Brian May

Dâ Wikipedia, la nciclupidìa lìbbira.
Brian May
Brian May
Brian May
Paisi d'origini:  Bannera dû Regnu Unitu Regnu Unitu
Gèniri:  Hard rock
Glam rock
Heavy metal
Rock prugrissivu
Art rock
Pop rock
Dance rock
Arena rock
Piriodu d'attivitati:  1963 - 'n attivitati
Strumentu:  chitarra
chianuforti
Casa discùgrafica:  Columbia, Polydor, EMI, Parlophone, Hollywood
Gruppi:  1984
Smile
Queen
Album:  5:   4 studiu;   1 live;   x raccolti
Situ Web:  brianmay.com

Brian Harold May (Twickenham, 19 di giugnettu 1947) è nu chitarrista ngrisi, membru e funnaturi nzemi a Freddie Mercury e Roger Taylor ru famusu gruppu rock ngrisi dê Queen. È l'auturi ri archuni ri canzuna chiu famusi ru gruppu, comu Tie Your Mother Down, We Will Rock You, Flash, Hammer to Fall, Who Wants to Live Forever, I Want It All, Save Me e The Show Must Go On. Si trova o 26° postu na Lista di Rolling Stone dî 100 cchiù granni chitarristi di tuttu tempu, pubbricata nto 2011 da rivista Rolling Stone, si trova o 5° postu na classifica ri megghiu chitarristi ri tutti i tempi scritta da Total Guitar.

Biugrafia[cancia | cancia la surgenti]

Brian Harold May nasciu a Feltham (nu quarteri ri Londra) u 19 di giugnettu 1947. Quannu avìa 5 anni, iniziò a sunari u chianuforti, ma a so vera passioni era a chitarra. Iniziò a pigghiari cunfirenza cu la chitarra sunannu u banjo ri so patri. Brian mpara assai velocemente i funnamenti ru strumentu e accumncia subbutu a sunari a chitarra flamenca. So matri e so patri, Ruth e Harold May, un sunnu in gradu r'accattari na custusa Fender Stratocaster, accussi nto 1963, a 16 anni, Brian, cu l'aiutu ri so patri, accumincia a costruiri a so Red Special, finuta nto 1966, ca usa ancùora oggi.

Prima d'accuminciari i studi universitari, suona cu Tim Staffell, nu bassista e cantanti, cu gruppu 1984, ca si furmò nto 1963; poi funna i Smile, runni sona u giùvini batterista Roger Taylor. Tim Staffel prisenta a May nu cumpagnu ri studi ca si chiamava Farrokh Bulsara (ca cancerà u so nomu in Freddie Mercury). Ntantu a causa ri probblemi nterni, i Smile si lassanu. Tim Staffel decidi ri sunari 'n avutri gruppi, mentri Freddie, Brian e Roger funnanu 'n novu gruppu, chiamatu "Queen". Nto 1971 si unci a iddi u bassista John Deacon. Brian May, oltri a essiri nu bravu chitarrista, purtò avanti i so stui universitari; nto 1965 si traferisci a Londra, runni inizia a frequentari a facoltà ri Fisica e Astronomia di l'Imperial College London (a canzuni "Long Away", ca si trova no discu A Day at the Races ru 1976, rispecchia a passioni ru chitarrista pi stiddi). Si lauria cu llodi 'n fisica, accumincia poi u dotturatu di ricerca 'n astronomia di l'infrarosso, ca abbannuna pi dedicarisi a la carriera musicali. Decidi di ripigghiari i studi e pigghia u dotturatu in astrofisica na l'austu 2007, a l'etati ri 60 anni. Pocu dùoppu pubblica a so tesi “N'analisi ri velocità radiali ri nubi zudiacali”.

In pussessu di nu granni talentu artistico, May è canùsciutu puru pi lu suonu, ca lu rendi subbutu ricanuscibbili. May fù unu ri primi chitarristi ca utilizzò u tapping. Tra chiddi ca si ispiranu a Brian May ci su Steve Vai e Joe Satriani.

Dopu i primi dui album, Queen I ru 1973 e Queen II ru 1974, i Queen vannu 'n tour comu supportu di Mott the Hoople. A causa di na ziringa nfetta, usata pi iniettare nu vaccinu, Brian s'ammala ri epatite, ca comunque unnu firma ri travagghiari o terzu album ru gruppu, Sheer Heart Attack, ca appi un bonu successu. U 1975 è l'annu ra svolta: cu l'uscita ri l'album A Night at the Opera, i Queen addiventanu famusi na tuttu u munnu. Passannu l'anni, u gruppu ngrisi addivintò sempri chiu famusu, finu a quannu, nto 1986, ci fu u Live at Wembley, u concerto-simmulu ri Queen, runni Brian May si fici apprizzari ne canzuni comu One Vision, Tie Your Mother Down e Bohemian Rhapsody. Duranti l'anni May retti vita a diversi canzuni soliste, nzemi a artisti come u chitarrasta ri Black Sabbath Tony Iommi e li cantanti comu Zucchero e Luciano Pavarotti.

U 16 di frivaru 2012 fu ospiti ru Festival ri Sanremo pi sunari cu Kerry Ellis e Irene Fornaciari, ca era cuncurrenti ra trasmissioni, accumpagnannuli cu la so chitarra Red Special ca canzuni We Will Rock You

U 12 di austu 2012 partecipò a cerimonia ri chiusura ri jòcura olimpici sunannu Brighton Rock e sunannu We Will Rock You cu Roger Taylor e Jessie J..

L'1 di sittèmmiru 2012 fu numinatu Vicipresirenti ra RSPCA (Royal Society for the Prevention of Cruelty to Animals) a Wildlife Rocks.

U 25 di aprili 2013 veni pubblicatu u doppiu album Starmus – Sonic Universe, fruttu ra collaborazioni cu lu gruppu ri musica elettronica tidiscu Tangerine Dream, registratu u 24 di giugnu 2011 a Magma Arte & Congresos Concert Hall ri Tenerife, na l'occasioni ru Starmus Festaval 2011. Na l'album May sona 4 canzuni: Supernova (Real Star Sounds) e Sally's Garden (canzuni inediti), Last Horizon (tratta ri l'album Back to the Light e We Will Rock You (unu ri storici cavaddi di battagghia de Queen).

A Red Special[cancia | cancia la surgenti]

Na storia è liata a Red Special, a chitarra ca May sona, datu ca tutti li chitarri chiu bedde custavanu troppu, u giovani Brian e u patri, ni ficiru una 'n casa cu cumpunenti ri furtuna pigghiati ru lignu ri quercia e ra parti ri architravi di nu caminettu 'n magano.

Sulu i pick-up furunu accattati na putìa, ca poi furu modificati do patri, U sonu ra chitarra un piaceva a Brian, ca fu cuntentu sulu quannu decisi ri usari comu plettro, dopu tanti provi, u latu zigrinatu di na monetina ri 6 pence.

A “Red Special”, comu fu vattiatu u strumentu, risultò ri fattura accussì bona ca anche dùoppu aver raggiuntu u successu, May si rifiutò ri usari, tranni in rari occasioni, avutri chitarri. È l'oggettu chiù mpurtanti pi May, ca lu lega a so patri, ca l'aiutò a costruirla.



Li strumenti utilizzati ra Brian May[cancia | cancia la surgenti]

Chitarre elettriche[cancia | cancia la surgenti]

Chitarre acustiche[cancia | cancia la surgenti]

Discografia[cancia | cancia la surgenti]

Pi sapìrinni cchiossai, vidi puru la vuci Discugrafia di Brian May.


Album ra sulista[cancia | cancia la surgenti]

Talìa puru[cancia | cancia la surgenti]

Aùtri pruggetti[cancia | cancia la surgenti]

Commons
Commons
Lu Wikimedia Commons havi 'na catigurìa cca conteni media su Brian May


Lijami sterni[cancia | cancia la surgenti]