Autunnu

Dâ Wikipedia, la nciclupidìa lìbbira.
Jump to navigation Jump to search
L'autunnu si arricanusci pâ cascata dî pàmpini

L'autunnu è una dî quattru staciuna di l'annu. L'autunnu mitiurulòggicu dura dû primu di sittèmmiru fini ô 30 di nuvèmmiru. Si canusci l'accuminzata di l'autunnu cu l'aggiarniata dî pàmpini e la siquenti cascata di l'àrvuli.

Orìggini dû nomu[cancia | cancia la surgenti]

La palora "autunnu" veni dritta dû latinu "autumnus", varianti di "auctumnus", ca veni dû verbu "augere", ca voli dìciri "aumintari, ngranari" picchì sta staggiuna porta assai prudotti pî cuntadini e pî viddani ca càmpanu cu chiddu ca dugna la terra. Puru tutti l'àutri lingui neulatini hannu la stissa radici.

Lu làmmicu d'autunnu[cancia | cancia la surgenti]

Sta staciuna è ô spissu assuciata cu na sinzazzioni di malancunìa. Chistu causa è prubbàbbili dâ fini d'astati, dû ritornu ô travagghiu e ô grapìrisi dî scoli. Lu celu accumincia a non jèssiri cchiù lìmpitu ma griciu e neulusu. Lu càudu si nni va e accumìncianu li jurnati friddi. Scura cchiù viatu e lu jornu s'accurza. Nta stu pirìudu cadi macari la Festa dî Morti ca porta àutru làmmicu.

Ntâ littiratura siciliana[cancia | cancia la surgenti]

Di Chiddu ca mi piaci di Mariu Gori:

Mi piaciunu li strati di campagna
versu l'autunnu ccu li fogghi morti,
la negghia fitta supra la muntagna
la vuci di lu ventu quannu è forti.


Li staciuna:

Taliati macari[cancia | cancia la surgenti]