These Are the Days of Our Lives

Dâ Wikipedia, la nciclupidìa lìbbira.
These Are the Days of Our Lives
Artista:  Queen
Tipu album:  7" síngulu; cassetta; CD
Data dâ nisciuta:  5 di sittèmmiru 1991 (prima edizioni)
9 di dicèmmiru 1991 (secunna edizioni)
Durata:  4 min 15 s
Album di pruvinenza:  Innuendo
Gèniri:  Pop rock, Soft rock
Prudutturi:  Queen, David Richards
Noti:  Pubblicatu comu double a-side nzemi a Bohemian Rhapsody

#1 (Irlanda, Polonia, Portugallu, Regnu Unitu)
#2 (Ulanna, USA)
#5 (Australia)
#8 (Austria)
#15 (Francia)
#16 (Girmania)
Cumpusituri:  Roger Taylor
Casa discugràfica:  Parlophone (UK)
Hollywood Records (USA)
Singulu pricidenti:  The Show Must Go On
Singulu succissivu:  Heaven for Everyone


These Are the Days of Our Lives è na canzuna dî Queen, scritta di Roger Taylor e pubbricata comu ottavu síngulu nnô discu Innuendo1991. La canzuna fu pubbricata nu jornu dû 45° cumpliannu di Freddie Mercury, lu 5 di sittèmmiru1991 e comu doppiu A-sid nnô Regnu Unitu, lu 9 di dicèmmiru, doppu la morti dû cantanti, nzemi a Bohemian Rhapsody. Lu síngulu arrivò o 1° postu nnâ classífica ngrisa e arristò ô primu postu pi 5 simani. La canzuna fu primiata comu lu megghiu síngulu ngrisi a li BRIT Awards1992.


« «Roger accuminciò a scríviri These Are the Days of Our Lives, parrava dî figghi, di comu sinteva a vita, di comu li cosi ti ritòrnanu, ma ovviamenti na ddu cuntestu la canzuna avía n'àutru significatu.» »


Armunicamenti e strutturalmenti, è una di cchiù sèmprici canzuni dû gruppu. Conga e percussioni foru riggistrati di David Richards (nnô vidiu clip dâ canzuna vennu sunati di Roger Taylor). Fu l'úrtima canzuna riggistrata nurmalmenti dû gruppu (l'úrtimi 3 foru riggistrati sulu doppu la morti di Freddie, ca riggistrò sulu la parti vucali nnî sissioni succissivi a chiddi di Innuendo, vinennu nziriti nna l'album Made in Heaven.

Vidiu clip[cancia | cancia la surgenti]

« «Si senti câ vuci è cchiù suttili, si senti ca è la vuci di nu omu malatu, puru si pigghia tutti li noti... Era assai malatu, era spavintusu, fu na cosa curaggiusa di fari.» »


Chiddu di These Are the Days of Our Lives, fu l'úrtimu vidiu fattu cu Freddie Mercury ancora vivu, ca si truvava nnâ fasa finali dâ so battagghia cu la gravi malatia di l'[AIDS]]. Li ripresi foru fatti lu 30 di maiu 1991, 6 misi prima dâ morti di Mercury; nun fa mai pubbricatu prima dâ morti dû cantanti picchì, dû mumentu ca Mercury nun vulía fari sapiri dû so statu di saluti a li jurnalisti, lu vidiu fu pubbricatu sulu doppu la so morti. Nnô vidiu, pi l'úrtima vota nzemi, cumpàrinu tutti li 4 cumpunenti dû gruppu 'n ricordu dî beddi tempi passati nzemi. Lu vidiu fu giratu 'n jancu e níuru, pi ammucciari li signa lassati a Freddie di l'AIDS.


« «Passava uri e uri o truccu pi èssiri prisintàbbili, pi Freddie, dda canzuna fu na speci di addiu.» »


Ntô 2007, 'n occasioni dâ data dû 61° cumpliannu d^cantanti, vinni circulati arcuni pezzi dû vidiu a culuri, mittennu ancora cchiù 'n mostra la fraggili cunnizziuni di saluti ca Mercury purtava a li tempi (giustificannu, accussì, la scelta di fari lu vidiu clip 'n jancu e níuru, 'n rispettu dû cantanti). Roger Taylor dissi di comu Freddie avissi furtimenti vulutu nnâ ducumintazzioni visiva di quantu fussi malatu, nustanti l'àutri cumpunenti dû gruppu fússiru cuntrari a l'idea. Pi lu cantanti, fu lu vidiu cchiù dulurusu di riggistrari nnâ so ntera carrera, dû mumentu ca pi iddu puru caminari era assai dulurusu e, nfatti, nnô vidiu rimani quasi fermu. Â fini dû vidiu, Mercury scumpari doppu nu primu pianu cummuventi, cu sennu di poi, alluntanànnusi dî fan dicennu «I still love you» (Vi amu ancora).

Nnî Stati Uniti fu misu 'n cummerciu nu vidiu altirnativu ô partiri dû 1992, pi prumòviri la niscìuta dâ raccolta Classic Queen. Nna sta virsioni sunnu prisenti arcuni filmati di animazzioni, rializzati dî Walt Disney Studios e mmàggini dû clip urigginali (era la secunna vota ca lu gruppu facía usu dî filmati animati ; lu pricirenti era statu cu Save Me ntô 1980).

Performance live[cancia | cancia la surgenti]

La canzuna fu sunata live nnô misi di aprili1992 ô Freddie Mercury Tribute Concert, cantata di George Michael e Lisa Stansfield. Sta virsioni live fu misa nnâ l'EP Five Live1993, vinennu accriditata a “George Michael cu li Queen & Lisa Stansfield”. La canzuna fu sunata puru diversi voti dî Queen + Paul Rodgers nnô piríudu 2005/2006, vinennu cantata pi l'occasioni di Roger Meddows-Taylor. Nnô palcu, li noti dâ canzuna viníanu accumpagnati di nu vidiu ca mustrava lu gruppu nnî so primi jorna 'n Giappuni. La canzuna fu sunata puru lu primu di giugnettu 2007, 'n occasioni di 10 anni dâ morti di Lady Diana, ô novu Wembley Stadium di Londra. La canzuna fici dâ culonna sunora a nu vidiu 'n cui èranu muntati arcuni fotu di Diana picciridda.