Made in Heaven

Dâ Wikipedia, la nciclupidìa lìbbira.
Made in Heaven
Artista:  Queen
Tipu album:  Studio
Data dâ nisciuta:  7 di nuvèmmiru 1995
Durata:  70 min : 15 s (album originali)
93 min : 25 s (deluxe edition 2011)
Númmuru di Dischi:  1
Númmuru di tracci:  13
Gèniri:  Hard rock
Art rock
Pop rock
Casa discugràfica:  {{{Tichitta}}}
Prudutturi:  Queen
Riggistrazzioni:  1980; 1983 - 1985; 1988 - 1989; 1991. I ristanti cumpunenti ru gruppu finirunu l'album tra u 1993 e lu 1995.
Noti:  #1 (Austria, Finlandia, Girmania, Italia, Nova Zilanna, Ulanna, Regnu Unitu, Svezzia, Svìzzira)
Album pricidenti:  The 12" Collection
Album succissivu:  Queen Rocks


Made in Heaven è lu quinnicèsimu e ùrtimu album riggistratu 'n studiu dû gruppu musicali ngrisi li Queen, pubbricatu pâ prima vota lu 7 di nuvèmmiru 1995; arrivannu ô 1° postu nnâ classìfica ngrisa arristàricci pi 25 simani; 4 voti discu di platinu, sarà l'album di inediti dî Queen cchiù vinnutu 'n assolutu ntô Regnu Unitu. Lu discu 'n USA si piazzò o 58° postu, addivintannu sùbbutu discu d'oru.

Ntô 2011 l'album fu rimasterizzatu 'n digitali ra Island Records / Universal Records e fu pubbricatu 'n dui furmati:

  • standard edition, cuntinenti l'album originali
  • deluxe edition 2 CD, cuntinenti l'album originali e nu EP bonus

Lu discu[cancia | cancia la surgenti]

L'album fu registratu 'n maniera divìersa rispettu a li normalu modalità di registrazioni utilizzati da lu gruppu. Ne misi pricirenti a so morti, Freddie Mercury si preoccupò ri incidiri quarchi traccia vucali picchì i so cunnizzioni ri saluti stavanu peggiurannu, lassannu accussì a l'avutri cumpunenti ru gruppu u compitu ri criari i basi musicali pi sti canzuni.

A dui anni ra morti ri Mercury, tra a fini ru 1993 e l'iniziu ru 1994, u gruppu turnò 'n studiu, runni preparò i basi musicali sia pi canzuni registrati tra lu 1991 e lu 1992, sia pi avutri parti vucali (registrati a partìri da lu 1980) ca Mercury avia affidatu a lu gruppu.

Made in Heaven pigghia u nomu da lu titulu ri na canzuni (Made in Heaven) ca Freddie Mercury scrissi nto 1985 pi lu so album solita Mr. Bad Guy, arripigghiata ccà 'n virsioni diffirenti da li tri cumpunenti ru gruppu. No nomu ri l'album si po' nutari u riferimentu o destinu e a tuttu chiddu ca iddu cumporta ('n ngrisi “made in heaven” significa “fattu 'n paradisu”; no sensu menu littirali significa “già rializzatu, già scrittu da lu destinu”), ma cchiù significativu è u sensu letterali, ca voli fari viriri a partecipazioni ri Freddie Mercury, defuntu, a la creazioni ru discu, nisciutu appuntu postumo a lu cantanti, nto 1995, dopu quattru annu ra morti ru cantanti, nto 1991). Pi quantu riguarda l'avutri canzuni, Heaven for Everyone è nu demo du 1980, pinzatu inizialmenti pi essiri inclusu na l'album The Game, mentri Let Me Live è nu abbozzu ri canzuni ca Freddie avia incisu cu Rod Stewart nto 1983 e ca inizialmenti avia a essiri misa na l'album The Works (I parti vucali di Rod Stewart sunnu stati poi sostituiti da la vuci ri Roger Taylor).

You Don't Fool Me, A Winter's Tale e Mother Love risalgono a li sessioni di registrazioni successivi a nisciuta ri l'album Innuendo (tra jinnaru e giugnu 1991) e sunnu l'ultimi pezzi registrati cu Mercury. 'N particolari, i paroli da prima strofa ri Mother Love sunnu stati l'ultimi incisi da lu cantanti, dimustratu puru da lu fattu ca l'ultima stroga fu cantata da nu struggente Brian May. My Life Has Been Saved, registrata duranti a sissioni di registrazioni pi l'album The Miracle, erà già apparsu cu nu arranciamentu divìersu (u riff è fattu cu chianuforti inveci ca chitarra), no latu B ru singulu Scandal (1989), mentri I Was Born to Love You, puru idda misa na l'album Mr. Bad Guy ri Freddie, na l'album Made in Heacen avi nu arranciamentu rock inveci ca discu. A virsioni originali ri Heaven for Everyone era na canzuni ca Freddie avia decisu ri cantari pi l'album Shove It (1988) ri The Cross di Roger Taylor. Na stu casu i tri cumpunenti ru gruppu criarunu na nova basi musicali runnu misiru a traccia vucali ri Freddie. Too Much Love Will Kill You è inveci nu ineditu incisu durantu i sissioni ri l'album The Miracle, ri cui circulava tra li fans nu demu cantatu ra Freddie. Nto 1992 a canzuni era poi cumparsa comu branu ri Brian May no so album sulista Back to the Light, e prisintata inedita o pubbricu ru Freddie Mercury Tribute Concert na l'aprili 1992 o Wembley Stadium.

A traccia cchiù strana è l'ultima traccia ri l'album. Nun è indicata na tracklist ru CD, a Track 13 è luònga 22 minuti e 32 secunni. È tutta strumintali, cu quarchi traccia vucali (forsi registrati ra Mercury stissu ne so ultimi jorni ri vita) e lu strumentu principali è u sintetizzaturi. Dintra ri idda, sunnu assai i canci ri tempu, ri volumi e ri strumentazioni. L'ipotesi principali è ca u gruppu vosi, 'n quarchi modu, racchiudere tutta a storia ra band na sta traccia. A traccia finisci ca vuci ri Freddie ca, na l'assolutu silenziu, dici “Fab!” (ca significa “Fabulous”), comu a ammustrari nu sensu ri felicità pi aviri trascorso l'anni cchiù belli ra so vita cu i Queen.

La cupirtina di l'album[cancia | cancia la surgenti]

A parti anteriori ra copertina ri l'album ritrai ri spaddi e contruluci na statua ri Freddie Mercury a Montreux, 'n Svìzzira, runni Mercury vissi l'ultimi anni ra so vita e runni i Queen avianu nu studiu di registrazioni (i Mountain Studios), no so gestu ri scena cu pugnu destru isatu, no sfunnu ri nu tramuntu no Lacu di Ginevra. Na parti posteriori ra copertina, l'immagini anteriori continua, ammustrannu i tri ristanti cumpunenti ru gruppu girati ri spaddi.

Tracci[cancia | cancia la surgenti]

  1. It's a Beautiful Day - 2:32 - (Queen)
  2. Made in Heaven - 5:25 - (Mercury)
  3. Let Me Live - 4:45 - (Queen)
  4. Mother Love - 4:46 - (May, Mercury)
  5. My Life Has Been Saved - 3:15 - (Deacon)
  6. I Was Born to Love You - 4:49 - (Mercury)
  7. Heaven for Everyone - 5:36 - (Taylor)
  8. Too Much Love Will Kill You - 4:18 - (May, Lamers, Musker)
  9. You Don't Fool Me - 5:23 - (Queen)
  10. A Winter's Tale - 3:49 - (Queen)
  11. It's a Beautiful Day (reprise) - 3:01 - (Queen)
  12. Yeah - 0:04 - (Queen) - (Ghost track)
  13. Untitled - 22:32 - (Queen) - (Ghost track)

Durata tutali: 70:15

  • na tracklist du vinili e ra cassetta nun è inclusa a traccia Untitled prisenti nto CD, arriducennu a durata ru discu ra 70 minuti a 48 minuti.

Bonus EP (ri-edizioni CD du 2011 ri Island Records / Universal Records)

  1. Heaven For Everyone (Single Version) - 4:39
  2. It’s A Beautiful Day (B-Side Version) - 3:58
  3. My Life Has Been Saved (1989 B-Side Version) - 3:16
  4. I Was Born To Love You (Vocal & Piano Version) (accreditata a Freddie Mercury) - 2:55
  5. Rock In Rio Blues (Live B-side) - 4:33
  6. A Winter’s Tale (Cosy Fireside Mix) - 3:49

Durata tutali: 23:10

Sìngoli[cancia | cancia la surgenti]

  1. Heaven For Everyone
  2. A Winter's Tale
  3. You Don't Fool Me
  4. Let Me Live
  5. Too Much Love Will Kill You

Vidiu clips[cancia | cancia la surgenti]

  1. Heaven For Everyone (UK version)
  2. Heaven For Everyone (US version)
  3. A Winter's Tale
  4. You Don't Fool Me
  5. Let Me Live
  6. Too Much Love Will Kill You

It's a Beautiful Day[cancia | cancia la surgenti]

Anni prima Freddie Mercury accuminciò a registrari matiriali sulista, criò na clip audio ri se stessu mentri sona u chianuforti ne Musicland Studios ri Mònacu nto 1980, duranti a sissioni ri The Game. 'N seguitu, pi l'usu ri stu album, a canzuni fu allungata a 2 minuti e 32 secunni. A sizzioni cchiù classisa, sìenza improvvisazioni ri Mercury, fu fattu ra John Deacon.

Made in Heaven[cancia | cancia la surgenti]

Pi sapìrinni cchiossai, vidi puru la vuci Made in Heaven (canzuni).


A prima versioni ra canzuni vinni registrata cu chianuforti u 31 di maiu 1984; Made in Heaven fu a principali traccia ru discu, ca avia a chiamarisi propriu cu stu titulu. Pubbricatu nto Regnu Unitu, 'n Giappuni, 'n Girmania, 'n Olanda, 'n Spagna, 'n Portugallu, 'n Australia, 'n Nova Zilanna e 'n Brasili, u singulu arrivò o 57° postu na classifica ngrisi. A versioni giappunisi ru singulu ebbi comu b-side a canzuni Living on My Own. Dopu a morti ri Mercury, Roger Taylor, John Deacon e Brian May, i ristanti cumpunenti ru gruppu, utilizzaruni a basi ri Mercury du 1985 e misiru i loro strumenti, pi fari a versioni ri Made in Heaven du 1995, ca venni inserita na l'album.

Let Me Live[cancia | cancia la surgenti]

Pi sapìrinni cchiossai, vidi puru la vuci Let Me Live.


A canzuni fu scritta nto 1983, 'n na versioni diffirenti intitulata “Piece of My Heart” 'n cui Freddie Mercury cantò a canzuni 'n duettu cu Rod Stewart (sta demo è ancùora inedita), duranti a sessioni ri registrazioni pi l'album The Works, ma alla fini a canzuni nun venni nserita na tracklist finali ru discu 'n quantu nun fu ritenuta abbastanza cunvincenti. Na sta nova versioni, a parti vucali iniziali cuperta ra Rod Stewart vinni sostituita cu chidda incisa novamenti ra May e Taylor. É a prima canzuni runni 3 cumpunenti divìersi ru gruppu cantanu ra sulisti nu pezzu ru branu: a prima strofa e i ritornelli sunnu cantati ra Freddie Mercury, a secunna strofa ra Taylor e a terza ra May.

Mother Love[cancia | cancia la surgenti]

Mother Love è na canzuni de Queen pubbricata comu quartu singulu na l'album. Fu scritta ra Brian May e Freddie Mercury e fu l'ultima canzuni registrata (tra jinnaru e giugnu du 1991) da lu cantanti ru gruppu ancuòra vivu, ca si rici abbia usatu na basi MIDI criata ra iddu stissu pi registrari a traccia vucali. É na canzuni malinconica, ca na basi ri batteria elettronica, ca sfoci poi na l'intru, runni inizia u giru ri accordi eseguitu cu sintetizzaturi e accumpagnatu r'arpeggi ri chitarra picca distorta. A vuci ri Mercury trasi no branu, rannu nu sensu ri tristizza. U testu descrivi u so statu d'animu na l'utlima misi ri vita ri l'omu, ca nun avi cchiù spiranzi fu futuru. U ritornelo e struggenti e dispiratu, e 'n iddu è incisa l'ultima nota acuta ri Mercury, u Si Bemolle. A secunna strofa descrivi l'amuri ca Freddie voli riciviri ra matri prima ra so morti. Probabilmenti si tratta ri na virsioni filusofica ra morti, 'n quantu a matri rapprisenta 'n realtà u cerchiu ra vita iniziali, ca 'n idda finisci attraversu u ritornellu a la matri terra. Dopu sta strofa parti nu assulu ri May, sìenza distursuri, ca rilassa l'ascoltaturi. L'ultima strofa è cantata proprio da lu chitarrista, picchì Mercury nun appi u tempu a finiri a canzuni. A la fini ra canzuni, sempri secunnu a virsioni pruspittata ra l'autori, si cumpi u percorsso cuntrariu, chiddu ca arriporta a l'origini, quinni si passa da lu cunceru ru Wembley Stadium ru 12 di giugnettu 1986, finu a nu pezzu ra prima canzuni rigistrata “Goin' back”, scritta ra Freddie Mercury sutta u nomu ri “Larry Lurex”, unu ri One Vision e u piantu ri nu picciriddu, u quali rapprisenta a nascita.

My Life Has Been Saved[cancia | cancia la surgenti]

My Life Has Been Saved nasciu comu na traccia acustica cumposta principalmenti ra John Deacon nto 19871988. U prudutturi David Richards aiutò u bassista ca demo e i tastiere, poi Mercury cantò supra l'incisioni. A virsioni prisenti na l'album è divìersa ra chidda ru 1989.

I Was Born to Love You[cancia | cancia la surgenti]

Pi sapìrinni cchiossai, vidi puru la vuci I Was Born to Love You.


I Was Born to Love You è na canzuni ri Freddie Mercury, scritta da lu cantanti e pubbricata comu primu singulu no discu Mr. Bad Guy. Dopu a morti ri Mercury, u cumpunenti de Queen ficiru nu remix da canzuni pi lu album Made in Heaven du 1995, avennu fattu l'avutri cumpunenti i parti strumintali supra a traccia originali. Sta versioni prisenta a canzuni 'n na chiavi assai rock rispettu l'originali, ca Freddie volli eseguiri cu nu accumpagnamentu disco.

Heaven for Everyone[cancia | cancia la surgenti]

Pi sapìrinni cchiossai, vidi puru la vuci Heaven for Everyone.


A canzuni fu scritta ra Roger Taylor tra l'uttuviru 1985 e lu marzu 1986 duranti i sissioni ri registrazioni di lu dducisesimu album de Queen A Kind of Magic ma a la fini a canzuni nun fu ritenuta, na virsioni demu registrata, cunvinventi quantu l'avutri canzuni cha pigghiaru postu na tracklist e accussì fu scartata da lu prugettu. Sulu dopu, Taylor, 'n accordo cu gruppu, decisi ri usari sta canzuni pu primu album (Shove It) ri The Cross, secunnu gruppu runni sunava u batterista de Queen, runni cantava e sunava a chitarra. Tra u 1993 e lu 1995 i Queen rificiru u branu utilizzannu a traccia vucali pricirentimenti registrata ra Mercury nto jinnaru 1988 e ni ficiru na propria virsioni ca pubbricaruni na l'album Made in Heaven.

Too Much Love Will Kill You[cancia | cancia la surgenti]

Pi sapìrinni cchiossai, vidi puru la vuci Too Much Love Will Kill You.


A canzuni fu scritta tra lu jinnaru 1988 e lu frivaru 1989 duranti a sessioni ri registrazioni pi lu triricesimu album ri Queen The Miracle, ma nun fu inserita na tracklist finali ru prugettu 'n quantu, na versioni demo, fu ritenuta pocu cunvincenti rispettu ad avutri canzuni ri l'album. U branu fu cantatu ra May (accumpagnatu sulu da li tastiere sunati da lu stissu May e ra Spike Edney) duranti u Freddie Mercury Tribute Concert.

You Don't Fool Me[cancia | cancia la surgenti]

Pi sapìrinni cchiossai, vidi puru la vuci You Don't Fool Me.


A canzuni è stata scritta ne primi misi du 1991 (jinnarugiugnu) 'n alcuni sissioni ri registrazioni successivi a chiddi ri l'album Innuendo, quindi pochi misi prima ra morti ri Freddie Mercury pi l'AIDS. U cantanti ru gruppu fu insistenti cu l'avutri tri cumpunenti ru gruppu pi vuliri turnari 'n studiu, nunustanti i so cunnizzioni fussiru ormai assai gravi, pi incidiri quanta cchiù musica putia fari. Ra sti sissioni nasceru puru avutri branu tratti ra l'album; A Winter's Tale e Mother Love.

A Winter's Tale[cancia | cancia la surgenti]

Pi sapìrinni cchiossai, vidi puru la vuci A Winter's Tale (Queen).


Ultimu branu prima da Reprise ri Heaven for Everyone, A Winter's Tale è nu paesaggiu, a descrizioni di la quali Freddie Mercury si dedica taliannu Montreux, a tranquilla citati svìzzira runni fu ospiti pi nu luòngu piriodu na l'ultimi anni ri malatia, vicinu u Lacu di Ginevra. Sta canzuni, comu Mother Love e You Don't Fool Me, fu pruvata ra Freddie Mercury 'n na sula singula sissioni successiva a chidda ri l'album Innuendo (infatti si tenni tra jinnaru e giugnu du 1991), a virsioni ca fu pubbricata è l'unica ca l'artista cantò. Stu branu è l'ultimu ca Freddie arrinisciu a finiri, a diffirenza ri Mother Love ca inveci fu l'ultimu branu incisu da lu cantanti, ma nun arrinisciu a finiri (l'ultima strofa vinni cumplitata ra Brian May).

It's a Beautiful Day (Reprise)[cancia | cancia la surgenti]

Na virsioni rock cchiù pisanti ri “It's a Beautiful Day”, ca avi u stissu iniziu ma poi si tasfurma 'n rock. Iddu cunteni “Yeah” e pizzuddicchi ri Seven Seas of Rhye.

Yeah[cancia | cancia la surgenti]

Yeah è a canzuni cchiù curta ri l'album ri Queen, ra durata ri suli 4 secunni, runni Freddie Mercury dici sulu “Yeah”, ca è pigghiata da la canzuni “Don't Try Suicide”, ri l'album The Game.

Track 13[cancia | cancia la surgenti]

Track 13 fu nu sperimentu ri David Richards cu na Ensoniq ASR-10. L'accordi su pigghiati ra canzuni “It's a Beautiful Day”, agghiuncennu poi a vuci ri Freddie Mercury. Brian May e Roger Taylor agghiunceru poi quarchi idea pi la traccia. Stu branu è dispunibili sulu na virsioni CD ri l'album e ne cassette promo. Track 13 criò na bona dusi ri surpesa e cunfusioni tra li fan, rata a so natura musicali e la so lunghizza pura, nuddu ri quali avi pricirenti nto catalugu ru gruppu (a cchiù luònga ri canzuni pricirenti ru gruppu era “The Prophet's Song” ri l'album A Night at the Opera). A traccia finisci ca vuci ri Freddie ca, na l'assolutu silenziu, dici “Fab!” (ca significa “Fabulous”), comu a ammustrari nu sensu ri felicità pi aviri trascorso l'anni cchiù belli ra so vita cu i Queen.