One Vision

Dâ Wikipedia, la nciclupidìa lìbbira.
Jump to navigation Jump to search
One Vision
Artista:  Queen
Tipu album:  7" e 12" sìngulu
Data dâ nisciuta:  3 di nuvèmmiru 1985 (Regnu Unitu)
20 di nuvèmmiru 1985 (USA)
Durata:  4 min 04 s
Album di pruvinenza:  A Kind of Magic
Gèniri:  Hard rock
Prudutturi:  Queen, Reinhold Mack
Noti:  Pubblicatu comu double a-side nzemi a "Blurred Vision"

#7 (Regnu Unitu)
#10 (Australia)
#21 (Ulanna)
#24 (Svìzzira)
#26 (Girmania)
Cumpusituri:  Roger Taylor
Casa discugràfica:  EMI (UK)
Capitol (USA)
Singulu pricidenti:  Thank God It's Christmas
Singulu succissivu:  Princes of the Universe


One Vision è na canzuna dî Queen, scritta di Roger Taylor e pubbricata comu primu sìngulu nnô discu A Kind of Magic1986. Fu pubbricata 'n virsioni sìngulu, cu la b-side "Blurred Vision", lu 3 di nuvèmmiru 1985 nnô Regnu Unitu e lu 20 di nuvèmmiru 1985 nnî Stati Uniti. La canzuna fu misa nta Complete Vision ntô dicèmmiru du stissu annu.

La canzuna[cancia | cancia la surgenti]

« «Supra nu fogghiu avìa scrittu na speci di puisìa cupiata dû famusu discursu di Martin Luther King, era tutta basata ncapu a parola “One”» »


Ntra picca tempu doppu lu spittàculu dû gruppu ô Live Aid e scritta di Roger Taylor, fu scritta pinzannu ô famusu discursu di Martin Luther King, nnô testu dâ canzuna veni dittu cchiù voti la frasi “I Have a dream”, cu cui veni identificatu lu nteru ntirventu dû pulìticu miricanu.

La canzuna fu sempri cantata nnî spittâculi dû gruppu comu prima canzuni 'n tuttu lu Magic Tour, li 4 cumpunenti dû gruppu dìssiru ca la ntroduzzioni dâ canzuna era pirfetta pi l'apirtura di sti spittàculi. One vision nun fu prisenti nnô film Highlander – L'ultimu immortali comu l'àutri canzuni dû discu, ma fici parti dû film Iron Eagle.

Vuci strani[cancia | cancia la surgenti]

Ô principiu dâ canzuna è prisenti na vuci ca, fu riggistrata ô cuntrariu. Cc'è cui dici ca sintennu stu pezzu di canzuna ô cuntrariu, è pussìbbili sintiri na vuci ca dici “My sweet satan I saw tha sabba”. N'àutra frasi ô principiu dâ canzuna dici “God works in mysterious ways”. Si pinzava ca la vuci fussi di Brian May, ma vinni fattu vidiri ca, tramiti lu Magic Years e lu DVD Greatest Video Hits 2 ca la vuci era di Freddie Mercury. Lu testu cumpletu dici: “God works in mysterious ways. And Hey, people! All around the world. I look forward to those glorious days once again!".

Fried chicken[cancia | cancia la surgenti]

L'ùrtima frasi dâ canzuna avìa a èssiri “One Vision”, ma mmeci fu “Fried chicken”. Tali canciamentu fu lu risultatu di nu jocu ca lu gruppu facìa di sòlitu; na fasi di riggistrazzioni e cumpusizzioni di testi, vinìa scritta quarchi parodia dî propri canzuni. Ddu jornu lu gruppu avìa la jaddina fritta (Fried Chicken 'n ngrisi) pi cena, l'idea di mintiri nnâ canzuna sta frasi strana fu di Jim Hutton, cumpagnu di Freddie, ca dissi a iddi: «Amunì, siti abbastanza famusi, vi putiti pirmèttiri di lassallu ddà!».

Vidiu clip[cancia | cancia la surgenti]

Lu vidiu, carattirizzatu dâ famusa posa di quattru testi dî cumpunenti dû gruppu, mustrata pâ prima vota ntô 1975 cû vidiu di Bohemian Rhapsody e ripigghiata arreri 10 anni cchiù tardu, fu muntatu nna li studii Musicland Studios di Mònacu cu la DoRo, guidata di Rudi Dolezl e Hannes Rossacher. Nnô filmatu si vidi 'n nu brevi passaggiu lu bassista John Deacon ca sona la battirìa. Dâ canzuna asìstinu 2 vidiu: chiddu dâ virsioni extended e dû sìngulu, tutti dui misi nnô DVD Greatest Video Hits 2