The Miracle (album)

Dâ Wikipedia, la nciclupidìa lìbbira.
Jump to navigation Jump to search
{{{Album}}}
Artista:  {{{Artista}}}
Tipu album:  Studio
Data dâ nisciuta:  22 di maiu 1989
Durata:  41 min : 13 s (album originali)
58 min : 39 s (virsioni CD 1991)
69 min : 35 s (deluxe edition 2011)
Númmuru di Dischi:  {{{Nummuru di dischi}}}
Númmuru di tracci:  {{{Nummuru di tracci}}}
Gèniri:  Hard rock
Pop rock
Art rock
Dance rock
Arena rock
Casa discugràfica:  {{{Tichitta}}}
Prudutturi:  Queen e David Richards
Riggistrazzioni:  {{{Riggistrazzioni}}}
Noti:  #1 (UK, Austria, Belgio, Finlandia, Girmania, Irlanda, Olanda, Svìzzira)
Album pricidenti:  {{{Album pricidenti}}}
Album succissivu:  {{{Album succissivu}}}


The Miracle è u triricesimu album 'n studiu ru gruppu misucali ngrisi de Queen, pubbricatu pa prina vota u 22 di maiu 1989. L'album arrivò o 1° postu 'n divìersi paisi; Regnu Unitu, Austria, Girmania, Olanda e avutri paisi.

U discu[cancia | cancia la surgenti]

U discu fu registratu 'n nu arcu ri tempu assai luòngu a causa ru piriodu difficili ca attraversa u gruppu: nta primavera ru 1987 infatti, Freddie Mercury vinni a sapiri ri aviri cuntrattu u virus ri l'HIV (nutizzia ca rissi a l'avutri cumpunenti ru gruppu sulu no tardu nuvèmmiru 1989, quanni sappi ca a malatia si era tramutata 'n AIDS, ma nun a li jurnalisti, a li quali fu comunicata a nutizzia sultantu u jornu pricirenti a so morti nto nuvèmmiru ru 1991), mentri Brian May era reduci ri na viulenta crisi matrimuniali. Freddie ne primi sei misi ri l'annu, era ancùora impegnatu a terminari u si secunnu prugettu ra sulista nzemi a lu sopranu Montserrat Caballè, Barcelona, e appi pocu tempu pi conciliari i so impegni 'n studiu. Pi chistu cunvinsi l'avutri cumpunenti ru gruppu a spinniri u maggior nummaru ri uri possibbili 'n sessioni ri registrazioni subbutu all'iniziu ru 1988 comu addimustranu i numerosi b-sides risalenti a ddù piriodu.

All'iniziu u discu avia a intitularisi “The Invisible Men” (“l'omìni invisibili”), titulu ironico 'n quantu i cumpunenti ru gruppu nun si eranu fatti viriri spissu 'n pubbricu, na l'arco ri tempu ca passò tra stu album 'n studio e chiddu pricirenti (A Kind of Magic). Ma a tri simani ra pubbricvazioni, fu dicisu ri canciari u titulu 'n “The Miracle”. A copertina ri l'album ammustra nu morphing 'n cui si virinu i quattru tìeste ri cumpunenti ru gruppu fusi 'n modu ra formarini una sula. A partirì ra stu discu, i Queen dicisiru ri accreditari ogni singula traccia a tuttu u gruppu, a diffirenza ri prima 'n cui venivanu firmati sulu ra chi avia scrittu a canzuni. L'album è unu ri megghiu successi na storia ru gruppu ngrisi.

Nto 2011 l'album fu rimasterizzatu 'n digitali ra Island Records / Universal Records e fu pubbricatu 'n dui furmati:

  • standard edition, cuntinenti l'album originali
  • deluxe edition 2 CD, cuntinenti l'album originali e nu EP bonus

Tracce[cancia | cancia la surgenti]

Tutti i brani sunnu accreditati a lu gruppu, ma na lista sunnu arripurtati sulu i cumpunenti ca hannu scrittu veramente i canzuni.

  1. Party – 2:24 (Mercury/May/Deacon)
  2. Khashoggi's Ship – 2:48 (Mercury)
  3. The Miracle – 5:02 (Mercury)
  4. I Want It All – 4:41 (May)
  5. The Invisible Man – 3:57 (Taylor)
  6. Breakthru – 4:08 (Mercury/Taylor)
  7. Rain Must Fall – 4:23 (Deacon/Mercury)
  8. Scandal – 4:42 (May)
  9. My Baby Does Me – 3:23 (Mercury/Deacon)
  10. Was It All Worth It – 5:45 (Mercury)

Durata tutali: 41:13

Bonus tracks (sulu virsioni CD EMI / Parlophone, 1989 e Hollywood Records, 1991)

  1. Hang on in There (B-Side) – 3:47 (Queen)
  2. Chinese Torture (Instrumental) – 1:45 (May)
  3. The Invisible Man (12" Version) – 5:30 (Taylor)

Bonus track (sulu ri-edizioni CD Hollywood Records 1991)

  1. Scandal (12" Mix) – 6:34 (May)

Bonus EP (Ri-edizioni CD ru 2011 ri Island Records/ Universal Records)

  1. I Want It All (Single Version) – 4:03 (May)
  2. The Invisible Man (Early Version with Guide Vocal, August 1988) – 5:04 (Taylor)
  3. Hang On In There (12" Version) – 3:47 (Queen)
  4. Hijack My Heart – 4:13 (Taylor)
  5. Stealin' – 4:00 (Mercury)
  6. Chinese Torture – 1:45 (Queen)
  7. The Invisible Man – 5:30 (Taylor)

Durata tutali: 28:22

Party[cancia | cancia la surgenti]

Party nasciu duranti na jam session tra Freddie Mercury, Brian May e John Deacon. Mercury si alluntanò da lu chianuforti e iniziò a cantari di li versi. Accussì i tri accuminciarunu a travagghiari nzemi pi finiri u branu. Quarchi parti inizili ra traccia è cantata ra Brian May.

Khashoggi's Ship[cancia | cancia la surgenti]

Khashoggi's Ship fu 'n gran parti scritta ra Mercury, cu i ristanti cumpunenti ru gruppu ca aiutarunu u cantantui 'n quarchi parti ru testu. A canzuni parra ru famusu miliardariu Adnan Khashoggi e ra so navi, a “Nabila”, unu ri cchiù granni yacht privati ru munnu. A traccia inizia continuannu direttamenti, sìenza acluna interruzioni, da la pricirenti canzuni, Party, cu la quali prisenta tema e lirica assai sumigghianti.

The Miracle[cancia | cancia la surgenti]

Exquisite-kfind.png Pi sapìrinni cchiossai, vidi puru la vuci The Miracle (canzuni).


Mercury accuminciò a scriviri a canzuni dopu ca iddu e John Deacon ficiru quarchi accordu ricirennu quali tema usari. Tutti e quattru i cumpunenti ru gruppu ficiru parti ru travagghiu e ra creazioni ru testu, a canzuni venni accreditata a tutti e 4 duranti a fasi ri registrazioni ri l'album, a prescinniri ri cu fussi u scritturi ra canzuni. A canzuni parra ri arcuni ri “creazuioni ri Dio, nichi o granni”, comu as esempio granni palazzi comu u Taj Mahal o a Torri ri Babele, tutti descritti comu “miracoli” ra canzuni. A canzuni parra puru ru Capitanu Cook, Caino e Abele e Jimi Hendrix.

I Want It All[cancia | cancia la surgenti]

Exquisite-kfind.png Pi sapìrinni cchiossai, vidi puru la vuci I Want It All.


A canzuni fu spissu scanciata comu no slogan r'aiutu pi la picciuttanza nivura africana, ma l'origini ra canzuni è divìersa: si dici ca fu ispirara ra na frasi ca spissu Brian May si sinteva diri ra so mugghieri Anita Dobson, ca lu invitava a pigghiari decisioni 'n modu dicisu. U branu è attribuitu a tutti i cumpunenti ru gruppu (comu usu de Queen a partìri dall'album The Miracle), ma fu criatu quarchi annu prima ra May.

Breakthru[cancia | cancia la surgenti]

Exquisite-kfind.png Pi sapìrinni cchiossai, vidi puru la vuci Breakthru.


A canzuni accumincia cu na brevi introduzioni ri armonie vucali, prima cumposte ra Freddie Mercury, poi passa a nu rock a mità tra pop e hard rock, n' granni parti scrittu ra Roger Taylor. L'iniziu ra canzuni era statu criatu pi n'avutra canzuni, ca nun fu mai pubbricata, chiamata “A New Life Is Born”. 'N una intervista du 1989, Freddie Mercury dissi ca sta canzuni fu un granni esempio ri du pezzi separati ca si juncinu pi fare na canzuni.

Rain Must Fall[cancia | cancia la surgenti]

Rain Must Fall è na cullabburazioni tra Deacon (ca scrissi a musica) e Mercury (ca scrissi i testi). Roger Taylor registrò nu saccu ri percussioni latini, ma a maggiro parti ri chisti nun foru inseriti na virsioni finali ru branu, 'n modu ri aviri cchiù spaziu pi li chitarre e li armonie vucali.

Scandal[cancia | cancia la surgenti]

Exquisite-kfind.png Pi sapìrinni cchiossai, vidi puru la vuci Scandal (canzuni).


A canzuni fu scritta ra Brian May, ma fu attribuita a tutti i cumpunenti ru gruppu, parra ri problemi ca lu gruppu stissu avia cu la stampa. U riferimento va 'n particolari o divorzio ca avia avutu May ra mugghieri e a li nutizzi ra saluti di Freddie Mercury, iddu nun avia ancùora annunciatu ri essiri malatu.

My Baby Does Me[cancia | cancia la surgenti]

My Baby Does Me è n'avutra cullabburazioni tra Mercury e Deacon. Tutti e dui ebbiru l'idea ri realizzari nu branu semplici, pi rendiri cchiù orecchiabbile l'album. 'N na loro intervista a BBC Radio 1 ru 1989, i rui dissiru ca a traccia era nata ra na semplici linea ri bassu fatta ra Deacon.

Was It All Worth It[cancia | cancia la surgenti]

Was It All Worth It è na canzuni ca si rifà a lu difficili sonu ri produzioni ri Queen na li anni sittanta. Puru se a maggior parti ra traccia fu cumposta ra Mercury, tutti i cumpunenti ru gruppu aiutarunu u cantanti cu idee e testi. John Deacon rissi ca sta canzuni è a so preferita ri l'album.

Hang on in There[cancia | cancia la surgenti]

Hang on in There è a prima ri dui tracci a essiri apparsa sultantu na virsioni CD ri l'album. Fu cumposta ra tutti i quattru cumpunenti ri l'album, runni Brian May sona sia a chitarra acustica e elettrica, accussì comu Mercury ca sona sia a tastiera ca u chianuforti.

Chinese Torture[cancia | cancia la surgenti]

Chinese Torture è a secunna ri dui tracci a essiri apparsa sultantu na virsioni CD ri l'album (l'avutra è Hang on in There). Si tratta di nu branu strumentali da li atmosfere oscure, ca incuti orrori e paura, ispirata da li torture ca eranu soliti fari i cinisi a li proprie vittime.