A Winter's Tale (Queen)
| A Winter's Tale | ||
|---|---|---|
| Artista: | Queen | |
| Tipu album: | 7" sìngulu; CD | |
| Data dâ nisciuta: | 18 di dicèmmiru 1995 | |
| Durata: | 3 min 49 s | |
| Album di pruvinenza: | Made in Heaven | |
| Gèniri: | Pop rock, Rock psichedelicu | |
| Prudutturi: | Queen | |
| Noti: | #6 (Regnu Unitu) #23 (Austria) #26 (Ulanna) #28 (Svìzzira) | |
| Cumpusituri: | Freddie Mercury | |
| Casa discugràfica: | Parlophone | |
| Singulu pricidenti: | Heaven for Everyone | |
| Singulu succissivu: | Too Much Love Will Kill You | |
A Winter's Tale è na canzuna dû gruppu ngrisi li Queen, scritta dû cantanti dû gruppu Freddie Mercury, pubbricata comu dècimu sìngulu nna l'ùrtimu discu dû gruppu, Made in Heaven dû 1995. La canzuna fu pubbricata comu sìngulu lu 18 di dicèmmiru 1995.
La canzuna
[cancia | cancia u còdici]Ùrtimu branu prima dâ Reprise di Heaven for Everyone, A Winter's Tale è nu passaggiu, la discrizzioni di la quali Freddie Mercury si dèdica taliannu Montreux, la tranquilla citati svìzzira unni fu òspiti pi nu lòngu pirìudu nna l'ùrtimi anni di malatia, vicinu lu Lacu ri Ginevra.
Lu canatanti pari subbutu taliari propriu ô lacu, quannu lu quartu versu dâ canzuna dici “Swnas are floatin' by” (“I cignu galleggianu”). Li cincu strofi, dâ discrizzioni e dâ mùsica, cumparìscinu sugnanti: “Am I dreaming?” (“Staiu sunnannu?”) e nfini, na risposta e na esclamazzioni sussurrata 'n modu duci: “Oooh – It's bliss” (“Oh – è a beatitùdini”).
Sta canzuna, comu Mother Love e You Don't Fool Me, fu pruvata di Freddie Mercury 'n na sula singula sissioni succissiva a chidda di l'album Innuendo (nfatti si tenni tra jinnaru e giugnu dû 1991), la virsioni ca fu pubbricata è l'ùnica ca l'artista cantò. Stu branu è l'ùrtimu ca Freddie arriniscìu a finiri, la diffirenza di Mother Love ca mmeci fu l'ùrtimu branu ncisu dû cantanti, ma nun arriniscìu a finiri (l'ùrtima strofa vinni cumplitata di Brian May).
Si penza ca A Winter's Tale (accussì comu Mother Love) possa èssiri statu cumpostu sulu dui simani prima ca Freddie Mercury murissi, comu dittu ntô ducumintariu “Queen – Champions of the World”.
Ntô 2010 lu sìngulu fu ripubbricatu nuvamenti dintra lu box set Queen: The Singles Collection Volume 4.