A Kind of Magic (canzuna)
| A Kind of Magic | ||
|---|---|---|
| Artista: | Queen | |
| Tipu album: | Singulu | |
| Data dâ nisciuta: | 17 di marzu 1986 (UK) 4 di giugnu 1986 (USA) | |
| Durata: | 4 min 25 s | |
| Album di pruvinenza: | A Kind of Magic | |
| Gèniri: | Pop rock, Dance rock, Glam rock | |
| Prudutturi: | Queen, David Richards | |
| Noti: | Pubblicatu comu double a-side nzemi a "A Dozen Red Roses for My Darling" #1 ('n 35 nazzioni) #3 (Regnu Unitu) #4 (Irlanna, Ulanna, Svìzzira) #6 (Girmania, Spagna) #10 (Australia) #12 (Austria) #42 (USA) | |
| Cumpusituri: | Roger Taylor | |
| Casa discugràfica: | EMI (UK) Elektra Records (USA) | |
| Singulu pricidenti: | Princes of the Universe | |
| Singulu succissivu: | Friends Will Be Friends | |
A Kind of Magic è na canzuna dî Queen, scritta di Roger Taylor e pubbricata comu secunnu sìngulu nnô discu A Kind of Magic dû 1986. Fu pubbricata 'n virsioni sìngulu, cu la b-side "A Dozen Red Roses for My Darling", lu 17 di marzu 1986 nnô Regnu Unitu e lu 4 di giugnu 1986 nnî Stati Uniti. La canzuna è prisenti nnô film Highlander – L'ultimu immortali nzemi a Who Wants to Live Forever. A Kind of Magic arrivau ô 1° postu nnî classìfichi di 35 nazziuni diversi.
La canzuna
[cancia | cancia lu còdici]La battuta «a kind of magic» (na speci di magia) è usata nnô film. Sta battuta cummuvìu assai Roger Taylor ca addicidìu di usàrila comu tema cintrali nnâ nova canzuna. Sunnu prisenti rifirimenti ô film nnô testu: «one prize, one goal» (nu premiu, nu unicu ntentu); «no mortal man» (nuddu omu murtali); «there can be only one» (cci nni pò arristari sulu unu), Taylor scrissi la miludìa e l'accordi pi la virsioni dû film. Freddie Mercury fici na nova parti di bassu, agghiuncìu lu break strumintali e canciau lu finali dâ canzuna. Foru Mercury e David Richards a prudùciri sta nova virsioni, poi misa nna l'album “A Kind of Magic”. La traccia urigginali di Taylor mmeci fu usata sulu pû film.
Vidiu clip
[cancia | cancia lu còdici]Ntô vidiu, Brian May, stranamenti, nun utilizza la so tradizziunali chitarra Red Special, ma na copia dû 1984. Mercury, vistutu di magu, trasi 'n na casa unni l'àutri cumpunenti dûû gruppu, vistuti comu vagabunni, stannu durmennu e vèninu arruspigghiati propriu dû sò ngressu. Poi lu gruppu cumpari vistutu nurmalmenti cu li sò strummenta. Duranti lu vidiu, fiuri di cartuna animati, abballannu ô rìttimu dâ mùsica.