiali ru gruppu, furmatu ne pressi ri Londra nto 1973 e criatu ra Pat e Sue Johnston, pocu dopu a niscuta du primu album du gruppu. I cumpunenti foru assai (circa 20.000 'n tuttu u munnu). I pubbricazioni di la fanzine sunnu trimestrali e dannu nutizzi aggiurnati su gruppu, oggrunu gadget de Queen e talvolta 'n allegatu veni misa na lettera da parti di nu cumpunenti.

Versu a fini ri l'anni uttanta, u fan club iniziò a organizzari convention cu carenza annuali 'n diffirenti posti du Regnu Unitu. Tali incontri spissu eranu occasioni pi ascoltari inediti e registrazioni realizzati da lu gruppu; Mercury scrissi ad esempiu “Have a Nice Day”, accumpagnatu o chianuforti ra Mike Moran. Secunnu u Guinness World Records si tratta du “cchiù duraturu fan club ri nu gruppu rock ò munnu”.

Discugràfia[cancia | cancia la surgenti]

Exquisite-kfind.png Pi sapìrinni cchiossai, vidi puru la vuci Discugrafia dê Queen.


Discu 'n vinili ri The Works.

Album 'n studiu

Album live

Raccolte

Premi e arrìcunuscimenti[cancia | cancia la surgenti]

A stìdda de Queen na l'Hollywood Walk of Fame.

I Queen sunnu tra i gruppi rock ca annu avutu u maggìuri successu cummirciali nnà storia da mùsica; u gruppu vinnìu oltri 150 miliuna ri dischi, cu alcuni stimi 'n eccessu c'arrivanu a 300 miliuna ri album; ri chisti 41 miliuna sunnu stati vinnùti na li Stati Uniti dâ Mèrica, 18, 7 miliuna nto Regnu Unitu, e 11 miliuna 'n Girmania. U gruppu pubbricò 18 album e 18 singuli ca arrìvarunu o 1° postu ne rispettive classifiche, oltri a 10 DVD ca annu avutu nu bonu successu. U sulu Greatest Hits I vinnìu oltri 25 miliuna ri copie 'n tuttu u munnu, ri cui oltri 6 miliuna sulu nto Regnu Unitu, risultannu l'album cchiù acquistatu 'n assolutu nnò paisi, pricirutu ra Sgt. Pepper's Lonely Hearts Club Band ri Beatles; sta raccolta restò 450 simani na classifica ri l'album ngrisi. Nto 2005, secunnu u Guinness World Records, li album de Queen sunnu stati ne classifiche ngrisi ri l'album pi cchià tempu 'n assolutu, cu 1.322 simani, vali a diri oltri 27 anni.

Nto 2001, i quattru cumpunenti ru gruppu, ca figuranu tutti ne classifiche ri megghiù musicisti ra storia da mùsica, trasèru nnà Rock and Roll Hall of Fame ri Cleveland; l'annu successivu u gruppu arrìciviu na stìdda nnà l'Hollywood Walk of Fame, nnà catìguria “Mùsica”, all'innirizzu 6356 ri Hollywood Boulevard Nto 2003, i Queen trasèru nnà Songwriters Hall of Fame, unicu gruppu musicali nzemi ai Bee Gees, mentri nto 2004 trasèru nnà UK Music Hall of Fame. Nto 2005, a performance ri 20 minuti de Queen o Live Aid du 1985 fu vutata ra nu vastu nummàru ri critici a megghìu esibizzioni live da storia. Nto 2007, nu sundaggiu ra BBC decretò i Queen comu u megghìu gruppu rock ngrisi da storia, seguiti da li Beatles. I lettori ri Record Collector misiru u gruppu o 2° postu comu “artisti cchiù cullezzionati” dopu i Beatles e davanzi a Elvis Presley, Led Zeppelin e The Rolling Stones. Nto 2011 u gruppu vincìu u Global Icon Award a li MTV Europe Music Awards 2011.

Bohemian Rhapsody, nto 2002, fu eletta da lu Guinness Book of Records comu u megghìu singulu britannicu ri tutti i tempu, mentri nto 2004 a canzuni trasìu nto Grammy Hall of Fame, seguita nto 2009 ra We Will Rock You e We Are the Champions; st'ultima canzuni fu innìcata da alcuni sundaggi munniali tra i megghiù canzuni ru munnu. Nto 2007, nu sundaggiu ri Q dissi ca u video ri Bohemian Rhapsody è u megghìu ri tutti i tempi, seguitu ra Thriller ri Michael Jackson e Cry Me a River ri Justin Timberlake.

Vuci currilati[cancia | cancia la surgenti]

Àutri pruggetti[cancia | cancia la surgenti]

Commons
Lu Wikimedia Commons havi 'na catigurìa cca conteni media su Queen (gruppu)