Keep Yourself Alive

Dâ Wikipedia, la nciclupidìa lìbbira.
Keep Yourself Alive
Artista:  Queen
Tipu album:  7" sìngulu
Data dâ nisciuta:  6 di giugnettu 1973 (UK)
9 di uttuviru 1973 (USA)
Durata:  3 min 47 s
Album di pruvinenza:  Queen I
Gèniri:  Hard rock, Glam rock, Rock
Prudutturi:  Roy Thomas Baker, Queen
Noti:  Pubblicatu comu double a-side nzemi a "Son and Daughter"
Cumpusituri:  Brian May
Casa discugràfica:  EMI (UK)
Elektra (USA)
Singulu pricidenti:  -
Singulu succissivu:  Liar


Keep Yourself Alive è na canzuna dî Queen, scritta di Brian May e pubbricata comu primu sìngulu nnô discu Queen I1973, primu album di lu gruppu. Fu pubbricata 'n virsioni sìngulu, cu la b-side "Son and Daughter", lu 6 di giugnettu 1973 'n Europa e u 9 di uttùviru 1973 nnî Stati Uniti.

La canzuna[cancia | cancia la surgenti]

Brian May scrissi la canzuna doppu ca lu gruppu si era già furmatu, ma prima ca John Deacon si fussi unitu ô gruppu (stu fattu è canusciutu grazzi a Barry Mitchell, pricidenti bassista dû gruppu). Secunnu a zoccu dissi May 'n nu spiciali â radio pi l'album News of the World, iddu avìa scrittu lu testu dâ canzuna pinzannu 'n senzu irònicu, quannu fu cantata di Freddie Mercury lu senzu dâ canzuna canciò cumpritamenti.

Fu dittu di quarchi fan ca Mercury putìa aviri aiutatu May pi quantu riguarda la scrittura dâ mùsica, basànnusi supra lu fattu ca èranu 'n clima cchiù cullabburativu nnî jorna prima di riggistrazzioni. É pussìbbili ca Mercury aiutò May cu tanti idìi pi la scrittura dâ mùsica dû branu (li canci di tunalità e la furma allargata sunnu nnô so stili, chiuttosto ca 'n chiddu di May), si penza pirò ca Mercury appi nu rolu di co-arrangiaturi ca cci duna co-auturi.

Riggistrazzioni[cancia | cancia la surgenti]

La prima virsioni di Keep Yourself Alive, riggistrata a li De Lane Lea Studios, risali a l'astati1971. Fu prudutta di Louie Austin e cumprenni na ntroducimentu di Brian May, sunata câ so chitarra acùstica. Tutti l'elimenti dâ canzuna èranu già prisenti. Sta virsioni demo arresta chidda prifiruta di Brian May

Nzècutu, quannu si trattò di travagghiari â virsioni difinitiva pi l'album apressu li Trident Studios, li Queen tintaru di prudùciri nnô stissu modu Keep Yourself Alive. La virsioni ammiscata di Mike Stone fu l'ùnica accittata dû gruppu e l'ùnica pubbricata comu sìngulu.

Nna sta nova virsioni l'armunìi vucali nnî cori sunnu tutti ri Freddie Mercury ('n multi-tracking), mentri Brian May la diffirenza di riggistrazzioni pricidenti e di live 'n cui puru sta parti è eseguita di Mercury- canta lu versu “No, I just think I'm two steps nearer to my grave”; lu versu pricidenti (“Do you think you're better every day?”) è mmeci cantatu di Roger Taylor.

Nna sta riggistrazzioni nun veni utilizzata la chitarra acùstica, mentri na trascrizzioni pi chitarra pubbricata dâ EMI sunnu prisenti armenu 7 parti di chitarra lèttrica, ognuna di quali usa nu nutèvuli effettu di phasing.

Pubbricazzioni[cancia | cancia la surgenti]

La EMI pubbricò Keep Yourself Alive comu sìngulu ntô Regnu Unitu lu 6 di giugnettu 1973, una simana prima dâ nisciuta di l'album Queen I. Picca misi doppu, lu 9 di uttùviru, l'Elektra Records lu pubbricò nna li Stati Uniti. Pirò la canzuna fu passata assai pocu nnâ radio, passannu nun assirvata sia nnô Regnu Unitu ca nnî Stati Uniti dâ Mèrica. Pari ca succidìi d'accussì a causa dû ntroducimentu râ canzuna, essennu troppu lòngu pâ radio.

Lu sìngulu appi cchiù successu quarchi annu doppu, quannu fu pubbricata nna nova virsioni (chiamata “Long-Lost Retake”) lu 15 di giugnettu 1975 nnî Stati Uniti, cu "Lily of the Valley" e "God Save the Queen" misi comu b-side. Sta nova virsioni dâ canzuna arristau nun pubbricata ntô album finu ô 2011, quannu fu misu comu bonus track nna l'edizzioni deluxe di l'album A Night at the Opera.

Performance live[cancia | cancia la surgenti]

Li Queen, doppu â furmazzioni, agghiunceru sùbbutu Keep Yourself Alive â scaletta dî cuncerti. Mercury dissi ca lu branu “era nu òttimu modu pi spricari â genti cosa stàvanu facennu li Queen na ddù pirìudu”. La virsioni live cumprinnìa nu versu cantatu di Roger Taylor e nu so assolu di battirìa; Mercury di sòlitu cantava lu versu “all you people keep yourself alive” ô postu di “it'll take you all your time and a money honey you'll survive”, dittu cchiù voti nnâ virsioni cuntinuta nna l'album.

La canzuna fici parti dâ scaletta dû gruppu finu a li primi anni uttanta. Nnî tour1980 e 1981 li Queeen sunàvanu, prima di l'accuminzata dâ canzuna, na jam session mpruvisata, poi chiudìanu cu nu assolu di chitarra di Brian May, prima di chiùdiri cu finali di "Brighton Rock" o cu nu medley di Flash (Battle Theme, Flash e The Hero).

Lu branu, doppu èssiri fora dâ scaletta di Hot Space Tour (1982), fu ammittutu pi la prima vota live dû gruppu 'n occasioni dû The Works Tour (1984-1985), comu parti di nu medley di vecchi brani, nzemi a Somebody to Love, Killer Queen, Seven Seas of Rhye e Liar.