Caltaggiruni

Dâ Wikipedia, la nciclupidìa lìbbira.
(Rinnirizzata di Caltagirone)
Jump to navigation Jump to search
Caltaggiruni
Caltagirone-Stemma1.png
Dittagghi: Stemma di Caltaggiruni
Muttu: Urbs Gratissima
Nomu ufficiali: Caltagirone
Pruvincia: Catania
Superfici: 382 km²
Abbitanti: 38.220
Dinzitati: 96 ab./km²
Cumuni cunfinanti: Acati, Gela, Grammicheli, Licuddìa, Mazzarinu, Mazzarruni, Miniu, Mirabedda Mbaccari, Niscemi, Chiazza , San Micheli di Ganzaria
CAP: 95041
Prifissu telefònicu: 0933

Caltaggiruni (Caltaggerune scrittu secundu la fonetica lucali, Caltagirone in talianu) è nu comuni di 37 953 abbitanti dâ Cittati metrupolitana di Catania. È luntana 68 km dû sò capulocu pruvinciali Catania e 195 km dû sò capulocu reggiunali Palermu. È lu quintu comuni cchiù populatu dâ Città metrupolitana e lu primu pi grandizza territoriali. È lu 23 comuni dâ Sicilia pi populazzioni e lu quintu pi grandizza. È sedi piscupali dû 1816. È capulocu di nu vastu comprensoriu territoriali, chiamatu Calatinu e Sud Simetu, ca è ndâ parti meridionali di lu enti metrupolitanu di oji.

Centru urbanu misu centralmenti intra la Sicilia centrali, chiḍḍa orientali e lu litoriali meridiunali, è celebri pâ produzzioni dâ ciramica, a quali la rendi lu maggiuri centru reggiunali e unu di cchiù impurtanti d’Italia. Fu pi ultra dui millenni nu puntu strateggicu di controllu pi multi populi ca contrullavunu li chiani di Catania e Gela, intra di cui bizzantini, arabbi, genuvisi e nurmanni. È macaru nu impurtanti centru agriculu, pi so grandi campagni.

Lu centru storicu avi lu titulu di Patrimoniu di l’umanitati di l’UNESCO dû 2002, facenti parti dû consorziu du Vaḍḍu di Notu, inzemmura a Catania, Militeddu, Scichili, Muorica, Rausa, Notu e Palazzolu.

L'etimoluggìa diriva di l'àrabbu Q'al'at jiran (appoi trasfurmatu in Kalta-jiran), ca signìfica dui Casteḍḍi vicini.

Oji, ultra lu celebri centru storicu, la città avi macaru n'area abbitata di etati recenti, undi putemu truvari alcuni importanti vii, palazzi, lochi e chiazzi centrali dâ cittati. Chista parti dâ cittati è oji lu cori urbanu dû comuni.

Frazzioni[cancia | cancia la surgenti]

Giamillaggi[cancia | cancia la surgenti]

Nasciuti a Caltaggiruni[cancia | cancia la surgenti]

Dialettu[cancia | cancia la surgenti]

Ultra lu talianu, a Caltaggiruni si parra lu sicilianu, ndâ so varietati lucali, chiamata caltaggirunisi (secundu la grafia lucali caltaggerunise), ca è nu dialettu sicilianu orientali, comu chiḍḍu catanisi o sarausanu, di quali è differenti pâ presenza di nu substratu liguri ca lu differenzia dî autri dialetti siciliani e ô stissu tempu dî parrati gaḍḍu-italici di Sicilia, comu chiḍḍi di Ciazza o Nicusìa. Autri influenzi sunu li stissi dû sicilianu standard, comu l’arabbu, lu castigghianu, lu francisi, lu catalanu, lu grecu. Chistu dialettu si differenzia macari dî autri orientali pî soluzzioni fonologgici cchiù prossimi ô sicilianu centrali, specialmenti ndî verba e ndû vocabbulariu di basi.

La scalazza di Caltaggiruni, dicurata dâ famusa ciramica

Ndû dialettu si hanu, a livellu foneticu e fonologgicu, elementi pi nenti comuni ô sicilianu standard, comu la vucali centrali (canusciuta comu scevà) ô postu dî vucali [e] e [i], la lenizzioni intervucalica a centru di palora (specialmenti dû sonu /s/, ca si trasforma in /z/, pirò macaru dâ /ʧ/, ca si trasforma in /ʒ/), li vucali nasali e li semicunsunanti in posizzioni centrali. A livellu morfologgicu, va nutatu l’usu dî tempi composti pî indicari azzioni passati, ô posto dî tempi remoti, ca veninu utilizzati pi parrari in forma chiù espressiva (probabilmenti di origgini castigghiana o catalana). Lu rotacismu è assai frequenti (u patre re Furippu), accussì comu l’assimilazzioni (Unn'ha fattu a dumanna ppê Carrabbenere?). La lingua liguri (specialmenti la parrata genuvisi-savunisi), contribuìu in forma impurtanti, e alcuni palori, comu carruggiu e scagnu, accussì comu alcuni cognoma, comu Grillu, Doria, Traversa, La Ferla, Funtana, Vassaḍḍu e Marchisi sunu na testimunianza di chista presenza. Assai comuni è la contrazzioni vucalica a cumenzu di palora (ḍḍunarisi ô postu di aḍḍunarisi) o lu raddoppiu dî consonanti. Si pò vidiri macaru una particulari metafunia, ca trasforma lu sonu /a/ in /o/ (oceḍḍu ô postu di aceḍḍa).

Lu caltaggirunisi è assai influenzatu dû dialettu catanisi, pirchì sunu dui dialetti sumigghianti e pirchì li cittati di Caltaggiruni e Catania hanu frequenti scanci e incontri commerciali e amministrativi. Alcuni caltaggirunisi sunu macaru influenzati dâ parrata rausana, mintra lu sicilianu centrali avi qualcu picciula sumigghianza fonetica cû chistu dialettu (ndî verba o ndî alcuni palori).

La grandi impurtanza dû talianu, e la mancanza di nu standard universali di scrittura pû sicilianu, inzemmura ê particularitati dû dialettu creanu probblemi pi scriviri chistu dialettu: si po scriviri usandu li scritturi tradizziunali dû sicilianu o macaru adattari chista ê particularitati di chistu dialettu.

Lu caltaggirunisi nun avi dialetti veramenti sumigghianti dû circundariu, macaru pirchì alcuni sunu dialetti di autri varietati di sicilianu (asempi chiḍḍu di Niscemi, di Vischiri o di Mirabeḍḍa). Ndî frazzioni di Santu Petru, Chianu San Paulu e specialmenti Granieri si parra la varietati sud-orientali, o rausanu.


Dichiarazzioni Universali di li diritti di l'Omu

"I cristiane nasciunu tutte libbere e tutte i stisse, ppe dignità e diritte. C' hanu u' cereveḍḍu e a cuscenza, e s'hanu cumpurtare 'ntra de iḍḍe comu se fussuru frate."

Patri nostru (Patrə nostru)[cancia | cancia la surgenti]

Patre nostru, che se 'n celu,

Santiffjatu v'è u nomu tò,

venisse prestu u tò regnu,

sempre fatta v'è a tò vuluntà.

Comu 'n celu accusse 'n terra.

Dunene sempre u nostru pane cutidianu,

E togghiene i nostre debbite

Accusse comu nuatre i tugghimu

a e debbiture nostre.

E nun ne lassare cascare 'n tentazziune,

ma libbirene dû male, AMEN.


Exquisite-kfind.png Pi sapìrinni cchiossai, vidi puru la vuci Cullina di Sant’Ippòlitu (Caltaggiruni).