Fat Bottomed Girls
| Fat Bottomed Girls | ||
|---|---|---|
| Artista: | Queen | |
| Tipu album: | Singulu | |
| Data dâ nisciuta: | 13 di uttuviru 1978 | |
| Durata: | 4 min 16 s | |
| Album di pruvinenza: | Jazz | |
| Gèniri: | Hard rock, Glam rock | |
| Prudutturi: | Roy Thomas Baker, Queen | |
| Noti: | Pubblicatu comu double a-side nzemi a Bicycle Race #7 (Ulanna, Regnu Unitu) #10 (Irlanna) #21 (Austria) #24 (USA) #27 (Girmania) | |
| Cumpusituri: | Brian May | |
| Casa discugràfica: | EMI (UK) Elektra (USA) | |
| Singulu pricidenti: | It's Late | |
| Singulu succissivu: | Don't Stop Me Now | |
Fat Bottomed Girls è na canzuna dû gruppu ngrisi dî Queen scritta di Brian May, ca fa parti di l'album Jazz dû 1978, pubbricatu comu latu B dû sìngulu di lu stissu annu Bicycle Race.
La canzuna vinni scritta di Brian May e cèlibbra li doti di na groupie 'n carni ca accumpagnava lu gruppu nnî so tour miricani. Sta canzuna è misa nna l'album Greatest Hits I dû 1981.
L'arrangiamentu vucali tra li virsioni 'n studio è chidda viva è diversa. Duranti li cuncerti, la traccia vucali principali dû riturnellu vinìa cantata di Freddie Mercury e armunizzata 'n acutu di Roger Taylor e 'n gravi di Brian May. Nnâ virsioni 'n studiu, nun cci sunnu arominìi vucali acuti. Li strofi vennu cantati di Mercury, mentri May canta comu vuci principali nnô riturnellu. Na versioni pubbricata comu singulu (Greatest Hits), nun c'è a parti chitarristica tra li strofe versu a fini ru pezzu. Fat Bottomed Girls fu pubbricata comu doppiu latu A nzemi a Bicycle Race.
Cover
[cancia | cancia la surgenti]- Li Antigone Rising fìciru na cover pi l'album Killer Queen: A Tribute to Queen.
- Li Hayseed Dixie fìciru na cover 'n stili "bluegrass" nna l'album A Hillbilly Tribute to Mountain Love, dû 2002.
- Ntô 2005 Jack Black a cantau cu finalista di American Idol Casey Abrams 'n un medley nnô corsu di la sirata finali.
- Lu cantanti e chitarrista miricanu Amos Lee canta sta canzuna duranti li so tour.
- La banna dû telefilm Chuck, li Jeffster, la cantaru ntô 2009.
- Lu cast di seria tilivisiva Glee fici na cover di sta canzuna 'n nu episodiu di la secunna staggiuni andata 'n unna ntô 2011.
Àutri usi di la canzuna
[cancia | cancia la surgenti]- Sta canzuna viinni usata nnâ secunna staggiuni dâ seria My name is Earl, nna l'episodiu Festa di cumpliannu dû caru amicu Earl.
- Fu usata puru comu sigla di apirtura dû ducumintariu Super Size Me di Morgan Spurlock, dû 2004.
- È prisenti puru nna l'episodiu Roboporc di la seria The Cleveland Show, spin-off di la furtunata seria I Griffin.
- Fa la so cumparsa puru nna seria Nip/Tuck (2005).