Made in Heaven (canzuna)
| Made in Heaven | ||
|---|---|---|
| Artista: | Freddie Mercury | |
| Tipu album: | 7" e 12" síngulu | |
| Data dâ nisciuta: | 1 di giugnettu 1985 | |
| Durata: | 4 min 43 s | |
| Album di pruvinenza: | Mr. Bad Guy/Made in Heaven | |
| Gèniri: | Pop, Rock | |
| Prudutturi: | Freddie Mercury, Reinhold Mack | |
| Noti: | Pubbricatu comu A-sid di “She Blows Hot and Cold” | |
| Cumpusituri: | Freddie Mercury | |
| Casa discugràfica: | Columbia Records | |
| Singulu pricidenti: | I Was Born to Love You | |
| Singulu succissivu: | Living on My Own | |
Made in Heaven è na canzuna di Freddie Mercury e pubbricata comu secunnu síngulu nnô discu Mr. Bad Guy dû 1985. Fu pubbricata comu síngulu lu 1 di giugnettu dû 1985 cû b-side "She Blows Hot and Cold”.
La prima virsioni di canzuna vinni riggistrata cû chianuforti lu 31 di maiu 1984. Made in Heaven fu la principali traccia dû discu, c'avía a chiamàrisi propriu cu stu títulu. Pubbricatu ntô Regnu Unitu, 'n Giappuni, 'n Girmania, 'n Ulanna, 'n Spagna, 'n Portugallu, 'n Australia, 'n Nova Zilanna e 'n Brasili, lu síngulu arrivò ô 57° postu nnâ classífica ngrisa. La virsioni giappunisi dû síngulu ebbi comu b-side la canzuna Living on My Own.
Doppu la morti di Mercury, Roger Taylor, John Deacon e Brian May, li ristanti cumpunenti dû gruppu, utilizzaru la basa di Mercury dû 1985 e mísiru li so' strummenta, pi fari la virsioni di Made in Heaven dû 1995, ca vinni nziruta nna l'album.
Vidiu clip
[cancia | cancia lu còdici]Lu vidiu dâ canzuna fu fattu cu l'aiutu di David Mallet, già mpignatu nnâ rializzazzioni dû vidiu musicali di I Was Born to Love You e di 5 vidiu dî Queen. Nnâ rèplica dâ Royal Opera House fu custruita ô nternu di nu magasenu ntô nord di Londra. Lu vistitu ca nzajau Mercury nna stu vidiu musicali è assai símili a chiddu nzajatu nnô vidiu musicali dâ canzuna Radio Ga Ga.