I Was Born to Love You
| I Was Born to Love You | ||
|---|---|---|
| Artista: | Freddie Mercury | |
| Tipu album: | 7" síngulu | |
| Data dâ nisciuta: | 8 di aprili 1985 | |
| Durata: | 3 min 40 s | |
| Album di pruvinenza: | Mr. Bad Guy | |
| Gèniri: | Pop rock | |
| Prudutturi: | Queen, Reinhold Mack | |
| Noti: | Pubbricatu comu A-side di “Stop All the Fighting” | |
| Cumpusituri: | Freddie Mercury | |
| Casa discugràfica: | CBS | |
| Singulu pricidenti: | Love Kills | |
| Singulu succissivu: | Made in Heaven | |
I Was Born to Love You è na canzuna di Freddie Mercury, scritta dû cantanti e pubbricata comu primu síngulu nnô discu Mr. Bad Guy, primu album sulista dû cantanti, dû 1985. Fu pubbricata comu síngulu u 8 di aprili 1985 cu la b-side “Stop All the Fighting”.
La canzuna fu poi misa nnô quinnicèsimu e úrtimu album dî Queen, Made in Heaven, dû 1995.
La canzuna[cancia | cancia la surgenti]
Dopu la morti di Mercury, li cumpunenti dî Queen fíciru nu remix dâ canzuna pi lu album Made in Heaven dû 1995, avennu fattu l'àutri cumpunenti li parti strumintali supra la traccia urigginali. Sta virsioni prisenta la canzuna nta na chiavi assai rock rispettu l'urigginali, ca Freddie vosi mintiri 'n attu cu nu accumpagnamentu disco. Facirmenti, siddu li Queen avíssiru ncisu la canzuna quannu Freddie era ancora vivu, la canzuna avissi avutu stu tipu di arrangiamentu, tuttavia, fu nziritu quarchi estrattu vucali di canzuna A Kind of Magic e Living on My Own. La canzuna avía a èssiri misu nna l'album The Works dî Queen, ma lu gruppu lu scartò, quinni Freddie pigghiò la canzuna e la misi nna so prima òpira sulística.
Vidiu clip[cancia | cancia la surgenti]
Lu vidiu pi la virsioni di l'album sulista di Freddie Mercury fu direttu di David Mallet e giratu pressu l'ormai dimulitu Limehouse Studios di Londra, unni si vidi Freddie cantari davanzi ôn muru di specchi, poi attraversa na casa cu na fímmina scanusciuta (Debbie Ash), prima d'abballari supra nu podiu. Nnô vidiu Freddie è vistutu cu na bunaca janca, chidda ca poi, cu quarchi mudifica, sarà la clàssica bunaca giarna dû cuncertu dû Wembley Stadium. Lu vidiu pi la virsioni di l'album Made in Heaven fu direttu di Richard Heslop pi lu British Film Institute. Lu vidiu prisenta abbitanti di nu bloccu di casi pupulari, ca ammustra genti di ogni dirizzioni sissuali. Coppii chi si vàsanu, picciriddi jucannu, e picciotti ca ròbbanu e scàssanu na màcchina 'n nu film 'n jancu e níuru.