Villabbati
| Villabbati | |
| |
| Muttu: Viva San Giuseppi; | |
| Nomu ufficiali: | Villabate |
|---|---|
| Riggiuni: | |
| Pruvincia: | Palermu (PA) |
| Cuurdinati: | 38°5'0"N, 13°27'0"E Ammustra ntâ mappa |
| Superfici: | 3,83 km² |
| Abbitanti: | 18.372 |
| Dinzitati: | 6.124 ab./km² |
| Cumuni cunfinanti: | Ficarazzi, Musulumeli, Palermu |
| CAP: | 90039 |
| Prifissu telefònicu: | +091 |
| Situ ufficiali: | http://www.comune.villabate.pa.it/ |
Villabbati è nu paisi ca s'attrova a 1 chilòmitru di Palermu, ntâ vaddi dû ciumi Milicia.
Lu paisi lu fici nàsciri l'abbati Antoniu Agnedduu, ammeri lu 1700.
Ntô sèculu XIX fu cunzidiratu di li palirmitani comu nu locu di villiggiatura; nfatti lu paisi s'attrova nta la Conca d'oru n menzu ê mannarina ca ancora ora ci sunnu, ma li chiossai d'iddi furu scippati pi ngranniri lu paisi.
Villabati ora è nu paisuni granni e si ponnu attruvari macari mprisi nichi ntî l'aria nnustriali, putìi e supirmircati ntô paisi, ca rapprisèntanu l'attivitati ecunòmichi dû locu.
Lu santu patruni di Villabati è San Giuseppi e pâ sò festa (marzu) ntô paisi passa la prucissioni dû Vastuni ri San Giusieppi, si fa lu pani e si và a la chiesa a binidicìrilu, e appoi si priparanu tavulati cu ministruni pi dàrilu ê puvireddi.
Lu paisi havi macari mpianti spurtivi unni joca la squatra di palluni "Splendore Villabati". N'àutru mpiantu è la piscina Hidra, una di li cchiù granni dâ pruvincia.
Turismu
[cancia | cancia la surgenti]Di granni 'nteressi turisticu sunnu la chiesa ottucintesca di Sant'Agata, 'na torri di èpuca spagnola, e li resti di la cità finicia a Cozzo di la Cannita, e havi macari dui chiesi, 'n stili mudernu, ca sunnu San Giuseppi e Sacro Cuore di Gesù.
Carattiristici sunnu lu "parchettu di la musica", Palazzu Migliaccio, Villa Vitali, li cuniculi scavati sutta a la supirfici di la Piazza di la Rigioni ('a piazza principali), loghi di riparu duranti li bummi di la guerra e la piazza Guglielmo Marconi cu 'na chiesa muderna (S. Agatone Papa) e cu li resti di un munumentali canceddu pi tràsiri.
Di taliari è macari l'attuali custruzioni chi ospita la caserma di la pulizia municipali e l'aria 'ntunnu, un tempu stazioni firroviaria.
Comu arrivaricci
[cancia | cancia la surgenti]Lu cumuni di Villabbati è situatu ntî 'na 'mpurtanti zona strateggica: supra a idda si ramificanu tutti li vii di cumunicazioni tra Palermu e l'àutri paisi (Musulumeli, Ficarazzi, Belmunti Minzagnu). Havi un raccordu autostradali (unu di li cchiù granni di la Sicilia) chi cullega lu scurrimentu viloci Girgenti-Palermu e l'Autostrata A19 chi tanticchia doppu addiventa Viali di la Regioni Siciliana (direzioni Palermu). Villabbati è picciò macari facilmenti raggiungibbili, non sulu pi l'assai nùmmira di strati e strati statali ca l' attraversanu, ma macari pi la lìnia di l' Amat di Palermu ca fa' sirvizziu ntî lu paisi: la 224 (megghiu canusciuta comu " 'a 24" di li pirsoni cchiù anziani) chi cullega direttamenti la stazioni cintrali di Palermu a lu centru dû paisi. Cu lu passari dû tempu, quinni, la citatina ebbi un 'ncrementu di la pruduzioni 'nsemmula di la qualità di la vita, essennu appuntu un paisi di passaggiu un po' pi tutti.
Giamiddaggi
[cancia | cancia la surgenti]Villabati è giamiddata cu Żabbar, nu paisi di l'ìsula di Malta dû 1997.
