Brasili

Dâ Wikipedia, la nciclupidìa lìbbira.
La bannera di lu Brasili.

Lu Brasili è nu statu di l'America miridiunali. Havi 172 miliuna di abbitanti i è lascu 8 miliuna di chilòmitri quatrati. Lu Brasili occupa mitati di l'America miridiunali i è lu paisi cchiù granni pi estinsiuni e pi lu nùmmaru di abbitanti. La lingua parrata è lu purtughìsi, la munita è lu "real" e la furma di cuvernu è la ripùbbrica prisidinziali.

Giografìa[cancia | cancia la surgenti]

Lu Brasili cunfina cu la Guyana francisi, lu Surinami, lu Venezuela e la Colommia.
Li sò catini muntagnusi nun sunnu assai àuti, sparti di lu Pico da Neblina (3014 m).

Rio di li Amazzoni.

Lu rilìvu è spartutu nni arcuni granni riggiuni: a nord lu Massicciu di la Guyana, di urìggini antichissima, cu n'autizza midia di 500 metri; l'Amazzonia, ca s'attrova a lu nord-ovist di lu Paisi e lu Mato Grosso, a lu centru.
Li costi si sviluppanu nni lu Oceanu Atlanticu pi 7400 chilumitri: n geniri su bassi e sabbiusi nti la parti sittintriunali, àutri e sdirrupati nti lu centru. Li ciumi e li lachi su migliara, li cchiù mpurtanti su lu Paranà e lu Rio di li Amazzoni. Lu clima è equaturiali: la timpiratura pò agghicari a 27° C. Nni li costi, mmeci, lu clima è timpiratu, pi li friquenti chiuvuti.

Storia[cancia | cancia la surgenti]

Nzinu a lu 1500 lu Brasili era abbitatu di pupulazzioni ndìggini, ca campàvanu nti li guddefi equaturiali, n granni capanni custruiti cu li fogghi. Appoi, lu navigaturi Pedro Alvares Cabral culunizzò lu tirritòriu. La fascia custera vinni spartuta n pruprietà assai granni. Poi vinni ntruduciuta macari la curtivazzioni di la canna di zùccaru e lu Brasili addivenni lu cchiù granni curtivaturi di lu munnu (nzèmmula a Cuba).
Nta lu 1822 lu Brasili uttinìu la nnipinnenza. A pàrtiri di lu 1930 cci fu nu pirìudu di viulenta dittatura, ca accabbò nti lu 1988, quannu vinni appruvata la custituzzioni ca è n viùri ancora òi.

La pupulazzioni[cancia | cancia la surgenti]

Cu casi 170 miliuna di abbitanti, lu Brasili è lu paisi cchiù pupulusu di l'America di lu sud. Li brasiliani su nu pòpulu juvani: lu 47 pi centu havi menu di 20 anni. Lu 6% di la pupulazzioni è cumpunuta di nìuri, discinnenti di li schiavi africani.
Ergu lu semu davanti a na sucitati multiètnica. Nzinu a la nnipinnenza di lu paisi la maggiuranza di li janchi era di urìggini purtughisi: di lu 1822 arrivaru immigrati di tuttu lu munnu.
La lingua ufficiali di lu Brasili è lu purtughisi. La furma di urdinamentu è na ripùbbrica di tipu prisidinziali, spartuta nti 26 stati fidirati. Ogni statu havi li propi leggi e li propi usanzi. Lu prisidenti veni eleggiutu di lu pòpulu doppu 4 anni.

L'ecunumìa[cancia | cancia la surgenti]

Lu Brasili havi assai risorsi naturali. Nfatti cci su ricchi jacimenti di pitròliu ca lu fannu unu di cchiù granni espurtaturi. Pi la abbunnanza di la forza di travagghiu e lu sviluppatu liveddu ticnulòggicu e scientìficu ponnu cumpètiri a liveddu munniali nti li attivittati di sitturi e di pruggittazzioni.
Di l'àutra banna, pirò, lu Brasili s'sttrova a cummàttiri la misèria: cchiù di la mitati di la populazzioni campa ntâ puvirtati casi tutali e ntâ fami. Pi chissu la sò situazzioni suciali i ecunòmica pò èssiri paraunata a chidda di l'Innia
Lu Brasili pruduci cafè, agrumi, zùccaru, sòja, tabaccu, mais, banani, cacau e cuttuni. Lu paisi è videmma a li primi posti pi l'allivamentu di buvina, ca è n'attivitati tradizziunali.
Pi zoccu arriguarda la nnùstria, sunnu assai sviluppati li sitturi di li telicumunicazzioni e l'elittrònica.

Li Citati dû Brasili[cancia | cancia la surgenti]

Viditi macari[cancia | cancia la surgenti]



Logo of SACN Cumunità dî Nazzioni dâ Mèrica dû Sud (CSN)
Argintina | Bolivia | Brasili | Cili | Colombia | Ecuaturi | Gujana | Paraguai | Perù | Surinami | Uruguai | Venezzuela


Paisi dû Munnu | Amèrica
Amèrica Sittintriunali: Canadà | Stati Uniti | Mèssicu
Amèrica Cintrali: Aiti | l'Antilli | (li) Bahama | Belizi | Barbados | Costa Rica | Cubba | Dominica | Guatemala | Giamaica | Grenada | Honduras | Nicaragua | Panamà | Ripùbbrica Duminicana | El Salvador | Saint Kitts e Nevis | Santa Lucia (nazzioni) | Saint Vincent e Grenadine | Trinidad e Tobagu
Amèrica Miridiunali: Argintina | Bolivia | Brasili | Cili | Colombia | Ecuaturi | Gujana | Paraguai | Perù | Surinami | Uruguai | Venezzuela
Wikimedaglia
Chista è na vuci nzirita nni l'artìculi n vitrina, veni a diri ca è una dî mègghiu vuci criati dâ cumunità.
Fu ricanusciuta nnô 29 di maiu 2009

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Vidi tutti l'artìculi n vitrina