Innuendo (canzuna)

Dâ Wikipedia, la nciclupidìa lìbbira.
Jump to navigation Jump to search
Innuendo
Artista:  Queen
Tipu album:  7" e 12" Síngulu; CD
Data dâ nisciuta:  14 di jinnaru 1991
Durata:  6 min 31 s
Album di pruvinenza:  Innuendo
Gèniri:  Rock prugrissivu, Hard rock, Opera rock, Arena rock, Art rock
Prudutturi:  Queen, David Richards
Noti:  Pubblicatu comu double a-side nzemi a "Bijou"

#1 (Regnu Unitu)
#3 (Svìzzira)
#4 (Ulanna, Italia)
#5 (Girmania)
#12 (Austria)
#17 (USA)
Cumpusituri:  Roger Taylor
Casa discugràfica:  EMI / Parlophone (UK)
Hollywood Records (USA)
Singulu pricidenti:  The Miracle
Singulu succissivu:  I'm Going Slightly Mad


Innuendo è na canzuna dî Queen, scritta di Roger Taylor e Freddie Mercury, pubbricata comu primu síngulu nnô discu Innuendo1991. Fu pubbricata 'n virsioni síngulu, cu la b-side "Bijou", lu 14 di jinnaru1991. La canzuna arrivò ô 1° postu nnâ classífica ngrisa. É una di canzuni cchiù longhi dû gruppu, a cchiù longa pubbricata comu síngulu.

La canzuna[cancia | cancia la surgenti]

« «Fu na cullabburazzioni di gruppu, iu scrissi la majuri parti dû testu, mentri lu restu dû gruppu fici tuttu lu restu. Fu nu sforzu di gruppu.» »


Lu branu è carattirizzatu di na granni cuntaminazzioni di stili: mentri li strofi e lu riturnello sunnu scanditi di nu tempu hard rock (cu quarchi trattu sinfònicu), a sizzioni ntirmedia arrimina flamenco, opera e rock prugrissivu, facennu assai utilizzu di virtuosísimi, tempi dispari e suvra-ncisioni. Veni cunziddirata comu la “Bohemian Rhapsody” di l'anni nuvanta, pi la sumigghianza cu sta canzuna e pi la durata. Lu tema principali di Innuendo vinni fora da na jam session ntra Brian May, John Deacon e Roger Taylor. Freddie Mercury agghiunciu poi a miludía e parti dû testu, ca fu statu cumplitatu di Taylor.


« «Steve Howe si truvava a Montreux nnô stissu piríudu 'n cui nuàutri travagghiavamu a riggistrazzioni di l'album, mentri si truvava na chiazza adiacenti ô tiatru, ncuntrò nu nostru tècnicu dû sonu ca lu mmitò a siquírilu nnî nostri studi. Steve canuscía già a mia e Freddie, arriniscíu a fallu participari e a fàrici nziriri na soa idea ô nternu dâ canzuna, iddu è assai bravu nna stu gèniri di cosi, mi parsi na bona idea fallu pruvari, nna ddu gèniri di música iddu era assai cchiù spertu di mia. Accussì nascíu lu distintivu riff di flamenco prisenti nnâ canzuna. Lu branu criscíu assai grazzi ô so aiutu, fici nu travagghiu fantàsticu, cci piaci dda sizzioni di flamenco.» »


La canzuna cunteni nu assolu di chitarra flamenco (sunatu 'n coppia cu Steve Howe, storicu chitarrita di Yes), siquitu di nu bridge di nfruenza clàssica e di nu assolu, sta vota fatta di Brian May. Sta sizzioni risulta abbastanza cumplicata, avennu nu di 3 battuti 'n nu ríttimu di 5/4 (pocu cumuni nnâ música pop) siquitu di 4 battuti ô ríttimu di 3/ 4. La sizzioni 'n cui è prisenti lu versu “You can be anything you want to be” fa usu di na sufisticata orchistrazzioni, criata 'n cullabburazzioni cu prudutturi David Richards usannu a tastera/synth Korg M1. Comu tutti li canzuni pubbricati doppu lu 1986 (annu 'n cui li Queen fíciru lu so úrtimu cuncertu cu Freddie Mercury), Innuendo nun fu mai esiguita dû gruppu urigginali. Duranti lu Freddie Mercury Tribute Concert1993, li 3 ristanti cumpunenti dû gruppu sunaru la canzuna cu Robert Plant.

Vidiu clip[cancia | cancia la surgenti]

Nu cumplicatu vidiu clip fu criatu pi accumpagnari 'lu síngulu, utilizzatu figuri di plastilina e ripresi 'n stop-motion 'n nu set ca ricustruiva nu cínima 'n miniatura. Li cumpunenti dû gruppu sunnu prisenti nnô schermu dû cínima, riprudotti cu na tècnica ri animazzioni ca sfrutta spizzoni di vidiu pricidenti (comu The Miracle, Scandal, Breakthru, The Invisible Man, I Want It All, e scene ru Live at Wembley '86), facennu cumpariri li quattru cumpunenti secunnu diversi stili: Freddie 'n chidu di Liunardu da Vinci, Brian Man 'n chiddu vitturianu, Roger Taylor 'n chiddu di Jackson Pollock, e John Deacon 'n chiddu di Pablo Picassu. Na prima virsioni di stu vidiu fu bannita dî tv miricani pâ prisenza di filmati dâ guerra dû golfu. Nnâ virsioni altirnativa (senza ddi filmati) fu rializzata e mannata 'n onna nnî Stati Uniti.