La Pruvincia di Palermu è na pruvincia dâ Sicilia nord-uccidintali cu cchiù di 1,2 miliuna d'abbitanti, e n'aria di quasi 5.000 kmq, cu capulocu la citati di Paliemmu. Rapprisenta nu quintu dâ ntera aria e nu quartu dâ pupulazzioni di l'ìsula, supraniànnucci pi l'attivitati ecunòmichi, la nnustria, l'agricultura, la finanza, li trasporti, lu turismu e l'amministrazzioni, tutti assai sviluppati. Zoccu carattirizza sta pruvincia è la ricchezza dâ sò cultura pupulari, duminata dî culura, sapura e prufumi forti, chi si prisèntanu comu baricèntricu risurtatu dû nflussu di na quantitati di culturi pruvinenti di quasi tuttu lu munnu.
