We Will Rock You
| We Will Rock You | ||
|---|---|---|
| Artista: | Queen | |
| Tipu album: | 7" sìngulu | |
| Data dâ nisciuta: | 7 di uttùviru 1977 | |
| Durata: | 2 min 01 s | |
| Album di pruvinenza: | News of the World | |
| Gèniri: | Hard rock, Arena rock, Glam rock | |
| Prudutturi: | Queen | |
| Noti: | Pubblicatu comu double a-side nzemi a We Are the Champions #1 (Francia, Nova Zilanna) #2 (Regnu Unitu, Ulanna) #3 (Canadà, Irlanda) #4 (USA) #11 (Australia) #12 (Austria) #13 (Girmania) #72 (Giappuni) | |
| Cumpusituri: | Brian May | |
| Casa discugràfica: | Elektra | |
| Singulu pricidenti: | Long Away | |
| Singulu succissivu: | Spread Your Wings/Sheer Heart Attack | |
We Will Rock You è na canzuna dî Queen scritta di Brian May e pubblicata comu branu d'apirtura di l'album dû 1977 News of the World.
L'arrangiamentu è basatu supra nu battitu rittimmatu di pedi e manu, lu riturnellu principali pò èssiri paragunatu a nu innu. Nnî spittàculi live, veni spissu siguita di We Are the Champions, dû stissu album. La canzuna nascìu comu branu hard rock, scrittu di May, cu nu duru riff nizziali e nu ntramezzu di bassu. Nu jornu, pruvànnula 'n studiu, Roger Taylor si misi a cantari battennu li manu, accussi niscìu fora sta sorta di innu. La virsioni urigginali fu proposta dû gruppu nni performance live spiciarmenti comu apirtura nnî spittàculi finu ô 1982.
We Will Rock you e We Are the Champions foru scritti spirànnusi a n'abbinimentu dû 1977, duranti nu spittàculu ô Stafford Bingley Hall, Brian May dissi: “L'atmusfera era fantàstica, tutti satàvanu facìanu casinu e cantàvanu nzemi a nuàutri, pi ddi tempi era na cosa nova, nnî spittàculi rock nun è lu pùbblicu ca canta pi lu gruppu, ma nna dda uccasioni nun si firmaru, quannu lassammu lu palco, accuminciaru a cantari “You'll Never Walk Alone”, jivu a dormiri pinzannu ô pubblicu e la cosa putìssiru fari, èranu tutti dda dintra, nun putìanu fari assai, putìanu sbattiri li pedi, bàttiri li manu e cantari. Accussì m'arruspigghiavu cu “We Will Rock You” nna testa”.
Lu battitu di pedi fu riggistratu nta na vecchia cresia, cu nu pavimentu di lignu. Brian Mai dissi: “ Pi puru casu c'èranu dî tavuli unni riggistràvamu e pinzai ca era propriu chiddu lu sonu ca vulìa. Supra-ncidummu chiossai voti finu a uttèniri lu sonu di na massa di pirsuni ca battìa li pedi e li manu comu si fùssiru a nu granni spittàculu”.
Ntô 2009 “We Will Rock You” trasìu nnô Grammy Hall of Fame.
Cover[cancia | cancia la surgenti]
Di sta canzuna stòrica sunnu stati rializzati na dicina di cover. Lu stissu gruppu dî Queen cantau la canzuna We Will Rock You cu Axl Rose ô Freddie Mercury Tribute Concert dû 1992. Ntô 2000, li Queen (senza John Deacon) riggistraru arreri na virsioni dâ canzuna 'n stili rap cu la boy band dî 5ive, arrivannu ô 1° postu nnî classìfichi di vinnuta ngrisi. Àutri cover famusi sunnu chiddi di Robbie Williams e di Chad Kroeger dî Nickelback.
'N 'Till I Collapse di Eminem nni l'album The Eminem Show, è prisenti lu battutu di pedi.
La canzuna di Queen, sparti, è prisenti comu culonna sunora nnô filmatu ntraducimentu dû jocu caucìsticu Pro Evolution Soccer 2.