Love of My Life
| Love of My Life | ||
|---|---|---|
| Artista: | Queen | |
| Tipu album: | 7" sìngulu | |
| Data dâ nisciuta: | 21 di nuvèmmiru 1975 | |
| Durata: | 3 min 39 s | |
| Album di pruvinenza: | A Night at the Opera | |
| Gèniri: | Soft rock | |
| Prudutturi: | Roy Thomas Baker, Queen | |
| Noti: | x | |
| Cumpusituri: | Freddie Mercury | |
| Casa discugràfica: | EMI/Parlophone (Europa) Elektra Records, Hollywood Records (USA) | |
| Singulu pricidenti: | Jealousy | |
| Singulu succissivu: | Crazy Little Thing Called Love | |
Love of My Life è na canzuna dû gruppu ngrisi dî Queen, ca fa parti di l'album A Night at the Opera, dû 1975.
La canzuna fu scritta di Freddie Mercury pi Mary Austin, cu la quali ebbi na stòria pi longu tempu nnî primi anni sittanta.
Na virsioni dû studiu fu usatu lu chianuforti sunatu di Freddie Mercury cu na vuci chiu duci e cu l'usu dû fausettu, na stissa virsioni Brian May sona n'arpa (iddu dissi: “Quannu turnavu a casa doppu â riggistrazzioni avìa i caddi nnî jìdita picchì li cordi eranu duri”). Diversa è mmeci la virsioni dû live unni Brian May sona na chitarra acùstica, abbassannu di circa 2 toni e menzu a canzuna, nna stu modu Freddie Mercury nun putìa usari lu fausettu.
Love of My Life fu na canzuna mpurtanti pi lu gruppu nnî spittàculi pa participazzioni ru pubblicu (spissu si firmàvanu mùsica e vuci pi lassari cantari lu pùbblicu). Sta canzuna fu lu cavaddu di battagghia dî Queen duranti li spittàculi, ca durau finu a Knebworth, ntô 1986, l'annu 'n cui lu gruppu finìu di cantari live cu Freddie Mercury. Lu spittàculu cchiù famusu è chiddu dû tour nta l'Amèrica dû Sud 1981, lu pùbblicu sud amiricanu cantau la canzuna prununziannu li paroli sempri 'n pirfettu ngrisi, cosa ca lu gruppu riceva sempri nnì ntirvisti, duranti lu Rock in Rio dû 1985, 325.000 pirsuni cantaru li paroli dâ canzuna, cu Freddie ca si cumpurtau comu nu diritturi d'orchestra. La canzuna fu pi nu annu chinu ô 1° postu nnâ classìfica di l'Argentina.
Àutru[cancia | cancia la surgenti]
Duranti lu viaggiu dâ navetta spazziali Columbia, l'astrunauta israilianu Ilan Ramon spiò di fari sunari sta canzuna, duranti la canzuna l'astrunauta dissi: “Nu bon jornu spiciali a me mugghieri Rona, amuri dâ me vita”. Ramon e l'interu equipaggiu di lu Space Shuttle mureru picca dùoppu, duranti lu ritorno nnâ Terra, ntô 2003.