Massa di Planck

A massa di Planck eni l'unitati naturali di la massa, eni innìcata comu $m_{P}$ e pigghìa u sò nomu da lu fisicu tidiscu Max Planck. Cuncettualmenti, eni definibbili (a menu di nu fatturi $\ 2\pi$ ) comu a massa di na particedda elementari la cui lunchizza d'unna Compton eni uguali a la lunchizza di Planck.

m_{P}={\sqrt {\frac {\hbar {}c}{G}}}

≈ 1,2209 × 10¹⁹ GeV/c² = 21,76 µg

U CODATA (Committee on Data for Science and Technology) arriporta u seguenti valuri pì la massa di Planck: 2,176 51 × 10⁻⁸ kg ± 0,000 13 × 10⁻⁸ kg.

I fisici ca travagghìanu ntô campu di la fisica di li particeddi e i cosmoluggi usanu spissu a massa di Planck arridutta, ca eni definita comu

{\sqrt {\frac {\hbar {}c}{8\pi G}}}

≈ 4,340 µg.

L'agghìunta di nu termini 8π a denominaturi semplifica assai equazzioni usati 'n ambitu gravitazzionali.

Mpurtanza

A massa di Planck eni a massima massa permessa da la natura pì massi puntiformi. 'N avutri paroli, a massa di Plank eni na massa capaci di pussìdiri na singula carica elementari. A massa di Planck currispunni a chidda di la soluzzioni di Schwarzschild (v. Spazziu-tempu di Schwarzschild) pì lu bucu nivuru ca si pò genìrari quannu si intende effettuari na misura di posizzioni usannu fotoni cu lunchizza d'unda uguali a la lunchizza di Planck. A tali lunchizza di scala si ritiene che li effetti di la relativitati ginirali e di la miccànica quantìstica addìventanu cuntempuraneamenti mpurtanti.

Talìa puru