These Are the Days of Our Lives

Dâ Wikipedia, la nciclupidìa lìbbira.
These Are the Days of Our Lives
 Artista:  Queen
 Tipu album:  Singulu
 Data dâ nisciuta:  5 di sittèmmiru 1991 (prima edizioni)
9 di dicèmmiru 1991 (secunna edizioni)
 Durata:  4 min 15 s
 Album ri pruvinenza:  Innuendo
 Gèniri:  Pop rock, Soft rock
 Prudutturi:  Queen, David Richards
 Noti:  Pubblicatu comu double a-side nzemi a Bohemian Rhapsody

#1 (Irlanda, Polonia, Portogallo, UK)
#2 (Olanda, USA)
#5 (Australia)
#8 (Austria)
#15 (Francia)
#16 (Girmania)
 Cumpusituri:  Roger Taylor
 Casa discugràfica:  Parlophone (UK)
Hollywood Records (USA)
 Singulu pricirenti:  The Show Must Go On
 Singulu succissivu:  Heaven for Everyone

These Are the Days of Our Lives è na canzuni de Queen, scritta ra Roger Taylor e pubbricata comu ottavu singulu no discu Innuendo du 1991. A canzuni fu pubbricata nu jornu ru 45° cumpliannu ri Freddie Mercury, u 5 di sittèmmiru ru 1991 e comu doppiu A-side no Regnu Unitu, u 9 di dicèmmiru, dopu la morti ri du cantanti, nzemi a Bohemian Rhapsody. U singulu arrivò o 1° postu na classifica ngrisi e arristò o primu postu pi 5 simani. A canzuni fu primiata comu u megghiu singulu ngrisi a li BRIT Awards du 1992.


« «Roger accuminciò a scriviri These Are the Days of Our Lives, parrava ri figghi, ri comu sinteva a vita, ri comu i cosi ti ritornanu, ma ovviamenti na ddu cuntestu a canzuni aviu n'avutru significatu.» »


Armonicamenti e strutturalmenti, è una ri cchiù semplici canzuna ru gruppu. Conga e percussioni furunu registrati ra David Richards (no videoclip ra canzuni vennu sunati ra Roger Taylor). Fu l'ultima canzuni registrata normalmente da lu gruppu (l'ultimi 3 foru registrati sulu dopu la morti ri Freddie, ca registrò sulu a parti vucali ne sessioni successivi a chiddi ri Innuendo, venennu nseriti na l'album Made in Heaven.

Videoclip[cancia | cancia la surgenti]

« «Si senti ca vuci è cchiù sottili, si senti ca è a vuci di nu omu malatu, puru si pigghia tutti i noti... Era assai malatu, era spaventoso, fu na cùosa curaggiusa da fari.» »


Chiddu ri These Are the Days of Our Lives, fu l'ultimu video fattu cu Freddie Mercury ancùora vivu, ca si truvava na fasi finali ra so battagghia cu la gravi malatia ri l'[AIDS]]. I riprese foru fatti u 30 di maiu 1991, 6 misi prima ra morti ri Mercury; un fa mia pubbricatu prima ra morti ru cantanti picchì, da lu mumentu ca Mercury un vulia fari sapiri ru so statu ri saluti a li jurnalisti, u video fu pubbricatu sulu dopu a so morti. No video, pi l'ultima vota nzemi, cumparinu tutti i 4 cumpunenti ru gruppu 'n ricordo ri beddi tempi passati nzemi. U video fu giratu 'n jancu e nivuru, pi ammucciari i signa lassati a Freddie da l'AIDS.


« «Passava ure e ure o truccu pi essiri prisintabili, pi Freddie, dda canzuni fu na speci ri addiu.» »


Nto 2007, 'n occasioni ra data ru 61° cumpliannu ru cantanti, iniziarunu a circolari alcuni making of ru video a culuri, mittennu ancùora cchiù 'n mostra a fragili cunnizziuni ri saluti ca Mercury purtava a li tempi (giustificannu, accussì, a scelta ri fari u videoclip 'n jancu e nivuru, 'n rispettu ru cantanti). Roger Taylor dissi ri comu Freddie avissi fortemente volutu na documentaziuoni visiva ri quantu fussi malatu, nonostanti l'avutri cumpunenti ru gruppu fussiru cuntrari all'idea. Pi lu cantanti, fu u video cchiù dulurusu da registrari na so intera carriera, da lu mumentu ca pi iddu puru caminari era assai dulurusu e, infatti, no video rimani quasi fermu. A fine ru video, Mercury scumpari dopu nu primu pianu commuventi, cu sennu ri poi, alluntanannusi da li fan dicennu «I still love you» (Vi amu ancùora).

Na li Stati Uniti dâ Mèrica fu misu 'n cummercio nu video alternativo a l'inizi du 1992, pi promuoviri a niscìuta da raccolta Classic Queen. Na sta versioni sunnu prisenti alcuni filmati ri animazioni, realizzati ra Walt Disney Studios e immagini ru clip originali (era a secunna vota ca lu gurppu facia usu ri filmati animati ; u pricirenti era statu cu Save Me nto 1980).

Performance live[cancia | cancia la surgenti]

A canzuni fu sunata live no misi ri aprili ru 1992 o Freddie Mercury Tribute Concert, cantata ra George Michael e Lisa Stansfield. Sta versioni live fu misa na l'EP Five Live du 1993, vinennu accreditata a “George Michael cu i Queen & Lisa Stansfield”. A canzuni fu sunata puru diversi voti da li Queen + Paul Rodgers no piriodu 2005/2006, vinennu cantata pi l'occasioni da Roger Meddows-Taylor. No palco, i noti ra canzuni venivano accumpagnati ra nu video ca mustrava u gruppu ne so primi jorni 'n Giappuni. A canzuni fu sunata puru l'1 di giugnettu 2007, 'n occasioni ri 10 anni ra morti ri Lady Diana, o novu Wembley Stadium ri Londra. A canzuni fici ra culonna sunora a nu video 'n cui eranu muntati alcune fotu ri Diana picciridda.