Funk

Dâ Wikipedia, la nciclupidìa lìbbira.
Funk
 Urigini stilistiche:  Gospel
R&B
Jazz
Soul
Rock psichedelicu
Blues
 Urigini culturali:  Na li Stati Uniti dâ Mèrica nnà fini di li anni sissanta
 Strumenti tipici:  Vuci
Chitarra elettrica
Bassu
Batteria
Strumenti a ciatu
organu Hammond
Tastiera
sintetizzaturi
 Pupularitati:  Diffusu 'n tuttu u munnu, appi massima pupularitati na li anni sittanta, sopratuttu na li Stati Uniti dâ Mèrica.

Funk è nu termìni cuniatu na li Stati Uniti dâ Mèrica na li anni cinquanta, pi innìcari di li caratteristiche ritmiche e sunori prisenti 'n divìersi ambiti musicali. Inizialmenti u termìni fu usata nto jazz pi innìcati nu approcciu musicali rudi e libbìru ra sufisticazioni, lijari a lu blues, cu riff ripetitivi e cu nu ritmo incalzanti. 'N seguitu l'aggettivu funky fu utilizzatu sempri cchìu puru 'n avutri ambiti musicali comu u soul e lu R&B.

U significatu du vocabbulu funk (u u so aggettivu funky) nnò slang di li afrumèricani innìca generalmenti nu cattivu ciauru, comu u ciauru di nu corpu 'n statu di eccitazioni, e pi estensioni putia significari “sexy”, “sporcu”, “attraenti” ma puru “autenticu”, cioè uriginali e libbìru ra inibizioni.

Storia[cancia | cancia la surgenti]

James Brown, u funnàturi du funk.

Dopu li album ri James Brown, (u criaturi du funky, ispiratu da lu so sassofonista Maceo Parker), Papa's Got a Brand New Bag (1965), I Got You (1966) e Sex Machine (1970), s'accùminciò a cunsidirari u funk comu nu veru e propriu gèniri musicali. U termìni fici a so cumparsa ufficiali 'n ambitu rock 'n nu branu du 1967 ri “Dyke and the Blazers (Funky Broadway).

George Clinton è giniralmenti cunsidiratu u principali innuvaturi du funk. Cu i so gruppi Parliament e Funkadelic accùminciò a esibirisi na li anni sittanta difinennùsi u “sacirdoti di la riliggiuni di la giungla e di la strata” nata pi libbìrari li umani da li forzi negativi di nu munnu sìenza funk, invintannù u gèniri “P-funk”, c'assunsi u significatu di “Parliament - Funkadelic”, u funk a la massima putenza, na la so forma cchiù pura. Artisti lihati a George Clinton sunnu sicuramenti dui avutri granni patri du P-Funk, u bassista Bootsy Collins, ca fici parti sia di lu gruppu ri James Brown (nnà lu gruppu The JB's) sia nnè Parliament-Funkadelic, e Roger Troutman cu i so Zapp & Roger, purtannu a la nutorietati munnìali u “talkbox”, nu mudificaturi di vuci prima utilizzatu sulu 'n cullegamentu a di li chitarri da gruppi rock, ddà li 'n poi inveci culligannuli da nu latu a nu sintetizzaturi e dall'avutru a la vucca, criannu nu sonu magicu.

George Clinton, l'innuvaturi du funk.

Na li anni sittanta u gèniri sviluppò i tratti caratteristici ca lu cuntraddistingunu ancùora ùora: linii ri bassu incalzanti e ripetitivi (esemplari chiddi du bassista di Sly Stone, Larry Graham, criaturi di la tecnica slap); riff ri chitarra elettrica tagghìenti e sincupati, nutriti sizzioni ciati e ballabilitati di brani, cu largu spazziu a li brani strumintali e a li assuli. Na li anni sittanta e uttanta u funk s'arrìminò cu la disco music cu gruppi comu Earth, Wind & Fire, Kool & The Gang, Jackson Five e Brand New Heavies. Nto jazz a partìri da la fini di li anni sissanta u termìni funky pigghìo a innìcari prima alcuni travagghì jazz misculiati cu funk e lu blues (hard pop) a esempiu certi canzuni ri [[Horace Silver] o Blue Mitchell, nonché Lee Morgan è 'n seguitu, cchiù 'n ginirali, nu stili nfluinzatu da lu funk anni sittanta e da lu rock, da alcuni definitu jazz-funk (Miles Davis, Herbie Hancock, George Duke, George Benson, Stanley Clarke). Nnà l'usu comuni impropriamenti i termìni jazz rock, fusion e funky sunnu poi addìvintati sinonimi.

Dopu li anni uttanta l'inafferabili funk s'arrìminò cu avutri gèniri e ispirò i musicisti cchiù disparati. U P-Funk è a la basi di la nascita du West Coast Rap, artisti comu li N.W.A., DJ Quik, Too $hort e tutti i patri du Gangsta rap si sunnu infatti ispirati al li sunoritati soprattuttu ri George Clinton e Roger Troutman.

L'influenzi funky di la mùsica soul e di la mùsica disco nto jazz purtaru a la genisi di l'acid jazz, gruppi comu Jamiroquai e James Taylor Quartet ammùstranu chiari influssi funk.

U funk, junciutu a li primi spirimentazioni elettroniche di li anni sittanta e a la disco music dettìru contributu a dari vita a lu gèniri house da li manu ri prudutturi comu Frankie Knuckles, Larry Levan e avutri, gèniri, addìvintatu u cchiù ballatu na li ultimi 30 anni e ca avi a ssò vota rivuluzziunatu u munnu di la mùsica, dannu u via ad assai avutri gèniri ùoggi classificatusi sutta u nomu electronic dance music (EDM).

Si po' diri ca u funk nasciu comu aggittivu pi definiri quarchi caratteristica musicali esistenti, si mudificò a gèniri autonomo na li anni sittanta e uòggo è sustanzialmenti turnatu a la so funzioni di aggittivu, pi caratterizzari alcuni specificitati di gèniri comu l'acid jazz, l'hip hop e lu funk rock, oppuri semplicementi nnè nomu di qaurchi gruppu musicli, comu ad esempiu i Planet Funk.