Roger Meddows-Taylor

Roger Meddows-Taylor, megghiu notu comu Roger Taylor (King's Lynn, 26 di giugnettu 1949), è nu musicista ngrisi. È famusu picchì è u batterista ru gruppu ngrisi Queen. Fu granni amicu ru so cumpagnu ri gruppu Freddie Mercury, canosciutu ne tiempi ra scùola. A rivista Rolling Stone u misi nnu 55° postu na classifica ri megghiu batterisiti ri tutti i tempi.

Biografìa

Roger Taylor si lauriò in Biologia, s'avvicinò o munnu ra mùsica duranti a picciuttanza a Truro, cantannu nu coro ra chiesa. Un jornu vitti nu so cucinu sunari a chitarra e decisi ri imparari a sunari chistu strumentu. Accumiciò a sunari l'ukulele, poi formò na sorta ri gruppu a soli 8 anni chiamatu “Cousin jack” runni sunò a chitarra, ma chistu gruppu rurò picca e Roger capiu ri essiri chiu adattu a sunari a batteria, no natali ri lu stessu annu riciviu comu rigalu ra so patri a so prima batteria e accuminciò a sunari in quarchi gruppu. Ntô 1967 'n amicu ri Taylor liggiu supra na bacheca 'n annunciu ca riceva ca si circava un batterista stili Ginger Baker/Mitch Mitchell. L'amicu avvisò Roger ca avia truvatu u nummaru ra chiamari supra l'annunciu e a chiamata arrispunniu Brian May. Si unciu accussì (comu batterista) a Brian May e Tim Staffell pi criari u gruppu Smile. Nnà primavera du 1970, Tim Staffell lassò u gruppu. No stessu annu, Brian e Roger truvarunu in Freddie Mercury u partner giustu pi sfunnari no munnu ru rock e funnarunu u gruppu ri "Queen" (nomu scelto da lu stissu Mercury). Ntô 1971 John Deacon si unciu a lu gruppu.

Oltre a so parti ri batterista, Roger scrissi divìersi canzuni comu "I'm in Love with My car" (cantata ra iddu), Radio Ga Ga, A Kind of Magic, These Are the Days of Our Lives, The Loser in the End.

Comu sulista esordì cu nu singolo, ntô 1977, cantannu n'antica canzuni ri The Parliaments, I Wanna Testify, cu arrangiamentu e parti di lu testo originali. Taylor accreditò a canzuni a Clinton/Taylor. È probabbili ca iddu vulissi diri “George Clinton” e “Daron Taylor”. I royalties ra so versioni verranu comunque accreditati o stessu Roger Taylor pi via ri forti diffirenze ri dui canzuni.

Duranti a permanenza cu i Queen, ntô 1987 Roger criò un avutru gruppu musicali, The Cross, ri cui è chitarrista e cantanti, realizzannu 4 album. In tutti li album ri stu gruppu, tranni ca in Shove It, Roger nun sona mai u so strumentu, a batteria.

Ntô 2009 pubblicò u singolo The Unblinking Eye, cu la quali prutesta contru u cuvernu ngrisi pa permanenza di li truppi (puru chiddi nun ngrisi) ne guìerre comu chidda 'n Afghanistan.

U 3 uttuviru 2010 Roger Taylor si maritò cu Sarina Potgieter, già cumpagna ra 7 anni, cu na cerimoni tinuta no jardinu da loro casa no Surrey.

U 12 di austu 2012 partecipò a cerimonia ri chiusura ri jòcura olìmpici, sunannu "Brighton Rock" e We Will Rock You cu Brian May e Jessie J..

U stili

Nzemi a John Deacon, bassista ri Queen, all'iniziu ra so carriera era chiamatu “The Sonic Volcano” (“U vulcano ru suono”). Nzemi fornivano na basi ritmica assai solida runni si puteva custruiri qualsiasi canzuni. Unu ri tratti distintivi è l'aumintari ru colpo ri rullati nu secunnu e no quartu quarto ra miura, rapennu e chiuennu l'hihat 'n maniera veloci.

Utilizza da sempri a endorser ra Ludwig, da lu 1988 usa u set ra Ludwig di culuri aciru naturali: unicu pezzu “non-Ludwig” e na grancassa (na Sleishman, ca usò no discu Made in Heaven).

Roger Taylor sona cu li bacchette o cuntrariu, pigghiannuli ra parti ra punta.

Discugrafia

Album cu i Queen

Pi sapìrinni cchiossai, vidi puru Discugrafia dê Queen.

Album da sulista

Fun in Space (1981)
Strange Frontier (1984)
Happiness? (1994)
Electric Fire (1998)
Fun on Earth (2013)

Album cu i The Cross

Shove It (1988)
Mad Bad And Dangerous To Know (1990)
Blue Rock (1991)

Talìa puru

Aùtri pruggetti

Commons

Lu Wikimedia Commons havi 'na catigurìa cca conteni media su Roger Meddows-Taylor

Lijami sterni