I Want It All
| I Want It All | ||
|---|---|---|
| Artista: | Queen | |
| Tipu album: | Singulu | |
| Data dâ nisciuta: | 2 di maiu 1989 (UK) 10 di maiu 1989 (USA) | |
| Durata: | 4 min 04 s | |
| Album di pruvinenza: | The Miracle | |
| Gèniri: | Hard rock, Arena rock | |
| Prudutturi: | Queen, David Richards | |
| Noti: | Pubblicatu comu double a-side nzemi a "Hang On in There" #2 (Olanda) #3 (Irlanda, UK) #4 (Italia, Norveggia) #8 (Svìzzira) #9 (Girmania) #10 (Australia) #11 (Austria) #36 (Canadà) #50 (USA) | |
| Cumpusituri: | Brian May | |
| Casa discugràfica: | Parlophone (UK) Capitol (USA) | |
| Singulu pricidenti: | One Year of Love | |
| Singulu succissivu: | Breakthru | |
I Want It All è na canzuna dî Queen, scritta di Brian May e pubbricata comu quartu sìngulu nnô discu The Miracle du 1989. Fu pubbricata 'n virsioni sìngulu, cu la b-side "Hang On in There", lu 2 di maiu dû 1989 ntô Regnu Unitu e lu 10 di maiu 1989 nnî Stati Uniti. La canzuna, pruduciuta di David Richards, fu lu sìngulu ca fici turnari lu gruppu a ribalta nnî classìfichi musicali doppu 3 anni di assenza. Fu na granni hit 'n tuttu lu munnu, arrivannu ô 3° postu nnî classìfiche ngrisi e arrivannu nnâ top ten 'n diversi classìfichi europei.
La canzuna
[cancia | cancia u còdici]La canzuna fu spissu scanciata comu nu slogan d'aiutu pi la picciuttanza nìura africana, ma l'urìggini dâ canzuna è diversa: si dici ca fu spirata di na frasi ca spissu Brian May si sinteva diri di so mugghieri Anita Dobson, ca lu mmitava a pigghiari dicisioni 'n modu dicisu.
Lu branu è attribuitu a tutti li cumpunenti dû gruppu (comu usu dî Queen a partìri d l'album The Miracle), ma fu criatu quarchi annu prima di May. John Deacon la difinìu na canzuna “custruita”, picchì la diffirenza di li àutri canzuni di l'album (scritti a cchiù manu) chista era 'n rialtati già stata fatta di lu chitarrista. Lu rìttimu dû riturnellu è simili a chiddu di The Show Must Go On. La parti cintrali è carattirizzata di nu scambiu di battuti tra May e Mercury. È una di canzuni cchiù hard rock tra chiddi cumposti dû gruppu, ma nun fu mai cantata nnîî spittàculi live di Freddie Mercury, picchì era malatu di AIDS.
| « «Nun putemmu mai cantari live sta canzuna, sugnu sicuru ca avissi addivintata una dî canzuni cchiù sintuti dî nostri fan, assai participata. La canzuna fu criata pi lu pùùbbricu, nu veru e propriu innu.» » | |
Vidiu clip
[cancia | cancia u còdici]Lu vidiu di I Want It All, direttu di David Mallet nna l'aprili dûû 1989, ammustra lu gruppu esibbìrisi 'n nu studiu ca utilizzava lampadi alogeni. Freddie Mercury cumpari câ varba e senza li sò famusi baffi, ca l'avìanu carattirizzatu nna l'anni uttanta. Stu canciamentu era statu dittatu dû fattu ca lu cantanti vulìa cuipriri li primi signa lassati dâ malatia. Freddie cumpari ancora 'n furma, puru siddu s'accumincia a vidiri quarchi canciamentu fìsicu a causa dâ malatia. Brian May affirmau di quantu Mercury nna ddu pirìudu stava assai mali, cu puru la mancanza dâ canuscenza dâ malatia dû cantanti (Freddie dissi a lu gruppu ca era malatu di AIDS sulu versu la fini dû 1989).
Performance live
[cancia | cancia u còdici]La prima prisintazzioni di sta canzuna risali ô 20 di aprili 1992, duranti lu Freddie Mercury Tribute Concert, 3 anni doppu la morti di Freddie Mercury, quannu li 3 cumpunenti dû gruppu cantaru la canzuna nzemi a Roger Daltrey di The Who, comu cantanti, e Tony Iommi di Black Sabbath, comu secunnu chitarrista.