Elektra Records

Dâ Wikipedia, la nciclupidìa lìbbira.

Elektra Records è na tichitta discugrafica mèricana, sussidiaria di l'Atlantic Music Group, ca a so vota è cuntrullata da la major Warner Music Group.

Storia[cancia | cancia la surgenti]

L'Elektra fu funnata nto 1950 ra Jac Holzman e Paul Rickholt, cu nu investimentu ri 300$ ra parti ri entrambi. U nomu pruveni da l'eruina di la mitologia greca Elettra, muddificatu cu na K ra Jac ca dissi: “Le ho dunatu a K ca mancava a mia”.

U primu LP di la tichitta arrivò nto marzu 1950: era na cullizzioni ri canzuni ri mùsica classica ca nun vinnìu assai. Finu a li anni sissanta si cuncintrò su la mùsica folk, poi accùminciò a rapirisi na scena pop-rock, guaragnannu assai credibilitati grazzi a li firmi ri gruppi comu i The Doors.

Nto 1970 l'Elektra è stata cumprata da la Kinney National Company pi 10 miliuna ri dollari; dui anni dopu si funnìu cu la Asylum Records furmannu l'Elektra/Asylum, nata sutta a cupola di la Warner Communications, cu David Geffen novu prisirenti, u quali però lassò nto 1975 pi problemi ri saluti.

Nto 1989 u nomu veni canciatu ufficialmenti 'n Elektra Entertainment e ancùora nto 1994 'n Elektra Entertainment Group. Cu passari ri l'anni, specie versu a fini du seculu, la tichitta accùminciò a perdìri colpi e a nun trasiri cchiù assai ne classifiche, nunustanti avissi sutta cuntrattu assai nomi famusi; era opinioni comuni ca l'Elektra nun fussi abbastanta abbili nto promuoviri i so nisciuti, tantu da farli guaragnari u nomignulu dispreggiativu "Neglectra".

Nto 2004, a seguitu di la vinnìta di la Warner Music Group, i novi prupritari anni dicisu ri funnìri Elektra e Atlantic Records, cu na prepunniranza pi l'Atlantic, ca era la tichitta cchiù ridditizza. A nova cumpagnia pigghìò u nomu ri Atlantic Music Group, cu l'Elektra ca si prisintava comu na so sussidiaria.

U status currenti di la tichitta è abbastanza cunfusu. WMG nun avi lassàtu alcuna cumunicazioni ufficiali su nu smantellamentu di li so opirazioni, ma idda nun avi pubbricatu cchiù nenti da la fusioni cu l'Atlantic e molti ri so artisti sunnu passati a pubbricari dischi attraversu chist'ultima.