Gradu Rømer

Dâ Wikipedia, la nciclupidìa lìbbira.
Jump to navigation Jump to search

A scala termumetrica Rømer (o Roemer) eni na scala di timpiratura ca piggìa u nomu da lu astronumu danisi Ole Christensen Rømer ca la prupusi nto 1701. I timpiraturi di chista scala vennu innìcati comu °Rø. Chista scala nun eni cchìu 'n usu.

Storia[cancia | cancia la surgenti]

A scala fu pruposta nto 1701, u stissu annu di la pubblicazzioni di la scala Newton e, comu idda, era na scala di tipu calibratu.

Rømer partì pì la formulazzioni di chista scala da li studi compiuti da Galileo Galilei ncapu u termoscopiu tinennu 'n cunsidirazioni puru li effetti di la prissioni attimusferica. Rømer realizzò nu termometru (termoscopiu dutatu di scala calibrata) inserennu dintra nu tubbu di vitru sigillatu e nun suttapostu a prissioni esterna na miscela di alcol e acqua sutta forma di vinu.

'N chista scala, u puntu fissu currispunnenti a ziru gradi eni chiddu currispunnenti a lu puntu di cungelamentu di la salamoia. All'avutru puntu fissu, u puntu di ebollizioni di l'acqua, fu nveci assìgnatu u valuri di 60 gradi. 'N basi a chisti punti fissi, secunnu a scala Rømer u puntu di cungelamentu di l'acqua currispunni a 7,5 gradi °Rø. Da chistu si evinci puru ca nu gradu Rømer currispunni a 40/21 di gradi celsius, ossia 1 °Rø = 1,9048 °C.

Li studi di Rømer purtirannu nto 1724 a la formulazzioni di la scala Fahrenheit, comu testimuniatu da la currispunnenza di lu stessu fisicu tidiscu Daniel Gabriel Fahrenheit, ca multiplicò pi 4 ogni gradu Rømer (pì evitari timpiraturi frazzionari) e definì 'n modu divìersu i dui punti fissi di riferimentu.

Cancìamentu tra scali[cancia | cancia la surgenti]

Cancìamentu da gradi Rømer ad avutri scali[cancia | cancia la surgenti]

  • Celsius: °C = (°Rø − 7,5) * 40 /21
  • Kelvin : °K =273,15 + (°Rø − 7,5)* 40/21
  • Fahrenheit: °F = 32 + (°Rø − 7,5)*24/7

Cancìamentu da avutri scali a gradi Rømer[cancia | cancia la surgenti]

  • Celsius: °Rø = 7,5 + °C * 21/40
  • Kelvin: °Rø = 7,5 + (°K-273,15)*21/40
  • Fahrenheit: °Rø = 7,5 + (°F − 32)*7/24

Talìa puru[cancia | cancia la surgenti]