Headlong
| Headlong | ||
|---|---|---|
| Artista: | Queen | |
| Tipu album: | 7" e 12" síngulu, CD, cassetta | |
| Data dâ nisciuta: | 13 di maiu 1991 (UK) 17 di jinnaru 1991 (USA) | |
| Durata: | 4 min 38 s | |
| Album di pruvinenza: | Innuendo | |
| Gèniri: | Hard rock | |
| Prudutturi: | Queen, David Richards | |
| Noti: | Pubblicatu comu double a-side nzemi a “Mad the Swine" / "All God's People" #3 (USA) #14 (Regnu Unitu) #25 (Canadà, Irlanda) #43 (Girmania) | |
| Cumpusituri: | Brian May | |
| Casa discugràfica: | Parlophone (UK) Capitol (USA) | |
| Singulu pricidenti: | I'm Going Slightly Mad | |
| Singulu succissivu: | The Show Must Go On | |
Headlong è na canzuna dî Queen, scritta di Brian May e pubbricata comu terzu sìngulu nnô discu Innuendo dû 1991. Fu pubbricata 'n virsioni sìngulu, cu la b-side “Mad the Swine” e “All God's People”, lu 14 di jinnaru 1991 nnî Stati Uniti e lu 13 di maiu 1991 ntô Regnu Unitu.
La canzuna
[cancia | cancia la surgenti]La canzuna era dapprincipiu distinata a cumpariri 'n Back to the Light, album sulista di Brian May pubbricatu ntô 1992. May si cunvincìu a dari la canzuna ô gruppu sulu doppu avennu ascurtatu cantari la canzuna di Freddie Mercury, c'un ntripittazzioni ca lu colpì assai. Fu lu primu sìngulu dû gruppu pubbricatu nnî Stati Uniti sutta lu cuntrattu cu la Hollywood Records, lu 14 di jinnaru 1991, puru si ntô Regnu Unitu vinni misu 'n cummerciu circa quattru misi doppu. La canzuna fu puru la prima hit di Innuendo pubbricata dû gruppu 'n Nglaterra.
Vidiu clip
[cancia | cancia la surgenti]Lu vidiu clip di Headlong è unu di l'ùrtimi dî Queen 'n cui si vidi Freddie Mercury, assai malatu di AIDS a ddì tempi. Giratu prima di chiddu di I'm Going Slightly Mad, lu vidiu ammustra lu gruppu 'n studiu di riggistrazzioni, mentri sona lu branu, 'n nu allistimentu sìmili a chiddu di nu palcuscènicu. La virsioni di Headlong ntô clip cunteni na sizzioni extra di 5 secunni pocu doppu lu secunnu riturnellu, mai pubbricatu 'n qualsiasi furmatu audiu.
Li scene 'n cui u gruppu sona lu branu (cu Mercury ca ndossa nu magghiuni giarnu) foru girati nna l'aprili dû 1991, mentri l'àutri ripresi (Mercury è vistutu di blè) foru girati a fini dû 1990 a li Metropolis Studios di Londra (li ripresi 'n cui Mercury cumpari 'n camicia blè cu na cravatta sunnu ri l'autunnu ru 1990, ra nutari l'aspettu ru cantanti 'n cunnizzioni cchiù sani; chiddi 'n cui Mercury appari 'n camicia blè cu nu giubbottu scuru, mmeci, sunnu dû nuvèmmiru 1990, cu n'aspettu di lu cantanti diversu). Fora di Metropolis Studio vennu ammustrati dapprincipiu e â fini dû vidiu. Chistu fu l'ùrtimu clip cu Freddie Mercury rializzatu a culura, li succissivi vidiu di I'm Going Slightly Mad e These Are the Days of Our Lives foru riggistrati 'n jancu e nìuru. 'N quarchi scena dû vidiu, si vidi Brian May ndossari na magghia cu supra Bart Simpson, assai pupulari a ddì tempi.