Parlophone

Dâ Wikipedia, la nciclupidìa lìbbira.

Parlophone è na tichitta discugrafica funnata 'n Girmania nto 1896 ra Carl Lindstrom comu Parlophon; a denominazzioni fu canciata sulu nto 1927, dopu l'acquistu ra parti di la Columbia.

U simmùlu di la tichitta discugrafica nun è chidda ra sterlina (£), ma chiddu ra L ca sta pi Lindstrom.

Storia[cancia | cancia la surgenti]

All'inizziu l'azienda nun si occupava ri distribuiri dischi, ma grammofoni. Nto 1923 a divisioni ngrisi di la Parlophone fu attivata e addìvintò 'n brevi tìempu na tichitta curanti sopratuttu a mùsica jazz.

Nto 1927 a Columbia britannica rilevò u controllu di la Parlophon e nto 1931 a Columbia si funnìu cu la Gramophone pi funnari l'Electric & Musical Industries Ltd (EMI)

Tichitta di la British Parlophone, anni '30

Sutta l'EMI, Parlophone cuntinuò u so prugettu ri tichita prevalentementi rivolta a musica Jazz, allargannu però u so catalugu ad avutri sitturi comu i reciti, i novelli e i commedie.

Nto 1950 George Martin fici u so ingrissu na l'azienda, di la quali, 'n picca anni, addìvintò nu diritturi.

A li tempi 'n cui sbocciò a musica rock and roll, Parlophone distribuiva artisti ri bonu valuri comu u trummittista jazz Humphrey Lyttelton, l'atturi cantauturi Jim Dale a avutri ca ogni tantu arrivarunu ne “Top 20 chart”, oltri o ciuri a l'occhiellu ri la tichitta ca era sìenza dubbiu Adam Faith.

A fortuna di la Parlophone arrivò quannu nto 1962 Martin fici n'audizionu a li Beatles e dicisi ri lanciarli nto mircatu discugraficu.

'N pocu tempu la tichitta addìvintò a cchiù famusa ru munnu. Nto 1964 i so prudutti arrivarunu o 1° postu ne classifiche pi 40 simani, lassannu a l'avutri tichitti discugrafiche sulu i briciuli. Oltri a li Beatles, avutri artisti ri Liverpool addìvintarunu mpurtanti grazzi a la brillanti guida ru manager Brian Epstein. A cantanti Cilla Black, pruvinenti puru idda da lu Cavern Club, arrìnisciu a ritagghiarisi na bona fedda ri pupularitati grazzi a li cover ri Beatles e puru ri quarchi cumpusituri talianu, comu Gino Paoli e Umberto Bindi da li quali arrìchugghiu Il mio mondo” pi convertirlu 'n You're My World, na furmidabbili hit britannica.

Successivamenti a Parlophone prudussi parti di la discugrafia de Queen, de Duran Duran e ri Tina Turner.

Prudussi tutti i CD di li gruppi ngrisi Coldplay e Pet Shop Boys e da lu 2000, tutti li album di la cantanti australiana Kylie Minogue.