A Night at the Opera (Queen)

Dâ Wikipedia, la nciclupidìa lìbbira.
A Night at the Opera
 Artista:  Queen
 Tipu album:  Studio
 Data dâ nisciuta:  21 di nuvèmmiru 1975
 Durata:  43 min : 11 s (album originali)
62 min : 02 s (deluxe edition 2011)
 Nummari ri Dischi:  1
 Nummaru ri tracci:  12 (album originali)
18 (deluxe edition 2011)
 Gèniri:  Art rock
Rock prugrissivu
Hard rock
Glam rock
Arena rock
 Casa discugràfica:  EMI, Parlophone (Europa)
Hollywood Records, Elektra Records (USA)
 Prudutturi:  Roy Thomas Baker e Queen
 Riggistrazzioni:  austu - nuvèmmiru 1975
 Noti:  #1 (Australia)
#1 (Olanda)
#1 (Nova Zilanna)
#1 (UK)
 Album pricidenti:  Sheer Heart Attack
 Album succissivu:  A Day at the Races

A Night at the Opera è u quartu album 'n studiu ru gruppu misucali ngrisi de Queen, pubbricatu 'n furmatu LP nto 21 di nuvèmmiru 1975.

U discu[cancia | cancia la surgenti]

L'album è cunsidiratu ra larga parti ra critica e da li fan de Queen comu u travagghiu cchiù rappresentativu ru gruppu nrgrisi. Vinni registratu 'n divìersi studi: Trident Sarm, Roundhouse, Olympic, Rockfield, Scorpio e Lansdowne Studios, nto Regnu Unitu. Vinni pubbricatu nto Regnu Unitu ra EMI e da Elektra Records na li Stati Uniti dâ Mèrica, pi poi essiri pubbricatu novamenti na li Stai Uniti dâ Mèrica da Hollywood Records nto sittèmmiru 1991. Fu u primu discu de Queen a cui fu datu u discu ri platinu. Arrivò o 4° postu na classifica USA, runni recentementi è statu certificatu comu triplu discu ri platinu (tri miliuna ri copie vinnuti). U titolo di l'album, nzemi a chiddu ru succissivu album A Day at the Races (1976), è ispiratu a dui omonimi film ri frati Marx. I dui album avianu inizalmenti essiri pubbricati nzemi comu album duppiu (prugettu a cui tinia tantu soprattutto Brian May); a casa discugrafica, però, pinzò ca era cchiù prudenti pubbricari i dui travagghia 'n modo separatu pi cuntenìri i costi, vistu ca l'album fu unu ri cchiù custusi a casa ra granni sperimentazioni (vista puru l'aticipità ri contenuti musicali, ca nun davanu certezze no successu ri vinniti). U gruppu vosi jucari cu l'alternanza e a fusioni fra musica rock e musica classica (comu Bohemian Rhapsody).

L'album è unu ri pochi tituli pubbricati nto raru standard DVD-Audio (2002), cu tracci 'n furmatu 96khz/24bit ca garantiscono na resa sunora assai superiori a chidda ri qualsiasi Compact Disc. U 21 di nuvèmmiru 2005, dopu 30 anni ra pubbricazioni ri l'album nisciu u “30 th Anniversary Collectors Edition”, na riedizioni ri l'album cuntinenti, oltre o CD cumpletamenti rimasterizzatu, puru nu DVD cu li tracci audio 'n furmatu DTS 5.1 videoclip, pizzuddicchi ri cuncerti e lu cummentu audio ri cumpunenti ru gruppu.

Nto 2011 l'album fu rimasterizzatu 'n digitali ra Island Records / Universal Records è fu distribuito 'n dui furmati:

  • standard edition, cuntinenti l'album originali
  • deluxe edition 2 CD, cuntinenti l'album originali e nu EP bonus

Tracci[cancia | cancia la surgenti]

  1. Death on two Legs (dedicated to...... – 3:43 (Mercury)
  2. Lazing on a Sunday Afternoon – 1:07 (Mercury)
  3. I'm in Love with my Car – 3:05 (Taylor)
  4. You're My Best Friend – 2:52 (Deacon)
  5. '39 – 3:31 (May)
  6. Sweet Lady – 4:04 (May)
  7. Seaside Rendezvous – 2:16 (Mercury)
  8. The Prophet's Song – 8:21 (May)
  9. Love of My Life – 3:39 (Mercury)
  10. Good Company – 3:23 (May)
  11. Bohemian Rhapsody – 5:55 (Mercury)
  12. God Save the Queen – 1:15 (Tradizional, arr. May)

Durata tutali: 43:11

Bonus tracks (riedizioni CD du 1991 ri Hollywood Records)

  1. I'm In Love With My Car (1991 Bonus remix by Mike Shipley) – 3:28 (Taylor)
  2. You're My Best Friend (1991 Bonus remix by Matt Wallace) – 2:52 (Deacon)

Bonus EP (riedizioni CD du 2011 ri Island Records / Universal Records)

  1. Keep Yourself Alive (Long-Lost Retake, June 1975) – 4:04 (May)
  2. Bohemian Rhapsody (Operatic Section A-cappella Mix) – 1:03 (Mercury)
  3. You're My Best Friend (Backing Track Mix 2011) – 2:57 (Deacon)
  4. I'm in Love With My Car (Guitar & Vocal Mix 2011) – 3:18 (Taylor)
  5. '39 (Live at Earl's Court, June 1977) – 3:46 (May)
  6. Love of My Life (South American Live Single, June 1979) – 3:43 (Mercury)

Durata tutali: 18:51

Death on two Legs (Dedicated to......[cancia | cancia la surgenti]

É a canzuni r'apertura ri l'album, è nu mid-tempu acidu su cui incidi u riff ra chitarra ri Brian May. Na sta canzuni a vuci ri Freddie Mercury è limpida e assai espressiva. Na canzuni, vennu usati paroli assai ruri: sucasangu, magnati, pirucchiusu, spillapicciuli, vecchio ciuco, palluni vunciatu, “morti su dui jamme”.

Lazing on a Sunday Afternoon[cancia | cancia la surgenti]

Dopu u branu r'apertura, c'è sta nica canzuni. A vuci è filtrata facennu pinzari ca nisceva da lu conu di nu grammofono. A differenza ri l'avutri tracci ri l'album, sta canzuni prisenta nu impiantu assai facili e swing. U chianuforti saltellanti, l'atmosfera ri Londra ri fini ottucentu, mettinu a nuru i putinzialità ra vuci ri Freddie Mercury.

I'm in Love with my Car[cancia | cancia la surgenti]

Canzuni 'n stili hard rock cumposta e cantata ra Roger Taylor e dedicata a la so granni passioni pi l'automobbili.

You're my Best Friend[cancia | cancia la surgenti]

Exquisite-kfind.png Pi sapìrinni cchiossai, vidi puru la vuci You're My Best Friend‎.


L'unica traccia ri l'album cumposta ra John Deacon; è decicata a mugghieri Veronica. A canzuni è lu tipicu esempiu ri na pop-ballad rumantica sunata o chianuforti. Pi l'occasioni Deacon sona nu chianuforti elettricu, nun assai amatu ra Freddie Mercury ca rifiutò ri sunarlu lassannu u stissu compitu o bassista.

'39[cancia | cancia la surgenti]

Na caunzi 'n stili folk cumposta e cantata da lu chitarrista ru gruppu, Brian May. U testu, ca nun riguarda eventi ra secunna guerra munniali puru se u titulu po' rimannari a sti eventi, è fantascientificu, infatti parra ri quarchi vuluntariu ca si imbarca pi nu viaggiu spazziali ra duarata ri un annu. Ma, pi effettu ra dilatazioni ru tempu 'n accordo cu la teoria ra relatività ristretta, quannu ritornanu na Terra sunnu passati divìersi seculu o ùora tutti i cristiani ca canuscevanu sunnu morti.

Sweet Lady[cancia | cancia la surgenti]

Avutru branu cumpostu ra May. U pezzu cchiù sfuggenti ri l'interu album forsi picch u menu melodico, ma ri granni putinziali. Unicu veru hard rock ru discu.

Seaside Rendezvous[cancia | cancia la surgenti]

Branu ri curta durata cumposta ra Mercury. É u proseguimentu ri l'atmosfere ottucentesche londinesi ri “Lazing on a Sunday Afternoon”, sta vota traspurtati na Francia ra “belle-epoque”. Alcuni assoli vennu sunati ca vucca facennu finta pi esempiu ri sunari na trumma cu la sordina o chidda ri utilizzari nu kazoo. Sta tecnica fu utilizzata ne live pi la canzuni “Dreamers Ball”.

The Prophet's Song[cancia | cancia la surgenti]

Exquisite-kfind.png Pi sapìrinni cchiossai, vidi puru la vuci The Prophet's Song.


A traccia cchiù ambiziosa ru discu ra quali fa parti ri l'ideali centru. É na mini-suite ra durata ri pocu cchiù ri 8 minuti, scritta e cumposta ra May. Nto menzu ru branu è prisenti na cumplessa parti vucali cantata ra Freddie Mercury, 'n cui a so vuci veni suvraincisa quattru voti 'n modu nun sincronicu. Tecnica già usata ru gruppu na l'album pricirenti (Sheer Heart Attack) cu la canzuni "Brighton Rock", runni o postu ra vuci ri Mercury c'è a Red Special ri May.

Love of My Life[cancia | cancia la surgenti]

Exquisite-kfind.png Pi sapìrinni cchiossai, vidi puru la vuci Love of My Life.


Canzuni r'amuri cumposta ra Mercury e dedicata a so zita. U tema principali è nu giru ri accordi pi chianuforti, cu diviagazioni ri chitarra elettrica, è cu Brian May ca pi l'occasioni sona l'arpa; u tuttu cunzatu da lu falsetto ri Mercury e da li cori.

Good Company[cancia | cancia la surgenti]

Ultima canzuni ri l'album cumposta ra May, ra iddu cantata. U testu è basatu ncapu a storia tristi ri nu buffuni ri strata ca racconta i so sventuri sunannu nu ukulele. Brian May, travagghiannu cu i registri ra so Red Special, sona tutti i parti ca parinu affidati o clarinetto e a li ottoni 'n generali.

Bohemian Rhapsody[cancia | cancia la surgenti]

Exquisite-kfind.png Pi sapìrinni cchiossai, vidi puru la vuci Bohemian Rhapsody.


A traccia cchiù famusa ri l'album e tra li cchiù noti ru gruppu. Cumposta ra Mercury, è una ri canzuni cchiù rappresentativi ra musica rock. U branu si rapi cu nu coru surriali (vuci ri Mercury suvra-ncisi), pi poi lassari u postu a na ballata ri chianuforti, vuci e bassu elettricu, a cui 'n seguitu si agghiuncirannu batterie e chitarra. Dopu nu cumplicatu assulu ri chitarra, avi iniziu a parti operistica ra canzuni. A seguiri quarchi secunnu ri puru hard rock, ca chianu chianu sparisci pi lassari spazziu o tema principali ra canzuni, ca finisci cu nu coru. Na sta traccia s'arriminanu vari stili: a pop musica ri l'epoca, u rock prugrissivu e la pumposità tipica ru gruppu.

God Save The Queen[cancia | cancia la surgenti]

Traccia ri chiusura ri l'album, è nu adattamentu ri l'innu nazziunalu ngrisi a chitarra ri May ca è accumpagnata versu a fini da li timpani sunata ra Taylor.

Bonus DVD (30th Anniversary Collectors Edition)[cancia | cancia la surgenti]

Chista ca segue è a lista ri video ca è stata misa nto DVD nisciutu nzemi a virsioni rimasterizzata ri l'album u 21 di nuvèmmiru 2005. Nzemi a sta lista sunnu prisenti puru nu video 'n cui u gruppu raccunta i registrazioni ri l'album e n'avutru video runnui vennu ammustrati i testi ri canzuni nto schermo.

  1. Death on Two Legs - Performance live ra canzuni
  2. Lazing on a Sunday Afternoon - Galliria fotugrafica runni vennu ammustrati alcuni immagini inediti ru gruppu.
  3. I'm in Love With My Car - Performance live ra canzuni
  4. You're My Best Friend - Video promozzionali ra canzuni
  5. '39 - Video ri n'esibizzioni ra canzuni cantata ra Brian May a Sheffield nto 2005.
  6. Sweet Lady - Performance live ra canzuni
  7. Seaside Rendezvous – Video c'ammustra paesaggi ri mari.
  8. Prophets Song - Performance live ra canzuni.
  9. Love of My Life - Performance live ra canzuni.
  10. Good Company - Video cu immagini pigghiati da l'archivio video de Queen.
  11. Bohemian Rhapsody - Video promozzionali ra canzuni.
  12. God Save the Queen - Performance live ra canzuni.

Singuli e Videoclips[cancia | cancia la surgenti]

  1. Bohemian Rhapsody
  2. Love Of My Life
  3. You're My Best Friend